(រដ្ឋធានីវ៉ាស៊ីនតោន)៖ សារព័ត៌មាន News Week បានចេញផ្សាយនៅថ្ងៃទី២៥ កុម្ភៈនេះថា លោកប្រធានាធិបតីរុស្ស៊ី លោក វ្ល៉ាឌីមៀរ ពូទីនបានផ្តល់សញ្ញាថា លោកបានត្រៀមខ្លួនរួចរាល់ហើយសម្រាប់ការប្រឈមមុខជាមួយវិបត្តិមីស៊ីលគុយបា ដែលបានកើតឡើងនៅក្នុងទសវត្សឆ្នាំ ១៩៦០ ដោយលោកពូទីនបាននិយាយថា សហរដ្ឋអាមេរិកស្ថិតក្នុងដៃរុស្ស៊ី ដែលអាចគ្រញិកនៅពេលដែលសង្គ្រាមនុយក្លេអ៊ែរផ្ទុះឡើង។
វិបត្តិមីស៊ីលគុយបា គឺជាភាពតានតឹងតានតឹងរវាងអាមេរិក និងសហភាពសូវៀតនៅពេលដែលសក្តានុពលនៃសង្គ្រាមនុយក្លេអ៊ែរ រវាងប្រទេសទាំងពីរមានភាពជាក់ស្តែង។ ជម្លោះរវាងប្រទេសទាំងពីរត្រូវបានគេមើលឃើញថា គឺជាការប្រឈមមុខដាក់គ្នាដោយគ្រាប់មីស៊ីលរវាងមហាយក្សទាំងពីរ ដោយកាលនោះ សហរដ្ឋអាមេរិកបានដាក់ពង្រាយគ្រាប់មីស៊ីលនៅក្នុងប្រទេសទួរគី និងអ៊ីតាលី ដើម្បីជាការឆ្លើយតបទៅនឹងការដាក់ពង្រាយគ្រាប់មីស៊ីលរបស់រុស្ស៊ី នៅក្នុងប្រទេសគុយបា។
ចំពោះអ្នកសង្កេតការណ៍មួយចំនួន ការអត្ថាធិប្បាយរបស់លោកពូទីនកាលពីថ្ងៃពុធ ហាក់បង្ហាញថា ការប្រណាំងប្រជែងគ្រឿងសព្វាវុធរវាងប្រទេមហាយក្សនុយក្លេអ៊ែរទាំងពីរ នឹងមិនអាចជៀសរួចនោះទេ។
លោកពូទីនបាននិយយាថា «ស្ថានការណ៍បច្ចុប្បន្ននេះ មិនមែនជាហេតុផលក្នុងការបង្កើនការប្រឈមមុខដាក់គ្នាដល់វិបត្តិមីស៊ីលគុយបាទេកាលពីទសវត្សឆ្នាំ ៦០នោះទេ។ លោកថា យើងមិនចង់ទេឥឡូវ ប៉ុន្តែបើគេចង់ OK យើងស្វាគមន៍»។
ទន្ទឹមនេះ លោកពូទីនបានគម្រាមថា ប្រសិនបើសហរដ្ឋអាមេរិកហ៊ានតែដាក់តម្លើងប្រព័ន្ធមីស៊ីលនៅក្នុងបណ្តាប្រទេសអ៊ឺរ៉ុបណាមួយ រុស្ស៊ីនឹងប្រើគ្រាប់មីស៊ីលល្បឿនលឿនជាងសម្លេងរបស់ខ្លួនកំណត់គោលដៅសហរដ្ឋអាមេរិក។ ស្រដៀងទៅនឹងការលើកឡើងរបស់លោកពូទីន អតីតមន្ត្រីជាន់ខ្ពស់រុស្ស៊ីខាងទ័ពជើងទឹក បញ្ជាកងអង្គភាពធំនៃក្រុមនាវាមុជទឹក បានព្រមានថា មីស៊ីលរុស្ស៊ីអាចកម្ទេចមូលដ្ឋានទ័ពអាមេរិកក្នុងរយៈពេលត្រឹមតែ ៥នាទីគត់។
ភាពតានតឹងរវាងសហរដ្ឋអាមេរិក និងរុស្ស៊ីនាពេលនេះ បានផ្ទុះឡើងចាប់តាំងពីសហរដ្ឋអាមេរិកបានប្រកាសដកខ្លួនចេញពីសន្ធិសញ្ញានុយក្លេអ៊ែរ។ រុស្ស៊ីគម្រាមថា វត្តមានមីស៊ីលអាមេរិកនៅក្នុងទឹកដីអ៊ឺរ៉ុប នឹងនាំឲ្យរុស្ស៊ីបើកការវាយកម្ទេចប្រទេសទាំងនោះ។ យ៉ាងណាមិញ ថ្មីៗនេះ ជប៉ុនបានប្រកាសពីការដាក់តម្លើងមីស៊ីលអាមេរិកក្នុងទឹកដីរបស់ខ្លួនទៅតាមការគ្រោងទុក ប៉ុន្តែមិនឃើញមានប្រតិកម្មណាមួយពីរុស្ស៊ីនៅឡើយ៕
Home ព្រឹត្តិការណ៍ថ្មីៗ លោកពូទីនផ្ញើសារទៅលោកត្រាំថា រុស្ស៊ីត្រៀមខ្លួនសម្រាប់វិបត្តិមីស៊ីលគុយបារួចរាល់ហើយ