ក្រុមហ៊ុនToyotaនឹងផលិតរថយន្តឋានព្រះចន្ទ័អាចបើកបរដោយខ្លួនឯង ដែលនឹងធ្វើឲ្យក្រុមអវកាសចរ ជិះលេងបានដោយស្រួលនៅលើផ្ទៃឋានព្រះចន្ទ័ ដោយមិនចាំបាច់ពាក់អាវអវកាសនោះទេ ខណៈពេលដែលប្រទេសមួយនេះ ចង់បង្កើនភាគហ៊ុនរបស់ខ្លួន ស្របពេលមានចំណាប់អារម្មណសហគមន៍អន្តរជាតិកើនឡើងលើការរុករកឋានព្រះចន្ទ័នោះ។
ទីភ្នាក់ងារព័ត៌មានKyodo បានរាយការណ៍ថា ក្រុមហ៊ុនផលិតរថយន្តរបស់ជប៉ុនមួយនេះ និងទីភ្នាក់ងាររុករកអវកាសជប៉ុន(Jaxa) សង្ឃឹមថា រូបយន្តនេះ នឹងរួមបញ្ចូលទាំងបេសកកម្មនៅចន្លោះឆ្នាំ២០២៩ និង២០៣៤ខាងមុខ។
ក្រុមហ៊ុន Toyotaបាននិយាយថា រូបយន្តមានកង់៦ ដែលស្ថិតនៅក្នុងដំណាក់កាលគិតនេះ នឹងដើរដោយថាមពលកោសិកាឥន្ធនៈ ហើយវាអាចផ្ទុកមនុស្សបាន២នាក់ ឬ៤នាក់ក្នុងគ្រាអាសន្នសម្រាប់រយៈពេលជាច្រើនសប្តាហ៍ ហើយនិងអាចរត់បានចម្ងាយ១ម៉ឺនគ.ម។
លោកស៊ីហ្គេគី តេរ៉ស៊ី គឺជាអនុប្រធានប្រតិបត្តិក្រុមហ៊ុន Toyotaបាននិយាយថា ក្នុងនាមជាវិស្វករម្នាក់ មាននូវរឿងសប្បាយរីករាយច្រើនណាស់ ជាងការចូលរួមនៅក្នុងគម្រោងនៅឋានព្រះចន្ទ័ទៅតៀត ដូចជាការផលិតរថយន្តរបស់ក្រុមហ៊ុន Toyota។ លោកពិតជារំភើបចិត្តខ្លាំងណាស់ចំពោះទស្សនីយភាពនៃការផលិតរូបយន្តបើកបរដោយខ្លួនឯងនៅលើឋានព្រះចន្ទ។
ដោយឡែក លោកហ៊ីរ៉ូស៊ី យ៉ាម៉ាកាវ៉ា គឺជាប្រធានទីភ្នាក់ងារអវកាសជប៉ុន បាននិយាយថា កាលដែលក្រុមហ៊ុន Toyotaបានសហការណ៍ជាមួយពួកយើងក្នុងការប្រជែងរុករកដែនអវកាសអន្តរជាតិបែបនេះ វានឹងពង្រឹងដល់ទំនុកចិត្តរបស់ពួកយើងឲ្យកាន់តែអស្ចារ្យថែមមួយកម្រិត។ រូបយន្តមានមនុស្សជិះជាមួយនឹងកាប៊ីនទប់សំពាធខ្យល់ គឺជារូបយន្តដើរតួយ៉ាងសំខាន់មួយក្នុងបេសកកម្មរុករករបស់ពួកយើង ហើយវានឹងប្រើប្រាស់នៅលើផ្ទៃឋានព្រះចន្ទ័។
សូមបញ្ជាក់ថា ជប៉ុនស្ថិតនៅក្នុងចំណោមប្រទេសជាច្រើនទៀតដែលវិនិយោគទុនយ៉ាងច្រើនលើការធ្វើដំណើរចម្ងាយ២៣៩.០០០ម៉ៃល៍ចេញពីផែនដីទៅកាន់ឋានព្រះចន្ទ័។
កាលពីពេលថ្មីៗនេះ ចិនបានក្លាយជាប្រទេសលើកដំបូងគេបានចូលចតរូបយន្តគ្មានមនុស្សបើក យ៉ាងជ្រៅនៅលើឋានព្រះចន្ទ័ ហើយកាលពីខែមុន អ៊ីស្រាអែល បានចាប់ផ្តើមបេសកកម្មដំបូងរបស់ខ្លួនទៅកាន់ឋានព្រះចន្ទ័ជាមួយនឹងការចុះចតយានអវកាស Beresheetហើយក្នុងនោះឥណ្ឌា ត្រវបានគេរំពឹងផងដែរថា នឹងបង្ហោះរូបយន្តឋានព្រះចន្ទ័របស់ខ្លួននៅពេលក្រោយក្នុងឆ្នាំនេះ។
ដោយឡែក សហរដ្ឋអាមេរិក ដែលបានក្លាយជាប្រទេសលើកដំបូងគេ បានបញ្ជូនមនុស្សទៅកាន់ឋានព្រះចន្ទ័ កាលពីរយៈពេលពាក់កណ្តាលសតវត្សរ៍មុននោះ គ្រោងនឹងបញ្ជូនប៉ុស្តិ៍មុខខ្នាតតូចរបស់ខ្លួនទៅកាន់គន្លងព្រះចន្ទ័ ដើម្បីធ្វើជាមូលដ្ឋានមួយសម្រាប់បេសកកម្មរបស់មនុស្សនៅលើឋានព្រះចន្ទ័ និ
