ក្រុមបាតុកររាប់ពាន់នាក់បាននាំគ្នាដើរនៅលើដងផ្លូវ ទាមទារឲ្យលោកប្រធានាធិបតីអាល់ស៊ីរី Abdelaziz Bouteflika ចុះចេញពីតំណែង។
កម្លាំងសន្តិសុខបានបាញ់ទឹកដើម្បីបំបែកហ្វូងមនុស្សដ៏ច្រើន ដែលបានប្រមូលផ្តុំគ្នានៅអាល់ហ្សេរីក្នុងអំឡុងពេលប្រាំមួយថ្ងៃជាប់គ្នានៃការដើរក្បួននៅក្នុងទីក្រុង។ ក្រុមអ្នកតវ៉ាកំពុងបានអំពាវនាវឱ្យមេដឹកនាំវ័យ ៨១ឆ្នាំចុះចេញពីតំណែងនៅក្រោមបទប្បញ្ញត្តិមួយ នៅក្នុងរដ្ឋធម្មនុញ្ញដែលចែងថា ប្រសិនបើសុខភាពរបស់ប្រធានាធិបតីមិនអំណោលផលដល់ការកាន់មុខតំណែងនោះទេ ការិយាល័យត្រូវតែប្រកាសមុខតំណែងដែលនៅទំនេរ។
មជ្ឈដ្ឋានជាច្រើនជឿជាក់ថា លោក Bouteflika មិនមានកាយសម្បទាមាំទាំនោះទេ ដោយសារមានជំងឺនិងប្រគលមុខតំណែងនេះទៅឲ្យក្រុមមន្ត្រីយោធាស៊ីវិល។
មាត្រាទី១០២ ចែងថា ក្នុងករណីដែលប្រធានាធិបតីមិនមានសមត្ថភាពអនុវត្តភារកិច្ចរបស់ខ្លួនដោយសារជំងឺធ្ងន់ធ្ងរ ឬជម្ងឺរ៉ាំរ៉ៃនោះ ប្រមុខរដ្ឋសភាគួរតែចូលកាន់តំណែងរបស់គាត់ ក្នុងរយៈពេលមិនលើស ៤៥ថ្ងៃ។
កាលពីដើមសប្តាហ៍នេះ មេបញ្ជាការកងទ័ពរបស់ប្រទេសនេះបានហៅការទាមទាររបស់ក្រុមបាតុករថា «ស្របច្បាប់»។
លោកឧត្តមសេនីយ៍ Ahmed Gaid Salah បាននិយាយថា «ដើម្បីដោះស្រាយវិបត្តិនៅក្នុងប្រទេសនាពេលឥឡូវនេះ ការអនុវត្តតាមមាត្រា ១០២គឺចាំបាច់ហើយជាការធានាតែមួយគត់ ដើម្បីរក្សាស្ថានភាពនយោបាយដោយសន្តិវិធី»។ សមាជិកខ្លះនៃក្រុមអ្នកប្រឆាំង និងអ្នករៀបចំការតវ៉ាបានអំពាវនាវឱ្យមានការផ្លាស់ប្តូរមុខតំណែងប្រធានាធិបតីផងដែរ។
លោក Bouteflika ដែលត្រូវបានជាប់ឆ្នោតក្នុងឆ្នាំ ១៩៩៩ បានទទួលរងនូវជំងឺដាច់សរសៃឈាមខួរក្បាលក្នុងឆ្នាំ ២០១៣ ហើយត្រូវបានគេមើលឃើញថាជាសាធារណៈតាំងពីពេលនោះមក។
លោកបានប្រកាសពីគោលបំណងរបស់លោកក្នុងការស្វែងរកអាណត្តិទី ៥នៅថ្ងៃទី ១០ខែកុម្ភៈនៅក្នុងសេចក្តីថ្លែងការណ៍ដែលបានផ្សាយដោយទីភ្នាក់ងារព័ត៌មានរដ្ឋ។
ទង្វើនេះបានបង្កឱ្យមានកំហឹងនៅតាមដងផ្លូវអាល់ហ្សេរី និងបានបញ្ឆេះការតវ៉ាជាលក្ខណៈទូទាំងប្រទេស។ បន្ទាប់ពីបាតុកម្មរយៈពេលជាច្រើនសប្ដាហ៍ប្រឆាំងនឹងបេក្ខភាពរបស់លោក ទើបមានការប្រកាសថា លោកមិនស្វែងរកការកាន់នៅក្នុងអណ្ណត្តិទី៥វិញ៕
