កូរ៉េខាងជើងបានថ្កោលទោសកូរ៉េខាងត្បូងអំពីការសម្រេចចិត្ត ក្នុងការដាក់ពង្រាយយន្ដហោះចម្បាំង F-35A ជំនាន់ទី ៥ Uriminzokkiri ដែលផលិតដោយអាមេរិក។
ដោយបានអំពាវនាវឱ្យក្រុងសេអ៊ូលឲ្យពិចារណាពីសក្តានុពលនៃផលវិបាកមហន្តរាយ នៃការដាក់ពង្រាយរបស់ក្រុមអ្នកប្រយុទ្ធ នៅក្នុងតំបន់នោះ ប្រព័ន្ធផ្សព្វផ្សាយបានសង្កត់ធ្ងន់ថា «ទង្វើនេះធ្វើឲ្យមានភាពតានតឹងផ្នែកយោធានៅឧបទ្វីបកូរ៉េ ហើយគឺជាការប្រជែងដោយផ្ទាល់ទៅនឹងកិច្ចខិតខំប្រឹងប្រែងក្នុងការសម្រេចបាននូវសន្តិភាព»។
ការចេញផ្សាយបែបនេះពីប្រព័ន្ធផ្សព្វផ្សាយកូរ៉េខាងជើង ធ្វើឡើងក្រោយពេលដែលប្រទេសកូរ៉េខាងត្បូងបានទទួលយន្តហោះចម្បាំង F-35A ចំនួនពីរគ្រឿងកាលពីចុងខែមុន រីឯ ៨គ្រឿងបន្ថែមទៀតនឹងត្រូវទទួលបានដោយកូរ៉េខាងត្បូងនៅចុងឆ្នាំនេះ និងសរុបការកម្មង់ទាំងអស់មានចំនួន ៤០គ្រឿង។ មុនយន្តហោះទាំងនោះត្រូវបញ្ជូនទៅឲ្យកូរ៉េខាងត្បូង ក្រុមអាកាសយានិកយន្តហោះចម្បាំងនេះ បានចំណាយពេលជាច្រើនខែធ្វើការហ្វឹកហាត់នៅមូលដ្ឋានទ័ពអាកាស ក្នុងរដ្ឋអារីហ្សូណា។
បច្ចុប្បន្ននេះកម្លាំងអាកាសរបស់កូរ៉េខាងត្បូង វ៉ាដាច់ទ័ពអាកាសកូរ៉េខាងជើង ខណៈដែលកូរ៉េខាងត្បូងប្រើសុទ្ធតែយន្តហោះចម្បាំងទំនើបៗរបស់សហរដ្ឋអាមេរិក រីឯកូរ៉េខាងជើងវិញប្រើតែយន្តហោះចម្បាំងរុស្ស៊ីតែប៉ុណ្ណោះ។ កងកម្លាំងអាកាសរបស់កូរ៉េខាងជើងមានភាគច្រើនមានយន្តហោះសម័យសូវៀតរួមទាំងយន្ដហោះ MiG-21, Su-25, MiG-23s និង MiG-29 ដែលត្រូវបានគេណែនាំជាលើកដំបូងនៅក្នុងដើមទសវត្សរ៍ឆ្នាំ ៨០ ដែលទាំងនេះ គឺជាយន្តហោះចម្បាំងសម័យទំនើបបំផុតរបស់កូរ៉េខាងជើងហើយ៕
Home ព្រឹត្តិការណ៍ថ្មីៗ កូរ៉េខាងជើងព្រមានពីផលវិបាកមហន្តរាយ ខណៈដែលយន្តហោះចម្បាំង F-35 ត្រូវបានចែកចាយទៅឲ្យកូរ៉េខាងត្បូង