សហរដ្ឋអាមេរិកបានធ្វើសមយុទ្ធជាមួយឥណ្ឌានៅជិតថ្មប៉ប្រះទឹកដែលមានរាងដូចចិញ្ជៀន។ ទន្ទឹមនេះ អង្គការសហប្រជាជាតិបាននិយាយថា វាគឺជាការយកកោះនោះពីអ្នកស្រុកជនជាតិដើមដោយខុសច្បាប់ និងទាមទារឲ្យប្រគល់ទៅម្ចាស់ស្រុកវិញ។
ក្នុងកំឡុងពេលនៃការធ្វើសកម្មភាពនេះ កងទ័ពជើងទឹកសហរដ្ឋអាមេរិក និងឥណ្ឌាបានដាក់ពង្រាយយន្តហោះយោធា P-8 Posseidon នាវាពិឃាតអាឡេបឺក គឺនាវាចម្បាំង USS Spruance ធ្វើសមយុទ្ធប្រឆាំងនាវាមុជទឹកនៅជិតប្រជុំកោះ Chagos ដែលរួមមានកោះចំនួន ៦០កោះ ស្ថិតក្នុងចម្ងាយប្រមាណជាង ៣ពាន់គីឡូម៉ែត្រពីឆ្នេរអាហ្វ្រីកខាងកើត និងជិត ២ពាន់គីឡូម៉ែត្រពីភាគខាងត្បូងនៃប្រទេសឥណ្ឌា ដែលលាតសន្ធឹងតាមមហាសមុទ្រឥណ្ឌា ដែលនៅតែស្ថិតក្រោមការកាន់កាប់របស់អង់គ្លេស។ កោះដែលធំជាងគេក្នុងចំណោមប្រជុំកោះទាំងនោះគឺ កោះ Diego Garcia ដែលជាទីកន្លែងគាំទ្រដល់មូលដ្ឋានទ័ពជើងទឹកសហរដ្ឋអាមេរិក ដែលចក្រភពអង់គ្លេសបានជួលឲ្យទីក្រុងវ៉ាស៊ីនតោន ក្រោយពេលដែលរដ្ឋាភិបាលប្រទេសទាំងពីរបានបណ្តេញអ្នកស្រុកនៅជិតប្រទេសកោះ Maurius ចេញ។
ការផ្លាស់ទីលំនៅ ដែលបានធ្វើឡើងនៅក្នុងទសវត្សឆ្នាំ ១៩៦០ និង ១៩៧០នេះ គឺជាប្រធានបទនៃភាពចម្រូងចម្រាសខាងផ្លូវច្បាប់។
នៅខែកុម្ភៈ តុលាការយុត្តិធម៌អន្តរជាតិអង្គការសហប្រជាជាតិបានសម្រេចក្រោមមាត្រា 13-1 ថា «ដំណើរការនៃការដាក់អាណានិគមលើប្រទេសកោះ Mauritius មិនស្របទៅតាមច្បាប់ពេញលេញនោះទេ នៅពេលដែលប្រទេសនេះបានទទួលឯករាជ្យនៅឆ្នាំ ១៩៦៨ ពីព្រោះចក្រភពអង់គ្លេសបានចូលកាន់កាប់ប្រជុំកោះឆាហ្គោឡើងវិញ។
តុលាការបានផ្តល់ដំបូន្មានថា ចក្រភពអង់គ្លេស«មានកាតព្វកិច្ចដើម្បីបញ្ចប់ការគ្រប់គ្រងរដ្ឋបាលលើប្រជុំកោះឆាហ្គោយ៉ាងឲ្យបានឆាប់ តាមដែលអាចធ្វើទៅបាន» ជាការអភិវឌ្ឍមួយ ដែលអាចធ្វើឱ្យមានបញ្ហាចំពោះវត្តមានយោធាសហរដ្ឋអាមេរិក នៅលើអ្វីដែលគេហៅថា ជានាវាផ្ទុកយន្តហោះ ដែលមិនអាចបាញ់ពន្លិចបាន ដែលវាដើរតួយ៉ាងសំខាន់នៅក្នុងប្រតិបត្តិការនៅទូទាំងអាហ្វ្រិក និងអាស៊ី»។
ក្នុងសេចក្តីថ្លែងការណ៍ចេញផ្សាយកាលពីថ្ងៃព្រហស្បតិ៍ កងទ័ពជើងទឹកសហរដ្ឋអាមេរិកបាននិយាយ ថាមូលដ្ឋាននៅ Diego Garcia «ផ្តល់ការគាំទ្រផ្នែកភស្តុភារ សេវាកម្ម ការកំសាន្ត និងផ្នែករដ្ឋបាលដល់សហរដ្ឋអាមេរិក និងកងកម្លាំងសម្ព័ន្ធមិត្ត ដែលបានដាក់ពង្រាយនៅមហាសមុទ្រឥណ្ឌានិងឈូងសមុទ្រអារ៉ាប់» ដែលត្រូវបានគេស្គាល់ផងដែរថាឈូងសមុទ្រពែក្ស។
មូលដ្ឋានគាំទ្រដល់ទ័ពជើងទឹកអាមេរិក Diego Garcia បានបម្រើការជាទីតាំងចាកចេញសម្រាប់គ្រឿងសព្វាវុធយោធា នៅក្នុងសង្គ្រាមឈូងសមុទ្រប្រឆាំងអ៊ីរ៉ាក់ ក៏ដូចជាការឈានលើប្រទេសអាហ្វហ្កានីស្ថាននៅឆ្នាំ ២០០១ផងដែរ៕
Home ព្រឹត្តិការណ៍ថ្មីៗ អង្គការសហប្រជាជាតិទាមទារឲ្យប្រគល់កោះឆាហ្គោទៅឲ្យម្ចាស់ជនជាតិដើមវិញ ខណៈដែលអាមេរិកធ្វើសមយុទ្ធនៅជិតកោះនោះ