រដ្ឋមន្ត្រីក្រសួងការពារជាតិស្រីលង្កាបាននិយាយថា ជនសង្ស័យ ៧នាក់ត្រូវបានចាប់ខ្លួនកាលពីថ្ងៃអាទិត្យ បន្ទាប់ពីមានករណីបំផ្ទុះគ្រាប់បែកចំនួន ៨កន្លែង ដែលបានកំណត់គោលដៅទៅលើសណ្ធាគារ និងវិហារគ្រឹស្តសាសនាមួយចំនួន ដែលបានសម្លាប់មនុស្សជាង ២០០នាក់ និងរាប់រយនាក់ផ្សងទៀតរងរបួស ដែលត្រូវបានគេហៅថា គឺជាអំពើភេរវកម្មដោយក្រុមសាសនាជ្រុលនិយម។
ការបំផ្ទុះគ្រាប់បែក ៦លើកដំបូង ត្រូវបានបង្កឡើងស្ទើរតែក្នុងពេលដំណាលគ្នា នៅព្រឹកថ្ងៃអាទិត្យ ក្នុងប្រទេសអាស៊ីភាគខាងត្បូងកាន់ពុទ្ធសាសនាភាគច្រើនមួយនេះ។ សណ្ឋាគារលំដាប់ផ្កាយ ៣ និងព្រះវិហារមួយ ត្រូវបានគេវាយប្រហារនៅរដ្ឋធានីកូឡុំបូ។ ព្រះវិហារមួយផ្សេងទៀតត្រូវបានបំផ្ទុះគ្រាប់បែកនៅទីក្រុង Negumbo នៅខាងភាគជើងនៃរដ្ឋធានី។ ចំណែកព្រះវិហារទីបី ត្រូវបានបំផ្ទុះគ្រាប់បែកក្នុងទីក្រុង Batticalao ដែលជាទីក្រុងមួយនៅលើឆ្នេរសមុទ្រភាគខាងកើតនៃប្រទេសនេះ។
ប៉ុន្មានម៉ោងក្រោយមក ការបំផ្ទុះគ្រាប់បែកលើកទី ៧ ត្រូវបានចាប់ផ្តើមនៅជិតសណ្ឋាគារមួយនៅក្រុង Dehawali ភាគខាងត្បូងនៃទីក្រុងកូឡុំបូ ដែលបានសម្លាប់មនុស្សយ៉ាងតិច ២ នាក់និងមួយសន្ទុះក្រោយមកទៀត ការបំផ្ទុះគ្រាប់បែកមួយទៀតត្រូវបានបំផ្ទុះដោយអ្នកបំផ្ទុះគ្រាប់បែកអត្តឃាតម្នាក់នៅភាគខាងជើងនៃរដ្ឋធានី។
ប្រភពមួយដែលនិយាយក្នុងនាមអនាមិកបាននិយាយថា អ្នកបំផ្ទុះគ្រាប់បែកអត្តឃាតបានបំផ្ទុះគ្រាប់បែករបស់គេ នៅពេលមន្ត្រីប៉ូលីសបានចូលផ្ទះមួយ នៅជាយក្រុងភាគខាងជើងនៃរដ្ឋធានីកូឡុំបូដើម្បីធ្វើការស្រាវជ្រាវ។ មន្ត្រី ៣នាក់ត្រូវបានសម្លាប់នៅក្នុងការផ្ទុះនោះ នៅពេលចូលធ្វើកោសល្យវិច្ច័យ។
សរុបទៅ មនុស្ស ២០៧នាក់ ត្រូវបានគេរាយការណ៍ថាបានស្លាប់នៅក្នុងការបំផ្ទុះគ្រាប់បែក ក្នុងរយៈពេលពេញមួយថ្ងៃអាទិត្យទី២១ មេសាម្សិលមិញ ហើយមនុស្សជាង ៦០០នាក់ផ្សេងទៀតរងរបួសក្នុងកម្រិតខុសៗគ្នា។
បន្ទាប់ពីរលកនៃការបំផ្ទុះគ្រាប់បែកជាលើកទីពីរ ក្រសួងការពារជាតិប្រទេសស្រីលង្កាបានបញ្ជាឱ្យមានបម្រាមគោចរពេលយប់នៅទូទាំងប្រទេស ហើយអាជ្ញាធរបានបិទគេហទំព័រ និងកម្មវិធីប្រព័ន្ធផ្សព្វផ្សាយសង្គមជាបណ្តោះអាសន្ន ដើម្បីទប់ស្កាត់នូវការផ្សព្វផ្សាយព័ត៌មានមិនពិត ដែលកំពុងរីកសាយភាព។ នេះបើតាមរដ្ឋលេខាធិការរបស់ប្រធានាធិបតីប្រទេសនេះ ដែលបាននិយាយនៅក្នុងសេចក្តីថ្លែងការន៍មួយ។
បំរាមគោចរបានចូលជាធរមាននៅវេលាម៉ោង ៦ ល្ងាចថ្ងៃអាទិត្យ (ម៉ោងក្នុងស្រុក) ហើយត្រូវបញ្ចប់នៅម៉ោង ៦ព្រឹកថ្ងៃច័ន្ទ។ រដ្ឋមន្ត្រីការពារជាតិស្រីលង្កាលោក Ruwan Wijewardena បានពណ៌នាការវាយប្រហារនេះថា ជាឧបទ្ទវហេតុភេរវកម្ម និងបានស្តីបន្ទោសដល់អ្នកសាសនាជ្រុលនិយម។ ប៉ុន្តែយ៉ាងណាមិញ លោកWijewardena មិនបានចេញផ្សាយព័ត៌មានបន្ថែមណាមួយ អំពីការចាប់ខ្លួនជនសង្ស័យ ៧នាក់នោះទេ។ រហូតមកដល់ពេលនេះមិនទាន់ឃើញមានក្រុមណា ទទួលខុសត្រូវចំពោះការវាយប្រហារនេះនៅឡើយទេ។
ឥស្សរជនជាន់ខ្ពស់កាតូលិករបស់ប្រទេសស្រីលង្កាបានអំពាវនាវឱ្យរដ្ឋាភិបាលវែកមុខជនសង្ស័យ ដែលស្ថិតនៅពីក្រោយខ្នងនៃការវាយប្រហារនេះឲ្យឃើញ និងសុំឲ្យដាក់ទណ្ឌកម្មកុំបន្ធូរដៃ ព្រោះមានតែសត្វទេ ដែលអាចប្រព្រឹត្តបែបនេះទៅរួច។
យោងតាមសារព័ត៌មាន AFP មានជនបរទេស ៣៥នាក់បានបាត់បង់អាយុជីវិតក្នុងការវាយប្រហារនោះ ដោយមានជនជាតិហូឡង់ អង់គ្លេស និងអាមេរិកាំង ដែលបានបាត់បង់អាយុជីវិតក្នុងការវាយប្រហារដ៏យង់ឃ្នងនោះ។
បើតាមសារព័ត៌មាន AFP ដដែលបានឲ្យដឹងថា កាលពីមុនការវាយប្រហារនេះ ១០ថ្ងៃមុន អាជ្ញាធរបានចេញសេចក្តីព្រមានអំពីការវាយប្រហារដែលអាចកើតមានឡើងទៅលើវិហារគ្រឹស្តសាសនា។
សេចក្តីព្រមានដែលត្រូវបានចេញដោយអគ្គស្នងការប៉ូលិស លោក Pujth Jayasundara ផ្ញើជូនប៉ូលិសគ្រប់លំដាប់ថ្នាក់បានឲ្យដឹងថា «ទីភ្នាក់ងារស៊ើបការសង្ងាត់បរទេសបានរាយការន៍ថា ក្រុមរ៉ាឌីកាល់ឥស្លាម National Thowheeth Jama’ath ហៅកាត់ថា NTJ កំពុងរៀបចំផែនការវាយប្រហារទៅលើគោលដៅវិហាគ្រឹស្តសាសនា មានទាំងបេសកកម្មជាន់ខ្ពស់ឥណ្ឌានៅទីក្រុងកូឡំបូផងដែរ»។
ក្រុមឥស្លាម NTJ គឺជាក្រុមម៉ូស្លីមមួយនៅក្នុងប្រទេសស្រីលង្កា ត្រូវបានកត់ចំណាំកាលពីឆ្នាំមុន នៅពេលដែលពួកគេបានផ្សារភ្ជាប់ទៅនឹងការបំផ្លិចបំផ្លាញពុទ្ធបដិមានៅក្នុងប្រទេសនេះ៕
ជនសង្ស័យ ៧នាក់ត្រូវបានចាប់ខ្លួននៅស្រីលង្កា ពាក់ព័ន្ធទៅនឹងការបំផ្ទុះគ្រាប់បែកកាលពីថ្ងៃអាទិត្យ
រដ្ឋមន្ត្រីក្រសួងការពារជាតិស្រីលង្កាបាននិយាយថា ជនសង្ស័យ ៧នាក់ត្រូវបានចាប់ខ្លួនកាលពីថ្ងៃអាទិត្យ បន្ទាប់ពីមានករណីបំផ្ទុះគ្រាប់បែកចំនួន ៨កន្លែង ដែលបានកំណត់គោលដៅទៅលើសណ្ធាគារ និងវិហារគ្រឹស្តសាសនាមួយចំនួន ដែលបានសម្លាប់មនុស្សជាង ២០០នាក់ និងរាប់រយនាក់ផ្សងទៀតរងរបួស ដែលត្រូវបានគេហៅថា គឺជាអំពើភេរវកម្មដោយក្រុមសាសនាជ្រុលនិយម។
ការបំផ្ទុះគ្រាប់បែក ៦លើកដំបូង ត្រូវបានបង្កឡើងស្ទើរតែក្នុងពេលដំណាលគ្នា នៅព្រឹកថ្ងៃអាទិត្យ ក្នុងប្រទេសអាស៊ីភាគខាងត្បូងកាន់ពុទ្ធសាសនាភាគច្រើនមួយនេះ។ សណ្ឋាគារលំដាប់ផ្កាយ ៣ និងព្រះវិហារមួយ ត្រូវបានគេវាយប្រហារនៅរដ្ឋធានីកូឡុំបូ។ ព្រះវិហារមួយផ្សេងទៀតត្រូវបានបំផ្ទុះគ្រាប់បែកនៅទីក្រុង Negumbo នៅខាងភាគជើងនៃរដ្ឋធានី។ ចំណែកព្រះវិហារទីបី ត្រូវបានបំផ្ទុះគ្រាប់បែកក្នុងទីក្រុង Batticalao ដែលជាទីក្រុងមួយនៅលើឆ្នេរសមុទ្រភាគខាងកើតនៃប្រទេសនេះ។
ប៉ុន្មានម៉ោងក្រោយមក ការបំផ្ទុះគ្រាប់បែកលើកទី ៧ ត្រូវបានចាប់ផ្តើមនៅជិតសណ្ឋាគារមួយនៅក្រុង Dehawali ភាគខាងត្បូងនៃទីក្រុងកូឡុំបូ ដែលបានសម្លាប់មនុស្សយ៉ាងតិច ២ នាក់និងមួយសន្ទុះក្រោយមកទៀត ការបំផ្ទុះគ្រាប់បែកមួយទៀតត្រូវបានបំផ្ទុះដោយអ្នកបំផ្ទុះគ្រាប់បែកអត្តឃាតម្នាក់នៅភាគខាងជើងនៃរដ្ឋធានី។
ប្រភពមួយដែលនិយាយក្នុងនាមអនាមិកបាននិយាយថា អ្នកបំផ្ទុះគ្រាប់បែកអត្តឃាតបានបំផ្ទុះគ្រាប់បែករបស់គេ នៅពេលមន្ត្រីប៉ូលីសបានចូលផ្ទះមួយ នៅជាយក្រុងភាគខាងជើងនៃរដ្ឋធានីកូឡុំបូដើម្បីធ្វើការស្រាវជ្រាវ។ មន្ត្រី ៣នាក់ត្រូវបានសម្លាប់នៅក្នុងការផ្ទុះនោះ នៅពេលចូលធ្វើកោសល្យវិច្ច័យ។
សរុបទៅ មនុស្ស ២០៧នាក់ ត្រូវបានគេរាយការណ៍ថាបានស្លាប់នៅក្នុងការបំផ្ទុះគ្រាប់បែក ក្នុងរយៈពេលពេញមួយថ្ងៃអាទិត្យទី២១ មេសាម្សិលមិញ ហើយមនុស្សជាង ៦០០នាក់ផ្សេងទៀតរងរបួសក្នុងកម្រិតខុសៗគ្នា។
បន្ទាប់ពីរលកនៃការបំផ្ទុះគ្រាប់បែកជាលើកទីពីរ ក្រសួងការពារជាតិប្រទេសស្រីលង្កាបានបញ្ជាឱ្យមានបម្រាមគោចរពេលយប់នៅទូទាំងប្រទេស ហើយអាជ្ញាធរបានបិទគេហទំព័រ និងកម្មវិធីប្រព័ន្ធផ្សព្វផ្សាយសង្គមជាបណ្តោះអាសន្ន ដើម្បីទប់ស្កាត់នូវការផ្សព្វផ្សាយព័ត៌មានមិនពិត ដែលកំពុងរីកសាយភាព។ នេះបើតាមរដ្ឋលេខាធិការរបស់ប្រធានាធិបតីប្រទេសនេះ ដែលបាននិយាយនៅក្នុងសេចក្តីថ្លែងការន៍មួយ។
បំរាមគោចរបានចូលជាធរមាននៅវេលាម៉ោង ៦ ល្ងាចថ្ងៃអាទិត្យ (ម៉ោងក្នុងស្រុក) ហើយត្រូវបញ្ចប់នៅម៉ោង ៦ព្រឹកថ្ងៃច័ន្ទ។ រដ្ឋមន្ត្រីការពារជាតិស្រីលង្កាលោក Ruwan Wijewardena បានពណ៌នាការវាយប្រហារនេះថា ជាឧបទ្ទវហេតុភេរវកម្ម និងបានស្តីបន្ទោសដល់អ្នកសាសនាជ្រុលនិយម។ ប៉ុន្តែយ៉ាងណាមិញ លោកWijewardena មិនបានចេញផ្សាយព័ត៌មានបន្ថែមណាមួយ អំពីការចាប់ខ្លួនជនសង្ស័យ ៧នាក់នោះទេ។ រហូតមកដល់ពេលនេះមិនទាន់ឃើញមានក្រុមណា ទទួលខុសត្រូវចំពោះការវាយប្រហារនេះនៅឡើយទេ។
ឥស្សរជនជាន់ខ្ពស់កាតូលិករបស់ប្រទេសស្រីលង្កាបានអំពាវនាវឱ្យរដ្ឋាភិបាលវែកមុខជនសង្ស័យ ដែលស្ថិតនៅពីក្រោយខ្នងនៃការវាយប្រហារនេះឲ្យឃើញ និងសុំឲ្យដាក់ទណ្ឌកម្មកុំបន្ធូរដៃ ព្រោះមានតែសត្វទេ ដែលអាចប្រព្រឹត្តបែបនេះទៅរួច។
យោងតាមសារព័ត៌មាន AFP មានជនបរទេស ៣៥នាក់បានបាត់បង់អាយុជីវិតក្នុងការវាយប្រហារនោះ ដោយមានជនជាតិហូឡង់ អង់គ្លេស និងអាមេរិកាំង ដែលបានបាត់បង់អាយុជីវិតក្នុងការវាយប្រហារដ៏យង់ឃ្នងនោះ។
បើតាមសារព័ត៌មាន AFP ដដែលបានឲ្យដឹងថា កាលពីមុនការវាយប្រហារនេះ ១០ថ្ងៃមុន អាជ្ញាធរបានចេញសេចក្តីព្រមានអំពីការវាយប្រហារដែលអាចកើតមានឡើងទៅលើវិហារគ្រឹស្តសាសនា។
សេចក្តីព្រមានដែលត្រូវបានចេញដោយអគ្គស្នងការប៉ូលិស លោក Pujth Jayasundara ផ្ញើជូនប៉ូលិសគ្រប់លំដាប់ថ្នាក់បានឲ្យដឹងថា «ទីភ្នាក់ងារស៊ើបការសង្ងាត់បរទេសបានរាយការន៍ថា ក្រុមរ៉ាឌីកាល់ឥស្លាម National Thowheeth Jama’ath ហៅកាត់ថា NTJ កំពុងរៀបចំផែនការវាយប្រហារទៅលើគោលដៅវិហាគ្រឹស្តសាសនា មានទាំងបេសកកម្មជាន់ខ្ពស់ឥណ្ឌានៅទីក្រុងកូឡំបូផងដែរ»។
ក្រុមឥស្លាម NTJ គឺជាក្រុមម៉ូស្លីមមួយនៅក្នុងប្រទេសស្រីលង្កា ត្រូវបានកត់ចំណាំកាលពីឆ្នាំមុន នៅពេលដែលពួកគេបានផ្សារភ្ជាប់ទៅនឹងការបំផ្លិចបំផ្លាញពុទ្ធបដិមានៅក្នុងប្រទេសនេះ៕
