[wai id="5"]
…បុរសម្នាក់នេះក្រោយពីឧស្សាហ៍ចូលទៅម៉ាស្សាក្នុងហាងក៏លង់ស្នេហ៍ស្ត្រីម៉ាស្សាម្នាក់ចង់ដោះដៃចេញពីប្រពន្ធដើម ប៉ុន្តែបើទោះបីជានាងម៉ាស្សាបានគ្រវីក្បាលក៏ដោយ…ក៏បុរសចិត្តរាយមាយម្នាក់នេះប្រឹងអង្វរង៉ោចៗដូចខ្មោចទារពែ…រហូតដឹងដល់ប្រពន្ធដើមវិះផ្ទុះការប្រយុទ្ធក្នុងហាង!...។ បុរសម្នាក់ដោយសារឧស្សាហ៍មិនស្រួលខ្លួន ហើយបានទៅរកកន្លែងម៉ាស្សាដើម្បីឲ្យនារីម៉ាស្សា រហូតលង់ស្នេហ៍ដកចិត្តមិនបាន នឹងបានសុំអង្វរចិត្តនាងឲ្យទទួលរូបគេយកធ្វើជាប្តី តែនាងមិនព្រម រហូតដល់បែកការប្រពន្ធដឹងរឿង នាំមួយគ្រួសារទៅឈ្លោះប្រកែកគ្នាដល់ហាងផ្អើលសមត្ថកិច្ចចុះទៅជួយធ្វើអន្តរាគមន៍ កាលពីវេលាម៉ោង ១១យប់ថ្ងៃទី១៥ ខែកុម្ភៈ ឆ្នាំ២០២០ ស្ថិតនៅចំណុចហាងម៉ាស្សាយីហោ”៩៩៩” តាមផ្លូវលេខ២០០៤ ភូមិត្រពាំងល្វា សង្កាត់កាកាបទី១ ខណ្ឌពោធិ៍សែនជ័យ។
ពាណិជ្ជកម្ម
តាមប្រភពព័ត៌មានពីកន្លែងកើតហេតុ បានឲ្យដឹងថា ដំបូងឡើងមានបុរសម្នាក់ ជាម៉ូយប្រចាំហាង តែងតែចូលទៅហាងម៉ាស្សានោះ បន្ទាប់មកបុរសរូបនោះបានលង់ស្នេហ៍និងសម្រស់ស្ត្រីម៉ាស្សា ដោយលួចស្រឡាញ់ ក្នុងចិត្តតែម្នាក់ឯង រហូតបានសុំស្នេហ៍ និងសុំអង្វរចិត្តនាង ឲ្យទទួលយករូបខ្លួនធ្វើជាប្តីថែមទៀត។ ប៉ុន្តែនាងមិនព្រម រហូតរឿងនេះត្រូវបានបែកធ្លាយដល់ប្រពន្ធដឹងខឹង ក៏ស្ទុះវឹងលើកទាំងកូនទាំងចៅ ទៅរករឿងដល់ផ្ទះម៉ាស្សានេះ ផ្អើលដល់សមត្ថកិច្ចនគរបាលខណ្ឌពោធិ៍សែនជ័យ ចុះមកជួយធ្វើអន្តរាគមន៍ទាំងយប់តែម្តង។
ក្រោយកើតហេតុ ដោយមានការអន្តរាគមន៍ពីសមត្ថកិច្ចមូលដ្ឋាន ក៏នាំភាគីស្រីៗទាំងសងខាងយកទៅអប់រំនៅប៉ុស្តិ៍ ខណៈបុរសនោះរត់គេចខ្លួនបាត់ហើយ ដើម្បីឲ្យពួកគេធ្វើកិច្ចសន្យា បញ្ឈប់ការលួចបង្កាត់ភ្លើងស្នេហ៍រវាងស្ត្រីម៉ាស្សានិងបុរសខាងលើត្រឹមនេះ កុំបង្កបញ្ហាដាក់គ្នាទៀត ចងជើងតែលោកប្តីឲ្យជាប់ទៅ ចប់បាត់ហើយ៕
