សំណេរពីសារព័ត៌មាន The Times of Israel បានសរសេរនៅថ្ងៃទី២០ ឧសភានេះថា ស្ថានការនៅក្នុងតំបន់ឈូងសមុទ្រពែក្សកាន់តែឡើងកម្តៅពីមួយថ្ងៃទៅមួយថ្ងៃ ដែលធ្វើឲ្យអ្នកតាមដានព្រឹត្តិការណ៍អន្តរជាតិមួយចំនួនកំពុងព្រឺក្បាល ស្រៀវឆ្អឹងខ្នង ខណៈដែលសហរដ្ឋអាមេរិក និងអ៊ីរ៉ង់កំពុងទូងស្គរធ្វើសង្គ្រាមនឹងគ្នា។
ក្នុងរយៈពេលប៉ុន្មានថ្ងៃចុងក្រោយនេះ សហរដ្ឋអាមេរិកបានបញ្ជូននាវាចម្បាំង និងក្រុមអ្នកប្រយុទ្ធទ័ពជើងទឹករបស់ខ្លួនជាច្រើនសន្ធឹកសន្ធាប់ផ្សេងទៀតទៅកាន់តំបន់មជ្ឈឹមបូព៌ា ដើម្បីកម្លាំងវាយអ៊ីរ៉ង់ ដែលកំពុងឈ្លើយ និងកំពុងបង្កហេតុ បង្កអសន្តិសុខនៅក្នុងតំបន់។ ចំពេលដែលប្រទេសនេះកំពុងបង្កអស្ថិរភាព លោកប្រធានាធិបតីសហរដ្ឋអាមេរិកដូណលត្រាំបានគម្រាមអ៊ីរ៉ង់ត្រង់ៗកាលពីថ្ងៃអាទិត្យថា អ៊ីរ៉ង់នឹងត្រូវអ៊ីរ៉ង់នឹងត្រូវកម្ទេចជាផ្លូវការ បើសិនជារបបមួយនេះហ៊ានវាយប្រហារមកលើផលប្រយោជន៍សហរដ្ឋអាមេរិក។
លោកត្រាំបានសរសេរនៅលើបណ្តាញធ្វីតតឺថា «បើអ៊ីរ៉ង់ចង់វាយ អ៊ីរ៉ង់នឹងត្រូវបញ្ចប់ជីវិតជាផ្លូវការ កុំគម្រាមសហរដ្ឋអាមេរិកម្តងទៀតឲ្យសោះ»។
សំណេររបស់សារព័ត៌មាន BBC បានសរសេរនៅថ្ងៃទី២០ នេះផងដែរថា ក្នុងរយៈពេលប៉ុន្មានថ្ងៃចុងក្រោយនេះ សហរដ្ឋអាមេរិកបានបញ្ជូនយន្តហោះចម្បាំង និងក្រុមអ្នកប្រយុទ្ធនាវាចម្បាំងជាច្រើនគ្រឿងទៅកាន់តំបន់ឈូងសមុទ្រព័ក្ស។ សំណេរររបស់លោកត្រាំនៅបណ្តាញធ្វីតតឺបង្ហាញថា ស្ថានការណ៍នៅឈូងសមុទ្រព័ក្សកំពុងធ្លាក់ចូលទៅរកការផ្ទុះសង្គ្រាមដោយចៀសមិនរួច។
មួយរយៈចុងក្រោយនេះ ស្ថានការណ៍នៅក្នុងតំបន់មជ្ឈឹមបូព៌ាកាន់តែឡើងកម្តៅខ្លាំង បន្ទាប់ពីសហរដ្ឋអាមេរិកទទួលបានព័ត៌មានថា អ៊ីរ៉ង់កំពុងត្រៀមបើកការវាយប្រហារមកលើកងកម្លាំងរបស់ខ្លួន។ ប៉ុន្មានថ្ងៃមុន សហរដ្ឋអាមេរិកបានបញ្ជូននាវាចម្បាំងជាច្រើនគ្រឿង ទៅហែរហមអមដំណើរក្រុមអ្នកប្រយុទ្ធនាវាផ្ទុកយន្តហោះ USS Abraham Lincoln ចំណែកយន្តហោះចម្បាំងត្រូវហែរហមអមដំណើរយន្តហោះទម្លាក់គ្រាប់បែក B-52 ដើម្បីឲ្យក្បួនទ័ពជើងទឹករំលេចដោយភាពគគ្រឹកគគ្រេង ពេញពេញដោយអំណាចដ៏ខ្លាំងក្លាពុំមាននរណាប្រៀបផ្ទឹម។
សហរដ្ឋអាមេរិកបានរៀបចំផែនការបញ្ជូនទ័ព ១២ម៉ឺននាក់ចូលវាយអ៊ីរ៉ង់ផងដែរ ខណៈដែលប្រទេសនេះបង្កើនការបង្កហេតុនៅក្នុងតំបន់។ ជាមួយការគូសបញ្ជាក់អំពីការបញ្ជូនទ័ពនេះ សហរដ្ឋអាមេរិកបានជម្លៀសបុគ្គលិកណាដែលមិនចាំបាច់នៅអ៊ីរ៉ាក់ចេញពីប្រទេសនេះជាបន្ទាន់ មុនភ្លើងខៀវបើក។
ស្ថានការណ៍មកទល់ពេលនេះ ឡើងកម្តៅកាន់តែខ្លាំង។ កងកម្លាំងយោធាអ៊ីរ៉ាក់បាននិយាយថា កាលពីថ្ងៃអាទិត្យ គ្រាប់មីស៊ីលមួយគ្រាប់បានហោះសំដៅទៅរកតំបន់បៃតង ដែលជាសំណង់អាគារស្ថានទូតបរទេស នៅក្នុងប្រទេសអ៊ីរ៉ាក់។
គ្រាប់មីស៊ីលនោះបានវាយប្រហារទៅលើអគារនៅជិតស្ថានទូតសហរដ្ឋអាមេរិក។ គេមិនដឹងថាមានមនុស្សស្លាប់ដែរឬយ៉ាងណានោះទេ ហើយក៏មិនទាន់ដឹងថាអ្នកណាជាអ្នកនៅពីក្រោយខ្នងនៃការវាយប្រហារនេះដែរ។ ប៉ុន្តែអារ៉ាប៊ីសាអូឌីតនិយាយថា គ្មានអ្នកណាក្រៅពីអ៊ីរ៉ង់នោះទេ។
ដោយឡែក ទូរទស្សន៍អារ៉ាប៊ីសាអូឌីតបានចោទប្រកាន់ថា អ៊ីរ៉ង់បានប្រើប្រាស់ដ្រូនគ្មានមនុស្សបើក បើកការវាយប្រហារទៅលើបំពង់ប្រេងរបស់ខ្លួនកាលពីថ្ងៃសុក្រ ដែលក្រុមហូធីធ្វើតាមបញ្ជាអ៊ីរ៉ង់។
ទូរទស្សន៍អារ៉ាប៊ីសាអូឌីត អំពាវនាវឲ្យសហរដ្ឋអាមេរិកបើកការវាយប្រហារទៅលើអ៊ីរ៉ង់ ដើម្បីឲ្យខ្លួនអាចចូលអន្តរាគមន៍ជាមួយសហរដ្ឋអាមេរិក។
សូមបញ្ជាក់ថា តំបន់ឈូងសមុទ្រពែក្សសមុទ្រកំពុងស្ថិតក្រោមការគម្រាមកំហែងយ៉ាងធ្ងន់ធ្ងរពីសំណាក់អ៊ីរ៉ង់ ដែលញ៉ាំងឲ្យសហរដ្ឋអាមេរិកត្រូវយកចិត្តទុកដាក់បង្កើនកម្លាំងយោធាទប់ទល់ជាមួយកងកម្លាំងស៊ីឈ្នួលអ៊ីរ៉ង់។ នៅក្នុងប្រទេសអ៊ីរ៉ាក់ ស្ថានភាពវឹកវរខ្លាំងដោយសារតែកងកម្លាំងតំណាងអ៊ីរ៉ង់ បង្កអសន្តិសុខដល់កងកម្លាំងអ៊ីរ៉ាក់ដែលមានសហរដ្ឋអាមេរិកនៅជ្រុំជ្រែង។ នៅយ៉េមែនមានកងកម្លាំងតំណាងអ៊ីរ៉ង់គឺក្រុមហូធី នៅអាហ្កានីស្ថានមានក្រុមតាលីបង់ នៅស៊ីរីមានក្រុមហេសប៊ុលឡា និងនៅតំបន់ហ្កាហ្សាមានក្រុមហាម៉ាស់ ដែលតែងបង្កអស្ថិរភាពគ្រប់ពេលវេលា៕
Home ព្រឹត្តិការណ៍ថ្មីៗ វាសនាអ៊ីរ៉ង់គេចមិនផុតពីភ្លើងសង្គ្រាមឡើយ! លោកត្រាំគម្រាមវាយកម្ទេចអ៊ីរ៉ង់ជាផ្លូវការ បើប្រទេសនេះព្រហើនគម្រាមអាមេរិកសាជាថ្មី