វត្ថុអណ្តែតដ៏ធំមួយដែលបង្ហាញខ្លួននៅលើបឹងដ៏ល្បីមួយកន្លែងរបស់សហរដ្ឋអាមេរិក បានធ្វើឲ្យក្រុមអ្នក ទ្រឹស្តីនិយមមានការភ្ញាក់ផ្អើលយ៉ាងខ្លាំង។
វីដែអូគ្លីបមួយនេះ ឃើញវត្ថុពណ៌ខ្មៅដ៏អាថ៌កំបាំងមួយ កំពុងសំកាំងពីលើបឹង Lake Erie ដែលស្ថិតតាម បណ្តោយ ខេត្ត Ontario របស់ប្រទេសកាណាដា និងរដ្ឋចំនួន៣របស់សហរដ្ឋអាមេរិក។
វាមានរាងមូលទ្រវែង ហើយកំពុងតែហោះអណ្តែតនៅលើទឹក ហើយនិងមាននូវស្រមោលឆ្លុះនៅពី ក្រោមវត្ថុ មួយនោះផងដែរ។
វីដេអូដ៏ចម្លែកមួយនេះ ត្រូវបានគេបង្ហោះចូលប៉ុស្តិ៍ thirdphaseofmoon របស់ YouTube ដោយបងប្អូន Blake និង Brett Cousins ។
លោក Blake បាននិយាយថា មនុស្សមួយចំនួន បាននាំគ្នាព្យាករណ៍ថា វាអាចជានាវាមុជទឹកកងទ័ព ម៉ារីនសហរដ្ឋអាមេរិក ប៉ុន្តែវាមិនមានរូបរាងបែបហ្នឹងនោះទេ ពីព្រោះថាវា កំពុងហោះសំកាំងពីលើផ្ទៃបឹង។
ដោយឡែក ប្អូនប្រុសរបស់គាត់ គឺលោក Brett បាននិយាយថា នេះគឺជាភស្តុតាងច្បាស់ក្រឡែតរបស់ថាសមុជទឹក USO ពេលកំពុងចុះបេសកកម្ម។
លោក Blake បាននិយាយថា តើពិតជាមានមូលដ្ឋានក្រោមទឹកបែបហ្នឹងនៅក្នុងបឹងដ៏ធំមែនឬ? វាពិតជាអស្ចារ្យខ្លាំងណាស់។
ខណៈនោះដែរ បងប្អូនទាំង២នាក់ បានធ្វើការបដិសេធន៍ចោលទាំងស្រុងចំពោះការលើកឡើងថា វាគ្រាន់តែជាវីដេអូបំភ័ន្តភ្នែកតែប៉ុណ្ណោះ ដោយសារតែស្រមោលឆ្លុះនៅក្រោមវត្ថុមួយនោះ។
មនុស្សរាប់ម៉ឺននាក់ បានមើលវីដេអូមួយនេះ គ្រាន់តែបង្ហោះភ្លាម ហើយអ្នកមើលម្នាក់បានសរសេរថា មនុស្សពិភពផ្កាយបានមកដល់ផែនដីហើយ៕
Home សង្គមប្លែកៗ ថាស មុជទឹក USO ខ្នាតយក្ស បានសំកាំងខ្លួននៅលើផ្ទៃបឹងសហរដ្ឋអាមេរិក ដែលបង្កឲ្យមានការភ្ញាក់ផ្អើល