យោងតាមអាជ្ញាធរក្នុងស្រុក យា់ងហោចណាស់មានមនុស្ស ៣០នាក់បានស្លាប់ និងមនុស្សជាង ៨០នាក់នៅរស់ រីឯមនុស្សជាង ២០០នាក់ផ្សេងទៀតបានបាត់ខ្លួន បន្ទាប់ពីទូកមួយគ្រឿងបានលិចនៅបឹង នៃខេត្ត Mai-Ndombe រដ្ឋធានី Inongo ប្រទេសសាធារណៈរដ្ឋកុងហ្គោ កាលពីថ្ងៃសៅរ៍។ នេះបើតាមរបាយការណ៍ពីសារព័ត៌មាន AP។
លោក Simon Mboo Wemba ចៅហ្វាយក្រុង Inongo បានប្រាប់សារព័ត៌មាន AP កាលពីរាត្រីថ្ងៃអាទិត្យថា មនុស្សជាច្រើនដែលជិះនៅលើទូកនោះ គឺជាគ្រូបង្រៀនធ្វើដំណើរទៅបើកប្រាក់ខែដោយជិះទូក ព្រោះការធ្វើដំណើរតាមផ្លូវពិបាកពេក។
ភ្លាមៗនោះ គេមិនដឹងថាមានមនុស្សប៉ុន្មាននាក់ជិះនៅលើទូកទេ នៅពេលវាជួបអាកាសធាតុដ៏អាក្រក់កាលពីល្ងាចថ្ងៃសៅរ៍។ យោងតាមភ្នាក់ងារព័ត៌មាន AP បានឱ្យដឹងថា អាជ្ញាធរក្នុងតំបន់បានឲ្យដឹងថា មានមនុស្សរាប់រយនាក់បានជិះទូកនេះ។
ទូកនៅកុងហ្គោភាគច្រើនផ្ទុកមនុស្សលើសទម្ងន់ ហើយបទបញ្ញត្តិដឹកអ្នកដំណើរត្រូវបានគេព្រងើយកន្តើយ។
កាលពីខែមេសា មានទូកមួយបានក្រឡាប់នៅបឹង Kivu ដែលបានសម្លាប់មនុស្ស ៤០នាក់ បាត់ខ្លួន ១៥០នាក់ និង ៣០នាក់ត្រូវបានសង្គ្រោះ៕
