លោកប្រធានាធិបតីសហរដ្ឋអាមេរិកបានទាត់ចោលការជំទាស់របស់ភាកាលពីថ្ងៃសុក្រ ដើម្បីបញ្ចប់ការលក់អាវុធ ៨ពាន់លានដុល្លារទៅឲ្យអារ៉ាប៊ីសាអូឌីត អេមីរ៉ាត់អារ៉ាប់រួម និងហ្សកដង់ចំពេលដែលស្ថានការណ៍ជាមួយអ៊ីរ៉ង់កំពុងឡើងកម្តៅ។
រដ្ឋបាលលោកត្រាំបានជម្រាបគណកម្មធិការសភាថា ខ្លួននឹងបោះជំហានទៅមុខជាមួយនឹងការលក់គ្រឿងបរិក្ខាយោធាចំនួន ២២មុខទៅកាន់ប្រទេសចំនួន ៣ ដែលធ្វើឲ្យមានការខឹងសម្បាយចំពោះការលក់នេះ។
សមាជិកសភាជាច្រើនរូបបានរាំងខ្ទប់ការលក់អាវុធនេះទៅឲ្យអារ៉ាប៊ីសាអូឌីត និងអេមីរ៉ាត់អារ៉ាប់រួមអស់រយៈពេលជាច្រើនខែមកហើយ ដោយមានការខឹងសម្បារអំពីចំនួនជនស៊ីវិលដ៏ច្រើនមកពីយុទ្ធនាការរបស់ពួកគេនៅក្នុងប្រទេសយ៉េមែន រួមទាំងការរំលោភសិទ្ធមនុស្សផងដែរ។
លោករដ្ឋមន្ត្រីការបរទេសសហរដ្ឋអាមេរិកបាននិយាយកាលពីថ្ងៃសុក្រថា ការលក់អាវុធនេះសំខាន់ៗណាស់ ព្រោះថា រាល់ការពន្យាពេលណាមួយអាចបង្កើនហានិភ័យសម្រាប់ដៃគូសហរដ្ឋអាមេរិក ក្នុងពេលដែលមានអស្ថេរភាពណាមួយបង្កឡើងដោយអ៊ីរ៉ង់។
អ្នកនយោបាយ និងជំនួយការសភាមួយចំនួនបានព្រមានកាលពីដើមសប្តាហ៍នេះថា លោកត្រាំដែលមានការខកចិត្តជាមួយសភា ដែលប្រឆាំងនឹងការលក់អាវុធទៅឲ្យអារ៉ាប៊ីសាអូឌីត កំពុងពិចារណាប្រើប្រាស់មធ្យោបាយគេចវេសក្នុងច្បាប់គ្រប់គ្រងអាវុធ ដើម្បីលក់អាវុធតាមរយៈការប្រកាសប្រទេសក្នុងភាពអាសន្ន៕
