កាលពីពេលកន្លងទៅនេះមានរឿងរ៉ាវដ៏ហួសចិត្តមួយបានកើតឡើង ដោយពុំនឹកស្មានដល់ថា ម្តាយ និងកូនស្រីនេះ មានចិត្តសាហាវឃោរឃៅ ទាញកាំបិតម្នាក់មួយព្រួតសម្លាប់ប្តី និងកូនប្រសារស្លាប់នៅលើគ្រែក្នុងថ្លុកឈាម ព្រោះតែដោយសារប្រាក់ ១ ម៉ឺនរៀល… ។ អំពើឃាតកម្មនេះ បានកើតឡើងកាលពីវេលាម៉ោង១០ ព្រឹក ថ្ងៃទី២៤ ខែឧសភា ឆ្នាំ២០១៩ នៅបន្ទប់ជួលក្នុងភូមិចុងថ្នល់លិច សង្កាត់ទឹកថ្លា ខែសែនសុខ ។
យោងតាមប្រភពព័ត៌មានពីលោក ហួរ ម៉េងវ៉ាង អធិការខណ្ឌសែនសុខ បានឲ្យដឹងថា ស្ត្រីបង្កហេតុឈ្មោះ គង់ ធីតា អាយុ ៤៩ ឆ្នាំ រីឯកូនស្រីឈ្មោះ ង៉ូយ សុម៉ារី អាយុ ២០ ឆ្នាំ ស្នាក់នៅបន្ទប់ជួលក្នុងភូមិ-សង្កាត់កើតហេតុខាងលើ។ ចំពោះជនរងគ្រោះជាប្តីស្លាប់ឈ្មោះ គឹម យ៉ត អាយុ ២៩ ឆ្នាំ ជាបុគ្គលិកក្រុមហ៊ុនឯកជន។ ពួកគេនឹងត្រូវបញ្ជូនទៅសាលាដំបូងរាជធានី ភ្នំពេញ នៅថ្ងៃទី ២៧ ឧសភានេះ។
ប្រភពដដែលបានឲ្យដឹងថានៅមុនពេលកើតហេតុ នៅថ្ងៃទី២៤ ឧសភា ជននសង្ស័យជាប្រពន្ធឈ្មោះ ង៉ូយ សុម៉ារី បានសុំលុយជនរងគ្រោះជាប្តីចំនួន ១ ម៉ឺនរៀល ហើយនៅពេលនោះជនរងគ្រោះមិនព្រមឲ្យ ក៍មានកើតមានជំលោះជាមួយគ្នាតែម្តង ។ បន្ទាប់មក ជនរងគ្រោះបានយកដៃទៅច្របាប់កជនសង្ស័យឈ្មោះ ង៉ូយ សុម៉ារី ជាហេតុធ្វើឲ្យជនសង្ស័យ ង៉ូយ សុម៉ារី បានស្រែកឲ្យម្តាយរបស់ខ្លួន (ជនសង្ស័យ គឹម ធីតា) ជួយ ។ ភ្លាមៗនោះ ជនសង្ស័យឈ្មោះ គឹម ធីតា ក៏ស្ទុះចូលមកជាមួយដៃកាន់កាំបិតតាំងបុ័ងតោ មកកាប់ជនរងគ្រោះចំកញ្ចឹងក បណ្តាលឲ្យដេកដួល ហើយជនសង្ស័យឈ្មោះ ង៉ូយ សុម៉ារី (ប្រពន្ធ) បានយកខ្សែភ្លើង ស្កុតចងរុំដៃជើងជនរងគ្រោះ រួចយកកូនកាំបិតចុងស្រួចចាក់លើជនរងគ្រោះបន្ថែម បណ្តាលឲ្យស្លាប់នៅហ្នឹងកន្លែងតែម្តង ។
បន្ទាប់ពីសម្លាប់ជនរងគ្រោះរួចហើយ ស្ត្រីទាំង ២ នាក់ម្តាយកូន ក៏បានចាក់សោបន្ទប់ជួលហើយនាំគ្នាទៅប្រាប់ឪពុក ដែលជានគរបាលនៅ ពេលនោះ ឪពុកក៏នាំខ្លួនពួកគេមកសារភាពប្រាប់សមត្ថកិច្ចតែម្តង៕
Home ព្រឹត្តិការណ៍ថ្មីៗ សង្គ្រាមលុយ១ម៉ឺនរៀល ប្តី ស្លាប់នៅលើគ្រែក្នុងថ្លុកឈាម ជនបង្កជាប្រពន្ធនឹងម្តាយក្មេកត្រៀមរស់នៅកន្លែងថ្មី !