ខណៈដែលកំពុងប្រកួតលើសង្គ្រាមពាណិជ្ជកម្ម ចិនហាក់ដូចជាចាញ់ច្រាបអាមេរិកខ្លាំងណាស់ សូម្បីតែទិញប្រេងពីអ៊ីរ៉ង់ក៏មិនហ៊ានដែរ ព្រោះខ្លាចទណ្ឌកម្មរបស់សហរដ្ឋអាមេរិក។
ប្រព័ន្ធផ្សព្វផ្សាយរុស្ស៊ីបាននិយាយថា ចិនបានឈប់ទិញប្រេងពីអ៊ីរ៉ង់ហើយ បន្ទាប់ពីទីក្រុងវ៉ាស៊ីងតោនបានប្រកាសមិនលើកលែងការដាក់ទណ្ឌកម្មដល់ប្រទេសណាទៀតនោះទេ។ នេះបើតាមរបាយការណ៍ពីកាសែត The Wall Street Journal ដែលបានស្រង់ពីឧស្សាកម្មប្រេងអ៊ីរ៉ង់។
យោងតាមលោក Rahim Zare ដែលជាសមាជិកនៃបេសកកម្មសេដ្ឋកិច្ចរបស់សភាអ៊ីរ៉ង់បានឲ្យដឹងថា ចិន ក្រិច ឥណ្ឌា អ៊ីតាលី ជប៉ុន កូរ៉េខាងត្បូង តៃវ៉ាន់ និងទួរគី ដែលសុទ្ធតែជាប្រទេសលើកលែងទណ្ឌកម្ម ដោយបានទិញប្រេងពីអ៊ីរ៉ង់សរុបទៅ ១,៦លានបារ៉ែលក្នុងមួយថ្ងៃកាលពីខែមីនា បានឈប់ទិញប្រេងអ៊ីរ៉ង់ហើយ ក្រោយពេលដែលការបញ្ចប់ទណ្ឌកម្មនោះបានចូលជាធរមានកាលពីថ្ងៃទី២ ឧសភាកន្លងទៅ។
កាសែតនេះបានកត់សម្គាល់ថា នៅពេលដែលនាវាដឹកប្រេងចិនបានដឹកប្រេងចេញពីកោះ Kharg របស់អ៊ីរ៉ង់កាលពីពាក់កណ្តាល់ខែឧសភា វាត្រូវបានគេមើលឃើញថា ជាការបន្តទិញប្រេងឆៅ ធ្វើឡើងដោយទីក្រុងប៉េកាំង។ ទោះជាយ៉ាងណាក្តី នាវាដឹកប្រេងនោះបានបើកទៅកាន់ឥណ្ឌូនេស៊ី និងបានឈប់នៅឆ្នេរអ៊ីរ៉ង់នៅត្រង់ឈូងសមុទ្រអូម៉ង់។
កាសែតនោះបាននិយាថា អ្នកជំនួញនៅទីក្រុងតេរ៉ង់បានកត់សម្គាល់ថា ក្រុមហ៊ុនចិនជាច្រើនលែងទិញប្រេងពីអ៊ីរ៉ង់ទៀតហើយ៕
