មេធាវីរបស់ស្ត្រីម្នាក់ដែលបានដាក់ពាក្យបណ្តឹងករណីចាប់រំលោភសេពសន្ធវៈ នៅក្នុងទីក្រុងប៉ារីស ប្រឆាំងបារាំង ប្រឆាំងនឹងតារាចម្រៀងរ៉េបអាមេរិក Chris Brown បាននិយាយថា តារាចម្រៀងម្នាក់នេះ ជាមនុស្សឈ្លើយ និងមិនគោរពប្រព័ន្ធតុលាការបារាំង ក្រោយពេលដេលគាត់មិនបានបង្ហាញខ្លួនដើម្បីប្រឈមនឹងដើមចោទដែលជាជនរងគ្រោះដោយសារករណីចាប់រំលោភរបស់គាត់ កាលពីថ្ងៃអង្គារ។
លោក Brown ត្រូវបានចាប់ខ្លួនកាលពីខែមករាកន្លងទៅ បន្ទាប់មកត្រូវបានដោះលែងវិញដោយគ្មានការចោទប្រកាន់អ្វីនោះទេ ដោយរង់ចាំការស៊ើបអង្កេតបន្ថែមទៀតលើការចោទប្រកាន់របស់ស្ត្រីម្នាក់ថា គាត់ និងបុរស២នាក់ផ្សេងទៀត បានចាប់រំលោភនាង នៅក្នុងសណ្ឋាគារ Mandarin Oriental ស្ថិតនៅក្នុងរដ្ឋធានីប៉ារីស។
ទោះបីជាយ៉ាងណាក៏ដោយ លោក Brown ដែលបានឈ្នះពានរង្វាន់ Grammy បានចាត់ទុកការចោទប្រកាន់នេះថាមិនពិតនោះទេ។
លោកស្រី Gloria Allred ដែលជាមេធាវីអាមេរិក ដែលបានធ្វើដំណើរមកកាន់តុលាការនៅក្រុងប៉ារីស ដើម្បីជួយកូនក្តីរបស់គាត់តាមកាលកំណត់ឲ្យឡើងសវនាការប្រឈមដាក់គ្នានោះ បាននិយាយថា យើងជឿថា លោក Brown លែងមានពាក្យអ្វីត្រូវដោះសារទៀតហើយសម្រាប់ការមិនបង្ហាញខ្លួនរបស់គាត់លើកនេះ។ គាត់សុខចិត្តមិនបង្ហាញខ្លួនដើម្បីប្រឈមនឹងការពិត ដូចគ្នានឹងបុរស២នាក់ផ្សេងទៀតដែរ ដែលរងការចោទប្រកាន់ដូចគ្នា។
លោកស្រី Gloria Allred បានបង្ហាញខ្លួនស្ត្រីម្នាក់ដែលបានចោទប្រកាន់ថា នាងត្រូវបានគេបំពានផ្លូវភេទនៅក្នុងផ្ទះរបស់លោក Brown អំឡុងពិធីជប់លៀងមួយក្នុងឆ្នាំ២០១៧។
លោកស្រី បាននិយាយនៅក្រៅតុលាការថា “តើគាត់មានដឹងអត់ថា ខ្ញុំបានធ្វើដំណើរមកកាន់ទីក្រុងប៉ារីស ដើម្បីគាំទ្រដល់កូនក្តីរបស់ខ្ញុំ? តើគាត់ខ្លាចខ្ញុំឬ? តើហេតុផលអ្វីបានជាគាត់មិនបង្ហាញខ្លួនបែបនេះ?” ។
សូមបញ្ជាក់ថា លោក Brown ដែលបានលក់ដាច់ចម្រៀងជាង១០០លានឌីសនោះ ហាក់បីដូចជាល្បីខ្លាំងរឿងបញ្ហាផ្លូវច្បាប់ជាងការចេញបទចម្រៀងរបស់គាត់ក្នុងរយៈពេលប៉ុន្មានឆ្នាំចុងក្រោយនេះ។
ជាក់ស្តែងកាលពីឆ្នាំ២០០៩ លោកត្រូវបានគេកាត់ទោសពីបទវាយមកលើតារាចម្រៀងស្រី Rihannaថ ដែលកាលនោះគឺជាមិត្តស្រីរបស់គាត់ ហើយនិងអវត្តមានពីកម្មវិធីប្រគល់រង្វាន់ Grammy Awards ដោយសារតែរបួសរបស់នាង៕
Home ព្រឹត្តិការណ៍ថ្មីៗ តារាចម្រៀងរ៉េប Chris Brown ខ្លាចរការដែកបានជាមិនបង្ហាញខ្លួននៅតុលាការក្រុងប៉ារីសលើករណីចាប់រំលោភសេពសន្ធវៈ