[wai id="8"]
[wai id="7"]
អ្នកនាំពាក្យក្រសួងសេដ្ឋកិច្ច និងហិរញ្ញវត្ថុ អះអាងថា ក្រសួងត្រៀមនឹងបញ្ចេញថវិកាប្រមាណពី៣០០លាន ទៅ៣៥០ លានដុល្លារ ឬលើសពីនេះ ដើម្បីជួយដល់ការដោះស្រាយបញ្ហាដល់ពលរដ្ឋដែលរងផលប៉ះពាល់ដោយសារជំងឺកូវីដ-១៩។
ថ្មីៗនេះ យោងតាមលទ្ធផលនៃការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលកូវីដ១៩សម្រាប់ខែមិថុនា រដ្ឋាភិបាលកម្ពុជាបានចំណាយថវិការសរុបជាង ៩៤ពាន់លានរៀល ឬស្មើនឹងជាង២៣លានដុល្លារអាមេរិក។ ក្នុងនោះ ប្រជាពលរដ្ឋក្រីក្រនិងងាយរងគ្រោះចំនួន ៥៣០ ៨៣៨គ្រួសារ ស្មើនឹងជាង២លាននាក់ បានទទួលសាច់ប្រាក់ឧបត្ថម្ភពីរដ្ឋាភិបាល ដែលក្នុងនោះ មានប្រជាពលរដ្ឋក្រីក្រកម្រិត១ ចំនួន ១៩៨ ៦៣១គ្រួសារ ដែលមានសមាជិកសរុបជាង៧៥ម៉ឺននាក់ និងកម្រិតក្រីក្រ២ មានចំនួន ៣៣២ ២០៧គ្រួសារ ដែលមានសមាជិកជាង១លាននាក់។ការបើកប្រាក់ឧបត្ថម្ភ ពីរដ្ឋាភិបាលនៅក្នុងដំណាក់កាលទី១ សម្រាប់ខែមិថុនា ដែលធ្វើឡើងតាមរយៈធនាគារឯកទេសវីង បានបញ្ចប់កាលពីវេលាម៉ោង៦ល្ងាច ថ្ងៃទី ២៤ កក្កដា។ នេះបើយោងតាមគេហទំព័រ rfi ។
ពាណិជ្ជកម្ម
កាលពីថ្ងៃទី១២ ខែមិថុនា ឆ្នាំ២០២០ រាជរដ្ឋាភិបាលសម្រេចចេញអនុក្រឹត្យស្តីពីការអនុវត្តកម្មវិធីឧបត្ថម្ភសាច់ប្រាក់ជួយគ្រួសារក្រីក្រ និងជនងាយរងគ្រោះក្នុងអំឡុងពេលវិបត្តិជំងឺកូវីដ១៩។ក្នុងអនុក្រឹត្យនោះ សម្រេចឧបត្ថម្ភជូនពលរដ្ឋក្រីក្រ និងជនងាយរងគ្រោះ នៅរាជធានីភ្នំពេញ និងនៅតាមទីប្រជុំជនមិនមែនរាជធានីភ្នំពេញ សម្រាប់គ្រួសារមានប័ណ្ណសមធម៌ប្រភេទ១ និង២ ឬ ក្រប្រភេទ១ និងប្រភេទ២ នូវទឹកប្រាក់ ១២ម៉ឺនរៀល។ ចំណែកសមាជិកគ្រួសារម្នាក់ៗ រួមទាំងជនងាយរងគ្រោះ ដូចជា កុមារ ជនពិការ អ្នកផ្ទុកមេរោគអេដស៍ និងមនុស្សចាស់អាយុចាប់ពី ៦០ឆ្នាំឡើង រដ្ឋាភិបាលចំណាយថវិកាចន្លោះពី ២ម៉ឺន ៨ពាន់រៀល ទៅ ៥ម៉ឺន ២ពាន់រៀល។ដោយឡែក សម្រាប់ពលរដ្ឋក្រីក្រទាំងពីរប្រភេទ និងជនងាយរងគ្រោះនៅតាមទីជនបទ នឹងទទួលបាន ៨ម៉ឺនរៀលក្នុង១ខែ ហើយសមាជិកគ្រួសារម្នាក់ និងប្រភេទជនងាយរងគ្រោះផ្សេងទៀត នឹងទទួលបានថវិកាចន្លោះពី ១ម៉ឺន ៦ពាន់រៀល ទៅ ២ម៉ឺន ៤ពាន់រៀល។
គួរបញ្ជាក់ដែថាបើគិតត្រឹមព្រឹកថ្ងៃទី២៧ ខែកក្កដា ឆ្នាំ២០២០នេះ កម្ពុជា មានរកឃើញអ្នកកើតជំងឺកូវីដ១៩ សរុបចំនួន ២២៥នាក់ (ស្ត្រី ៤៦នាក់ និងបុរស ១៧៩នាក់)។ ក្នុងនោះអ្នកព្យាបាលជាសះស្បើយមានចំនួន ១៤៧នាក់ មានស្រី ៣៩នាក់ និងបុរស ១០៨នាក់។
ដោយឡែកអ្នកកំពុងសម្រាកព្យាបាលមានចំនួន ៧៨នាក់ កំពុងសម្រាក់ព្យាបាលនៅមន្ទីរពេទ្យមិត្តភាពខ្មែរ-សូវៀតចំនួន ៥នាក់, នៅមណ្ឌលសុខភាពចាក់អង្រែចំនួន ៥៦នាក់ និងនៅមន្ទីរពេទ្យបង្អែកខេត្តកំពង់ស្ពឺចំនួន ១៥នាក់។ រីឯអ្នកជំងឺជាស្ត្រីជនជាតិអាមេរិក ២នាក់ សម្រាក់ព្យាបាលនៅស្ថានទូតអាមេរិក៕
[wai id="5"]
