កាលពីពេលកន្លងទៅនេះ ប្រធានក្រុមហ៊ុន Huawei បានលើកឡើងថា ក្រុមហ៊ុនមិនបានខ្វល់ខ្វាយ ឬក៏ព្រួយបារម្ភអ្វីឡើយ ចំពោះការគំរាមកំហែងរបស់លោកប្រធានាធិបតីអាមេរិកដូណាល់ ត្រាំ។ ជាការគំរាមកំហែង តាមរយៈការចេញបទបញ្ជាមិនអនុញ្ញាតឲ្យក្រុមហ៊ុនHuawei មានទីផ្សារលក់ដូរនៅសហរដ្ឋអាមេរិក។ ប្រធានក្រុមហ៊ុន Huawei សង្កត់ធ្ងន់ថា Huawei នៅតែអាចរកស៊ីបានដោយជោគជ័យ ទោះបីគ្មានទីផ្សារនៅអាមេរិកក៏ដោយចុះ។
យ៉ាងណាមិញបញ្ហារាំងស្ទះក្នុងការបន្តប្រើប្រាស់ប្រព័ន្ធ Android លើស្មាតហ្វូនរបស់ខ្លួន ក្រុមហ៊ុន Huawei បានសម្រេចបង្កើតប្រព័ន្ធឧបករណ៍ថ្មីមួយដែលមានឈ្មោះថា OS ដែលខ្លួនបានអភិវឌ្ឍកាលពីឆ្នាំ ២០១២ ត្រៀមកំណត់ឲ្យអតិថិជនប្រើប្រាស់ជាផ្លូវការ អំឡុងពេលថេរវេលាកំណត់រយៈពេល ៩០ ថ្ងៃជាមួយក្រុមហ៊ុន Google ។
កន្លងទៅលេចឮដំណឹងថាក្រុមហ៊ុនយក្សប្រទេសចិន យកប្រព័ន្ធប្រតិបត្តិ "HongMeng OS" មកប្រើប្រាស់ជំនួស Android តែរបាយការណ៍ចុងក្រោយនេះបានសង្កត់ធ្ងន់ថាពាណិជ្ជសញ្ញាដែលក្រុមហ៊ុនចុះជាមួយនឹងភ្នាក់ងាររដ្ឋាភិបាល EUIPO គឺប្រើប្រាស់ឈ្មោះ Ark OS ពុំមែនជា HongMeng OS ដូចដែលសារព័ត៌មានមួយចំនួនបានចុះផ្សាយនោះទេ ។
សេចក្តីថ្លែងការណ៍ខាងលើបានបន្តទៀតថា «ក្រុមហ៊ុន Huawei នឹងបន្តផ្តល់ការអាប់ដេត ផ្នែកសន្តិសុខ និងសេវាកម្មឯទៀតៗសម្រាប់ស្មាតហ្វូន និង Tablet ទាំងអស់របស់ Huawei ព្រមទាំង Honor ដែលមានវត្តមានក្នុងទីផ្សារជុំវិញពិភពលោក នាពេលបច្ចុប្បន្ន។ មិនតែប៉ុណ្ណោះពួកយើងនឹងបន្តកសាងនូវសហគមន៍ Software មួយ ដែលមានសុវត្ថិភាព និងប្រកបដោយនិរន្តរភាព ដើម្បីផ្តល់បទពិសោធន៍ដ៏ល្អបំផុត ដល់អ្នកប្រើប្រាស់ទាំងអស់នៅទូទាំងសកលលោក៕
