ក្រុមចម្រុះដឹកនាំដោយអារ៉ាប៊ីសាអូឌីតបានផ្គុំក្រុមយន្តហោះចម្បាំងទាំងហ្វូងចូលបើកការវាយប្រហារទ្រង់ទ្រាយធំទៅលើមូលដ្ឋានក្រុមចលនាហូធីនៅទីក្រុងសាណាប្រទេសយ៉េមែន។ នេះបើតាមប្រព័ន្ធផ្សព្វផ្សាយអាល់អារា់ប៊ីយ៉ាដែលបានរាយការណ៍នៅថ្ងៃពុធនេះទី ២៩ ឧសភានេះ។
យោងតាមប្រព័ន្ធផ្សព្វផ្សាយនោះ កងកម្លាំងចម្រុះបានបើកការវាយប្រហារតាមផ្លូវអាកាសទៅលើមូលដ្ឋានទ័ពអាកាស al-Dulaimi នៅភាគខាងជើងនៃទីក្រុងសាណា។
ការបើកការវាយប្រហារនេះ បានធ្វើឡើងបន្ទាប់ពីក្រុមហូធីបានបាញ់គ្រាប់មីស៊ីលជាច្រើនគ្រាប់ទៅលើអារ៉ាប៊ីសាអូឌីត កាលពីប៉ុន្មានសប្តាហ៍មុន ចំពេលដែលអ៊ីរ៉ង់កំពុងមានភាពតានតឹងជាមួយសហរដ្ឋអាមេរិកកាន់តែខ្លាំង។
ចាប់តាំងពីឆ្នាំ ២០១៥មក អារ៉ាប៊ីសាអូឌីតបានបើកការវាយប្រហារទ្រង់ទ្រាយធំទៅលើក្រុមចលនាបះបោរហូធី បន្ទាប់ពីក្រុមហូធីទទួលបានជំនួយពីអ៊ីរ៉ង់ផ្តួលរំលំរដ្ឋាភិបាលយ៉េមែន។ សង្គ្រាមរ៉ាំរ៉ៃមកទល់ពេលនេះ មានមនុស្សជាច្រើននាក់បានស្លាប់ និងរាប់លាននាក់ផ្សេងទៀតកំពុងរស់នៅដោយអត់ឃ្លាន។ អ៊ីរ៉ង់ គឺជាប្រទេសដ៏ធំមួយដែលត្រូវទទួលខុសត្រូវចំពោះភាពវឹកវរនៅក្នុងប្រទេសនេះ ដែលអ៊ីរ៉ង់មានកងកម្លាំងតំណាងរបស់ខ្លួន បង្កអសន្តិសុខ អស្ថេរភាពក្នុងតំបន់នេះ។ ម្ល៉ោះហើយ វត្តមានសហរដ្ឋអាមេរិកលេចឡើងដើម្បីគម្រាមដល់របបមួយនេះឲ្យបញ្ឈប់ទង្វើអាក្រក់មួយនេះ៕
Home ព្រឹត្តិការណ៍ថ្មីៗ អារ៉ាប៊ីសាអូឌីតបើកការវាយប្រហារលើមូលដ្ឋានក្រុមហូធី នៅរដ្ឋធានីប្រទេសយ៉េមែន