[wai id="8"]
[wai id="7"]
ជនជាតិចិន បានសម្រុកចូលមកខេត្តព្រះសីហនុវិញជាបណ្តើៗហើយ គិតចាប់តាំងពីចុងខែឧសភា រហូតដល់បច្ចុប្បន្ន ជនជាតិចិនទាំងនេះ ភាគច្រើនគឺជាអ្នកជំនួញចាស់ៗ ដែលមានអាជីវកម្ម នៅខេត្តព្រះសីហនុ អ្នកដំណើរជនជាតិចិនដែលបានចូលមកខេត្តព្រះសីហនុតាមច្រកអាកាសយានដ្ឋានអន្តរជាតិខេត្តព្រះសីហនុ មាន៥១ជើង គិតពីចំនួនមនុស្សមាន ៣ ៥១១ នាក់ ក្នុងនោះស្រី៦៩៦នាក់។លោក ឃាង ភារម្យ អ្នកនាំពាក្យសាលាខេត្តព្រះសីហនុ បានលើកឡើងថានេះជាសញ្ញាល្អ ចំពោះការកម្រើក ឡើងវិញ នៃសកម្មភាពសេដ្ឋកិច្ចនៅក្នុង ខេត្តនេះ ជាពិសេសកំណើនសេដ្ឋកិច្ចទៅលើវិស័យទេសចរណ៍ ឧស្សាហកម្ម និង ការវិនិយោគ។ ខណៈជនជាតិចិននៅខេត្តព្រះសីហនុភាគច្រើន បានវិនិយោគលើវិស័យទេសចរណ៍កាស៊ីណូ សំណង់ សេវាកម្ម និងផលិតកម្ម ជាដើម។
ពាណិជ្ជកម្ម
ពាក់ព័ន្ធនឹងសំណង់អគារនៅខេត្តព្រះសីហនុវិញ ក៏ឃើញមានសកម្មភាពមួយចំនួនឡើងវិញដែរ តែមិនច្រើនទេ គឺទីតាំងដែលបងប្អូនអ្នកវិនិយោគចិនបានជួលកន្លងមក បានចូលមកដំណើរការខ្លះហើយ រីឯសំណង់ដែលមានម្ចាស់ជាជនជាតិខ្មែរក៏មានដំណើរការខ្លះៗដែរ។ ទន្ទឹមនឹងការមកដល់នៃជនជាតិចិនដែរ អ្នកនាំពាក្យសាលាខេត្តព្រះសីហនុ អះអាងថា អាជ្ងាធរក៏មិនភ្លេច អនុវត្តតាមចំណាត់ការនិងគោលការណ៍ណែនាំរបស់ក្រសួងសុខាភិបាលដែរ។ ចំពោះការមកដល់ គឺមានការធ្វើតេស្តិ៍ ពិនិត្យសុខភាពគ្រប់ៗគ្នា តម្រូវឱ្យធ្វើចត្តាឡឺស័ករយៈពេល១៤ និងយកសំណាកទៅពិនិត្យនៅវិទ្យាស្ថានប៉ាស្ទ័រ នៅក្រុងភ្នំពេញ ដើម្បីឱ្យប្រាកដថាគ្មានកូរ៉ូណាវីរុស។
លោកបានបន្តទៀតថា ជនជាតិចិន នៅខេត្តព្រះសីហនុភាគច្រើនបានវិនិយោគលើវិស័យទេសចរណ៍ កាស៊ីណូសំណង់ សេវាកម្ម និងផលិតកម្ម។
យោងតាមលោក គួច ចំរើន អភិបាលខេត្តព្រះសីហនុ ចំនួនពាក់កណ្តាលនៃអ្នករស់នៅក្នុងក្រុងព្រះសីហនុគឺជាជនជាតិចិនមុនពេលការផ្ទុះឡើងនៃកូវីដ១៩ ហើយឥឡូវនេះមានតែជនជាតិចិនចំនួន ១៥ ០០០ នាក់ប៉ុណ្ណោះដែលរស់នៅក្នុងទីក្រុង។ នៅឆ្នាំ ២០១៩ ប្រជាជនសរុបមានចំនួន ៨០ ០០០ នាក់ ហើយចំនួនជនជាតិចិនមានប្រហែលពាក់កណ្តាលនៃចំនួននោះ។
លោកបាននិយាយថា ខេត្តនេះបានទាក់ទាញការវិនិយោគគម្រោងសាងសង់ដែលមានតម្លៃជាង ៧ ពាន់លានដុល្លារក្នុងរយៈពេលបួនឆ្នាំចុងក្រោយនេះដែលភាគច្រើនមកពីជនជាតិចិន៕
[wai id="5"]
