យន្តហោះដឹកជញ្ជូនយោធារបស់ឥណ្ឌាប្រភេទ An-32 ដែលទិញពីរុស្ស៊ី បានបាត់ខ្លួន បន្ទាប់ពីយន្តហោះបានហោះចេញពីមូលដ្ឋានទ័ពអាកាសក្នុងរដ្ឋអាសាម។ ការទាក់ទងចុងក្រោយជាមួយយន្តហោះនេះ គឺនៅវេលាម៉ោង ១ រសៀលថ្ងៃអង្គារទី៤ មិថុនានេះ។ មានមនុស្សចំនួន ១៣នាក់ដែលស្ថិតនៅលើយន្តហោះនោះ ដោយក្នុងនោះ ៨នាក់ជាអ្នកបើក និង ៥នាក់ជាអ្នកដំណើរ។
កងកម្លាំងអាកាសឥណ្ឌាបានដាក់ពង្រាយគ្រឿងសព្វាវុធជាច្រើន ដើម្បីស្វែងរកមើលទីតាំងនៃយន្តហោះ ដែលបាត់ខ្លួននោះ ដោយមានការដាក់ពង្រាយយន្តហោះចម្បាំង Sukhoi Su-30 និងយន្តហោះចម្បាំង C-130 Hercules ផងដែរ។ កងទ័ពថ្មើជើងក៏ត្រូវបានបំបែកជួរតាមរកយន្តហោះនោះ An-32 នោះផងដែរ។
បង្ហោះនៅលើបណ្តាញធ្វីតតឺប៉ុន្មានក្រោយយន្តហោះនោះបានបាត់ខ្លួន កងទ័ពអាកាសឥណ្ឌាបាននិយាយថា ប្រតិបត្តិការរុករកនេះនឹងបន្តធ្វើឡើង។
កងទ័ពអាកាសបាននិយាយថា របាយការណ៍មួយចំនួនត្រូវបានទទួលពីដំណឹងនៃការរកឃើញ ប៉ុន្តែមិនមែនជាការពិតនោះទេ។
យន្តហោះ Antonov An-32 បានហោះចេញពីតំបន់ Jorhat ក្នុងរដ្ឋ Assam ហើយកំពុងធ្វើដំណើរទៅកាន់ចំណតអាកាស Mechuka ដែលស្ថិតនៅក្នុងតំបន់ Mechuka Valley នៅរដ្ឋ Arunachal Pradesh ។
យន្ដហោះនោះបានដាច់ការទាក់ទងនៅប្រហែល ៣៥ នាទីក្រោយពីចេញដំណើរ។ ទីលានចំណតយន្តហោះ Mechuka Advanced Landsing មានទីតាំងស្ថិតនៅជិតព្រំដែនចិន។
កាលពីខែកក្កដា ឆ្នាំ ២០១៦ យន្តហោះដឹកជញ្ជូន An-32 របស់កងទ័ពអាកាសឥណ្ឌាក៏បានបាត់ខ្លួននៅលើឈូងសមុទ្រ Bengal ដោយមានមនុស្ស ២៩នាក់នៅលើយន្តហោះ។ យន្ដហោះនេះបានហោះចេញពីមូលដ្ឋានទ័ពអាកាសមួយក្នុងទីក្រុងចេណៃហើយបានធ្វើដំណើរទៅកាន់កោះអាដាម៉ាន និងកោះនីកូបា។ រ៉ាដាទាក់ទងជាមួយយន្តហោះនោះបានដាច់ក្នុងពេលមួយ បន្ទាប់ពីយន្តហោះ An-32 នោះបានហោះចេញពីស្ថានីយកងកម្លាំងអាកាសតាមបារ៉ាម ចេនណៃ។ ចំពោះយន្តហោះដែលបានដាប់ការទាក់ទងថ្មីៗនេះត្រូវបានគេសន្និដ្ឋានថា បានធ្លាក់ពិតប្រាកដ ហើយមនុស្សនៅលើយន្តហោះនោះបានស្លាប់៕
Home ព្រឹត្តិការណ៍ថ្មីៗ យន្តហោះយោធាឥណ្ឌាទិញពីរុស្ស៊ីបាត់ខ្លួន បន្ទាប់បានហោះឡើងនៅជិតព្រំដែនចិន