[wai id="8"]
[wai id="7"]
ថ្មីៗនេះ មានអ្នកលេងបណ្ដាញសង្គមហ្វេសប៊ុកបានចាប់អារម្មណ៍ និងចែករំលែកបន្តជាច្រើននាក់នូវសកម្មភាព របស់បុរសអ្នកមានជនជាតិវៀតណាមម្នាក់ បានពញ្ញាក់អារម្មណ៍ប្រពន្ធរបស់ខ្លួន តាមរយៈកាដូរថយន្តស្ព័តដ៏ទំនើបម៉ាក McLaren Senna ហើយអ្វីដែលជាចំណុចចាប់អារម្មណ៍ខ្លាំងបំផុតនោះ គឺរថយន្ត McLaren Senna ខាងលើបានបំពាក់ជាមួយស្លាកលេខពិសេសរបស់កម្ពុជា «កម្ពុជា MAILISA» ។
ពាណិជ្ជកម្ម
សូមបញ្ជាក់ថា MAILISA គឺជាឈ្មោះរបស់ស្ត្រីស្រស់ស្អាតខាងលើ និងជាឈ្មោះហាងសាឡន របស់នាងផងដែរ ។យោងតាមគណនី Facebook មួយឈ្មោះ Mailisa Khánh ដែលជាម្ចាស់ផលិតផលគ្រឿងសម្អាងក្នុងប្រទេសវៀតណាម បានឲ្យឃើញនូវជំនូនថ្មីរបស់គាត់ដែលជារថយន្ត McLaren Senna ពណ៌ពិសេស តម្លៃលើសពី ១ លានដុល្លារ ខណៈចំណុចដែលមិនអាចរំលងបាននោះ គឺរថយន្តនេះបានបំពាក់ស្លាកលេខពិសេសរបស់ប្រទេសកម្ពុជា។ លេខពិសេសរបស់កម្ពុជា ដែលត្រូវបំពាក់លើរថយន្តតម្លៃរាប់លានដុល្លាររបស់អ្នកជំនួញវៀតណាមខាង លើនេះមានជាទម្រង់អក្ស MAILISA ដែលជាឈ្មោះភាសាអង់គ្លេសរបស់ម្ចាស់រថយន្តខាងលើនេះតែម្តង។
ត្រង់ចំណុចនេះ អាចមើលកាន់តែច្បាស់នូវគុណសម្បត្តិនៃស្លាកលេខពិសេសរបស់កម្ពុជា ដែលមិនត្រឹមតែជាសា្លកលេខរថយន្ត ប៉ុន្តែវាបានក្លាយទៅជាជំនូនដ៏ពិសេសសម្រាប់អ្នកមានលទ្ធភាពអាចជៀវយកទៅប្រើប្រាស់ ខណៈតម្លៃនៃស្លាកទាំងនេះ គឺអាចដល់ខ្ទង់ពាន់ ឬខ្ទង់ម៉ឺនដុល្លារ។
គួរបញ្ជាក់ដែរថា ចំពោះរថយន្ត McLaren Senna ដែលលោក Hoang Kim Khanh ទិញជាកាដូជូនប្រពន្ធនេះ ជារថយន្ត limited-edition ដែលមានតែ ៥០០គ្រឿងប៉ុណ្ណោះលើសកលលោក ហើយវាទើបតែបង្ហាញវត្តមានផ្លូវការនៅលើទឹកដីទីក្រុងឌូបៃ កាលពីខែ កុម្ភៈ ដែលកម្មពិធីសម្ពោធនោះ ក៏មានវត្តមានរបស់លោក Hoang Kim Khanh ផងដែរ ។ ចំពោះតម្លៃរបស់វាគឺខ្ទង់ ១លានដុល្លារ (មិនគិតបញ្ចូលពន្ធ) តែពេលដែលនាំចូលទៅប្រទេសវៀតណាម គឺត្រូវបង់ពន្ធ ដូច្នេះរថយន្តមួយគ្រឿងនេះកើនតម្លៃរហូតដល់ ៥០ពាន់លានដុង ស្មើនឹងខ្ទង់ ២,១៦៥,៦០០ ដុល្លារ នេះបើយោងតាមសារព៍ត៌មានvietnamnet ៕
[wai id="5"]