ពន្លឺភ្លើងដ៏អាថ៌កំបាំង ត្រូវបានគេអង្កេតនៅលើព្រះចន្ទ័អស់រយៈពេលជាច្រើនឆ្នាំមកហើយ ហើយក្រុមអ្នកវិទ្យាសាស្ត្រនៅតែមិនទាន់ដឹងច្បាស់ដដែលថាតើវាគឺជាពន្លឺភ្លើងអ្វីឲ្យពិតប្រាកដ។
ដោយគេស្គាល់ថាជាបាតុភូតព្រះច័ន្ទ ពន្លឺភ្លើងខុសពីប្រក្រតីមួយនេះ ត្រូវបានគេដឹងតាំងពីទសវត្សរ៍ឆ្នាំ១៩៥០មកម្ល៉េះ ប៉ុន្តែក្រុមអ្នកវិទ្យាសាស្ត្រនៅតែពិបាកស្រាយចម្ងល់មួយនេះដដែល ក្នុងការកំណត់ថាតើអ្វីទៅពិតប្រាកដ ដែលនាំឲ្យកើតមានចំណាំងពន្លឺភ្លើងបែបនេះ។
ការពន្យល់ជាច្រើនបានលើកឡើងថា វាអាចជាឥទ្ធិពលពីផ្កាយព្រះគ្រោះ សកម្មភាពរញ្ជួយប្រថពី ឬអាចជាអន្តរសកម្មជាមួយខ្យល់ក្នុងប្រព័ន្ធព្រះអាទិត្យ។
នៅក្នុងកិច្ចខិតខំថ្មីដើម្បីសង្កេតបាតុភូតមួយនេះ លោកសាស្ត្រាចារ្យ Hakan Kayal មកពីសាកលវិទ្យាល័យ Julius Maximilian University of Wurzburg ស្ថិតក្នុងប្រទេសអាល្លឺម៉ង់ បានបង្កើតនូវតេឡេស្កូតព្រះចន្ទ័ ដែលត្រូវបានរចនាឡើងសម្រាប់គោលបំណងមួយនេះ។
ស្ថិតនៅឯមន្ទីរអង្កេតឯកជន ប្រទេសអេស្ប៉ាញ តេឡេស្កូបមួយនេះ មានកាមេរ៉ា២ ដែលអាចតាមដានព្រះចន្ទ័ជារៀងរាល់យប់។ បើសិនជាកាមេរ៉ាទាំង២ ចុះបញ្ជីពន្លឺភ្លើងក្នុងពេលតែ១ ប្រព័ន្ធនឹងថតរូប ថតវីដេអូ និងបញ្ជូនសារមកកាន់ក្រុមរបស់លោក Kayal សម្រាប់ការស៊ើបអង្កេតបន្ថែមទៀត។
ដល់ពេលនោះ លទ្ធផលនឹងត្រូវយកទៅប្រៀបធៀបជាមួយការអង្កេតផ្សេងទៀត ដែលធ្វើឡើងដោយទីភ្នាក់ងារអវកាសអឺរ៉ុប(ESA)។
លោក Kayal បាននិយាយថា បើសិនជារឿងតែមួយត្រូវបានមើលឃើញនៅទីនោះ ហេតុការណ៍ នឹងត្រូវបានគេប្រកាសឲ្យដឹងហើយ។
មាននូវផែនការជាច្រើនទៀត ដើម្បីស្រាយបញ្ហាចម្ងល់ពន្លឺភ្លើងមួយនេះ ដោយប្រើប្រាស់ចារកិច្ចសិប្បនិម្មិត ដើម្បីស្រង់យកការប្រកាសព័ត៌មានខុស និងចុងបញ្ចបអនុវត្តន៍លើប្រព័ន្ធតែមួយតាមផ្កាយរណប ដែលអាចសង្កេតព្រះចន្ទ័ ពីទីអវកាស។
លោក Kayal បានបន្តទៀតថា យើងនឹងកម្ចាត់ចលាចលបណ្តាលមកពីបរិយាកាស។
ទោះបីជាយ៉ាងណាក៏ដោយ ពាក់ព័ន្ធនឹងការស្រាយចម្ងល់ពន្លឺភ្លើងដ៏អាថ៌កំបាំងនេះ នៅពេលណានោះ លោក Kayal មិនបានប្រកាសឲ្យដឹងនោះទេ៕
Home ព្រឹត្តិការណ៍ថ្មីៗ ក្រុមអ្នកវិទ្យាសាស្ត្រកំពុងស្រាយចម្ងល់ពន្លឺភ្លើងដ៏អាថ៌កំបាំងបាញ់ចេញពីព្រះចន្ទ័