យោងតាមសារព័ត៌មានជប៉ុន NHK នៅថ្ងៃទី៦ មិថុនានេះបានឲ្យដឹងថា ក្រុមស្រាវជ្រាវសហរដ្ឋអាមេរិកដែលតាមដានសកម្មភាពរបស់កូរ៉េខាងជើងបាននិយាយថា ប្រទេសនេះទំនងជាកំពុងផលិតសារធាតុអ៊ុយរ៉ានីញ៉ូមនៅរោងចក្រនុយក្លេអ៊ែរ Nyongbyong។
គេហទំព័រឃ្លាំមើលកូរ៉េខាងជើងរបស់សហរដ្ឋអាមេរិក 38 North បានបញ្ចេញរបាយការណ៍ចុងក្រោយរបស់ខ្លួនបានមកពីផ្កាយរណប ដែលបានថតសកម្មភាពនៅរោងចក្រនុយក្លេអ៊ែររបស់ប្រទេសនេះ។
គេហទំព័រនោះបាននិយាយថា រូបភាពដែលថតបានក្នុងរយៈពេលប៉ុន្មានខែកន្លងទៅនេះបង្ហាញពីមនុស្ស និងអ្វីដែលបានលេចឡើងជាកុងតឺណឺស៊ីទែនសាំងពណ៌សនៅជិតរោងចក្រនោះ។ យាននោះត្រូវបានទុកនៅជិតកុងតឺណឺដឹកជញ្ជូននៅជាប់នឹងសាលដាក់ម៉ាស៊ីនផលិតឧស្ម័ន ជាទីកន្លែងសម្រាប់ផលិតសារធាតុអ៊ុយរ៉ានីញ៉ូម ដើម្បីអភិវឌ្ឍន៍អាតូមិក។
ក្រុមស្រាវជ្រាវនិយាយថា វាជាការលំបាកក្នុងការកំណត់អត្តសញ្ញាណរថយន្តអូសកុងតឺណឺថាជាស៊ីទែននីត្រូសែនរាវពីរូបភាពផ្កាយរណបតែម្នាក់ឯងណាស់ ប៉ុន្តែពួកគេនិយាយថា វាទំនងជាដូច្នេះ។ នីត្រូសែនរាវត្រូវបានប្រើប្រាស់ដើម្បីចម្រាញ់សារធាតុអ៊ុយរ៉ានីញ៉ូម។
ប្រសិនបើនេះជាការពិតមែននោះ ទីក្រុងព្យុងយ៉ាងអាចនឹងបង្កើនសារធាតុអ៊ុយរ៉ានីញ៉ូម ដើម្បីដាក់សម្ពាធដល់សហរដ្ឋអាមេរិក ដើម្បីធ្វើឲ្យមានការធ្វើសម្បទានណាមួយក្នុងការចរចានុយក្លេអ៊ែរ។
កាលពីខែកុម្ភៈ លោកត្រាំ និងលោកជុងអ៊ុនបានជួបគ្នារួចហើយ ប៉ុន្តែត្រូវទទួលបរាជ័យដោយសារតែជុងអ៊ុនចង់ឲ្យអាមេរិកដកទណ្ឌកម្មទាំងស្រុងចេញសិន ទើបខ្លួនយល់ព្រមតាមក្រោយ។ ក្រោយឮដូច្នេះ លោកត្រាំបានដើរចេញពីកិច្ចប្រជុំ។ ពាក់ព័ន្ធនឹងការចរចាបរាជ័យនេះ មានរបាយការណ៍បង្ហាញថ្មីៗនេះថា ជុងអ៊ុនបានបញ្ជាឲ្យគេយកមន្ត្រី ៥នាក់ ដែលមកចរចានៅវៀតណាមទាំងប៉ុន្មានទៅបាញ់ចោលទាំងអស់។ ប៉ុន្តែក្រោយមកទើបដឹងបន្ថែមថា មន្ត្រីប៉ុន្មាននាក់នោះមិនទាន់ស្លាប់ទេ ប៉ុន្តែត្រូវគេឃុំខ្លួន។ តាមពិតការបរាជ័យនោះមកពីជុងអ៊ុនទាំងអស់។ កាលពីឆ្នាំ ២០១៧ ជុងអ៊ុនវក់បាញ់មីស៊ីល ដែលបង្កឲ្យមានការព្រួយបារម្ភយ៉ាងខ្លាំងពីសំណាក់សមញព័ន្ធមិត្តអាមេរិក។ ប៉ុន្តែបានតែមួយឆាវ កូរ៉េខាងជើងបាក់ស្បាត ដោយសារតែសមយុទ្ធទ័ពអាមេរិក និងគ្រឿងសព្វាវុធអាមេរិកជាច្រើនត្រូវបានបញ្ជូនទៅកាន់កូរ៉េខាងត្បូង ដើម្បីអូស ក ជុងអ៊ុនឲ្យចូលតុចរចា។ នៅទីបំផុត គីម ជុងអ៊ុនបានចុះញ៉ម បាក់ស្បាត និងបានចូលតុចរចាដោយខ្លាចការប្រើជម្រើសយោធារបស់សហរដ្ឋអាមេរិក៕
Home Uncategorized អ្នកវិភាគ៖ កូរ៉េខាងជើងកំពុងធ្វើសកម្មភាពរោងចក្រចម្រាញ់សារធាតុអ៊ុយរ៉ានីញ៉ូម