តាកែវ៖ លោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ បានដឹកនាំគណប្រតិភូ ចុះជួបសំណេះសំណាល និងនាំយកអាវភ្លៀងដែលអំណោយ ដ៏ថ្លៃថ្លារបស់ សម្ដេចអគ្គមហា សេនា បតីតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្ដេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ជូនដល់ កងកំម្លាំងនគរបាលវរៈការពារព្រំដែនគោក ៦០៣ នារសៀលថ្ងៃទី ០៣ ខែឧសភា ឆ្នាំ២០១៩។
មានប្រសាសន៍នាឱកាសនោះដែរ ឯកឧត្តម ឧត្តមសេនីយ៏ទោ សុខ សំណាង បានក្រើន រំលឹក និង ជម្រុញ ដល់មេបញ្ជាការវរៈការពារព្រំដែន និងកងកំលាំងទាំងអស់ ត្រូវពង្រឹងលើការគោរពវិន័យ នឹងស្តាប់នូវទបញ្ជារបស់ថ្នាក់ដឹកនាំ លើកិច្ចការសហប្រតិបត្តិការជាមួយនិងភាគីមិត្ត ដែលជាប្រទេស ជិតខាងលើការងារបោះបង្គោលព្រំដែន ជាពិសេសកងកំលាំងការពារវរៈព្រំដែន ៦០៣នេះ ត្រូវតែ បង្កើនស្មារតីទទួលខុសត្រូវខ្ពស់ លើការការពារបូរណៈភាពទឹកដី ជាពិសេសត្រូវតែមានការបែងចែកវេនប្រចាំបញ្ជា ២៤ម៉ោងលើ ២៤ម៉ោង ដើម្បីត្រៀមជានិច្ច លើកិច្ចការការពារសុវត្តិភាព ភូមិឃុំ ជូនដល់ប្រជាពលរដ្ឋនៅតាមខ្សែបន្ទាត់ព្រំដែន៕ដោយបងខន
