ភ្នំ ពេញ ៖ ភ្លៀងនឹងបន្តធ្លាក់រាយប៉ាយច្រើនក្នុងកម្រិតក្របខ័ណ្ឌទូទាំងប្រទេស ខណៈនៅលើផ្ទៃសមុទ្រផ្ទៃមេឃមានពពកមីរដេរដាស់លាយឡំភ្លៀង ខ្យល់បោកបក់ខ្លាំង និងទឹករលកមានកម្ពស់ខ្ពស់ ។ ឯបាតុភូផ្គររន្ទះ ខ្យល់កន្ត្រាក់នៅតែបន្តកើតមាន ។
នេះបើតាមសេចក្តីជូនដំណឹងរបស់ក្រសួងធនធានទឹក និងឧតុនិយមចុះថ្ងៃទី១១ ខែមិថុនា ឆ្នាំ២០១៩បញ្ជាក់ថា ជ្រលងសម្ពាធទាបនៅតែអូសបន្លាយមកលើកម្ពុជា ខណៈខ្យល់មូសុងនីរតីបង្កើនឥទ្ធិពលមកលើតំបន់មាត់សមុទ្រ ។
យោងតាមសេចក្តីជូនដំណឹងរបស់ក្រសួងធនធានទឹកបញ្ជាក់ដូចខាងក្រោមនេះថា៖
-ចាប់ពីថ្ងៃទី ១២ ដល់ថ្ងៃទី ១៨ ខែមិថុនា ភ្លៀងនៅបន្តធ្លាក់រាយប៉ាយបានច្រើន ក្នុងក្របខណ្ឌទូទាំងប្រទេស ។
-បណ្ដាខេត្តនៅតំបន់មាត់សមុទ្រ តំបន់ទំនាបកណ្ដាលភាគខាងកើតជាប់ប្រទេសវៀតណាមភ្លៀងធ្លាក់ក្នុងបរិមាណពីមធ្យមទៅបង្គួរ ដោយកើនឡើងជាលំដាប់ ។ ទន្ទឹមនោះកន្លែងខ្លះអាចមានបរិមាណច្រើន ។
