កាលពីយប់ម៉ោង៩ និង ៣០នាទីម្សិលមិញនេះមាន ករណី ជន មិនស្គាល់មុខបានលួចយករថយន្ត មួយគ្រឿង ម៉ាក ហាយឡែនឌឺ ពណ៌ទឹកប្រាក់ ពាក់ស្លាកលេខ ភ្នំពេញ 2S-4126 ខណៈពេលដែលម្ចាស់រថយន្តបានចុះទៅទិញប្រហិតនៅផ្លូវ១៤៣ សង្កាត់អូឡាំពិត ខណ្ឌ ចំការមន រាជធានីភ្នំពេញ ដោយនៅក្នុងរថយន្តខាងលើនោះ មានក្មេងចំនួន ២នាក់ត្រូវបានជនខាងលើនោះនាំទៅជាមួយផងដែរ ។
ជុំវិញបញ្ហានេះ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានបញ្ជាកម្លាំងនគរបាលបើកការស្រាវជ្រាវភ្លាមៗម្តាយបន្ទាប់ពីដឹងថា បាត់រថយន្តដែលមានកូននៅក្នុងនោះបានរត់ទៅដាក់ពាក្យបណ្តឹង ហើយសមត្ថកិច្ចបានរាយការណ៍ទៅស្នងការរាជធានីភ្នំពេញ ទើបលោក ស្នងការបញ្ជាឲ្យកម្លាំងចេញទាំង១២ ខណ្ឌ ជួយរក និងឃាត់រថយន្តដែលមានភិនភាគខាងលើ លុះបានប៉ុន្មានរថយន្តដែលមានភិនភាគខាងលើត្រូវបានគេឃើញបើកបរនៅលើផ្លូវ២៧១ ជិតរង្វង់មូលក្បាលថ្នល់ ហើយសមត្ថកិច្ចដេញចាប់តែក្រុមចោរបានបើកទ្វាររថយន្តចុះរត់គេចខ្លួនបាត់ស្រមោលបន្សល់ទុកតែរថយន្តនិងកូនក្មេងទាំងពីរតូចតែប៉ុណ្ណោះ៕
ជុំវិញបញ្ហានេះ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានបញ្ជាកម្លាំងនគរបាលបើកការស្រាវជ្រាវភ្លាមៗម្តាយបន្ទាប់ពីដឹងថា បាត់រថយន្តដែលមានកូននៅក្នុងនោះបានរត់ទៅដាក់ពាក្យបណ្តឹង ហើយសមត្ថកិច្ចបានរាយការណ៍ទៅស្នងការរាជធានីភ្នំពេញ ទើបលោក ស្នងការបញ្ជាឲ្យកម្លាំងចេញទាំង១២ ខណ្ឌ ជួយរក និងឃាត់រថយន្តដែលមានភិនភាគខាងលើ លុះបានប៉ុន្មានរថយន្តដែលមានភិនភាគខាងលើត្រូវបានគេឃើញបើកបរនៅលើផ្លូវ២៧១ ជិតរង្វង់មូលក្បាលថ្នល់ ហើយសមត្ថកិច្ចដេញចាប់តែក្រុមចោរបានបើកទ្វាររថយន្តចុះរត់គេចខ្លួនបាត់ស្រមោលបន្សល់ទុកតែរថយន្តនិងកូនក្មេងទាំងពីរតូចតែប៉ុណ្ណោះ៕
