ព្រឹត្តការណ៍ Great British Skinny-dip(GBSD) ត្រូវបានរៀបចំឡើងដើម្បីលើកកម្ពស់សិទ្ធិហែលទឹកបែបធម្មជាតិដោយមិនស្លៀកពាក់អ្វីទាំងអស់ និងដើម្បីធ្វើជាថ្នាំបន្សាបជំងឺស្ត្រេស។
ក្រុមអ្នករៀបចំព្រឹត្តការណ៍នេះ បាននិយាយថា គោលដៅសំខាន់នៃព្រឹត្តការណ៍ GBSD គឺចង់ស្វែងរកភាពសប្បាយរីករាយពិតប្រាកដ ដើម្បីយល់ដឹងពីឥរិយាបថសង្គមបច្ចប្បន្នបែបណាមកលើរាងកាយមនុស្ស ដែលធ្វើឲ្យមនុស្សគ្មានសុខភាពល្អ។
លោក Andrew Welch គឺជាអ្នកនាំពាក្យព្រឹត្តការណ៍មួយនេះ បាននិយាយថា “អ្នករាល់គ្នាពេលដោះសម្លៀកបំពាក់ពួកគេចេញទាំងអស់ ដឹងច្បាស់ថាមានអត្ថប្រយោជន៍ច្រើនបែបណា ក្នុងនោះរួមទាំងការរស់នៅល្អប្រសើរជាងមុន កាត់បន្ថយជំងឺស្ត្រេស និងធ្វើឲ្យទំនុកចិត្តរាងកាយកើនឡើងជាងមុន។ លោកបន្តថា វាក៏ជាសេរីភាព និងមានសេចក្តីសុខច្រើនជាទីបំផុត។
លោក Andrew បានបញ្ជាក់ថា មនុស្សរាប់លាននាក់នៅលើពិភពលោក បានរកឃើញនូវថ្នាំបន្សាប់ដ៏សាមញ្ញមួយនេះ ដើម្បីបំបាត់ជំងឺស្ត្រេសរបស់មនុស្សសម័យទំនើប ហើយយើងចង់ជំរុញលើកទឹកចិត្តមនុស្សជាច្រើនទៀត ឲ្យដកពិសោធន៍ជីវិតបែបធម្មជាតិមួយនេះ។
លោក Andrewបាននិយាយប្រាប់កាសែតអនឡាញ Daily Star ថា “សារដ៏សំខាន់បំផុតគឺការស្រាត ល្អខ្លាំងណាស់សម្រាប់អ្នករាល់គ្នា សម្រាប់សុខភាព និងជួយច្រើនដល់រូបភាពរាងកាយអវិជ្ជមានរបស់លោកថែមទៀតផង”។
លោកនិយាយថា បើសិនជាអ្នកដោះសម្លៀកបំពាក់ចេញ ដើម្បីអបអរមនុស្សលោក ដើម្បីធ្វើអ្វីមួយដែលរីករាយខ្លាំងបំផុត ហើយនិងមានអារម្មណ៍ថា រាងកាយរបស់អ្នកត្រូវខ្យល់រំភើយ ហើយទឹកគ្របដណ្តប់លើស្បែករបស់អ្នក ដល់ពេលនោះ គឺវាគ្មានបញ្ហាអ្វីទៀតទេសម្រាប់លោកអ្នក។
ខណៈនោះដែរ ក្រុមរៀបចំព្រឹត្តការណ៍បរិស្ថាននេះ បានលើកឡើងផងដែរថា ការឡើងកម្តៅរបស់ផែនដីដែលនឹងធ្វើឲ្យសីតុណ្ហភាពកាន់តែឡើងកម្តៅខ្លាំងឡើងៗពី១ថ្ងៃទៅ១ថ្ងៃនោះ ធ្វើឲ្យការស្រាត ក្លាយជាជម្រើសដ៏ល្អប្រសើរមួយ ក្នុងការរួមចំណែកទប់ស្កាត់បម្រែបម្រួលអាកាសធាតុ៕
Home ព្រឹត្តិការណ៍ថ្មីៗ ពលរដ្ឋអង់គ្លេសស្ម័គ្រចិត្តស្រាតហែលទឹកលើកោះធម្មជាតិដើម្បីធ្វើជាថ្នាំបន្សាបជំងឺស្ត្រេស