លោកស្រីវេជ្ជបណ្ឌិត Marianne Brandon គឺជាគ្រូពេទ្យចិត្តសាស្ត្រ និងគ្រូពេទ្យព្យាបាលបញ្ហាផ្លូវភេទ បាននិយាយថា មនុស្សយន្តសិច នៅថ្ងៃណាមួយនាពេលខាងមុខនេះ នឹងចេញវេជ្ជបញ្ជាដល់អ្នកជំងឺដែលមានបញ្ហាផ្លូវភេទជាមួយដៃគូ ដោយសារតែការមិនចុះសម្រុងគ្នានោះ។
ថ្លែងនៅឯសន្និសីទកាសែតស្តីបញ្ហាផ្លូវចិត្តរបស់អង្គការ Applied Evolutionary Psychology Society កាលពីថ្ងៃទី៤ ខែមិថុនាកន្លងទៅ លោកស្រីវេជ្ជបណ្ឌិត Brandon បានព្យាករណ៍ពីជំនាន់ក្រោយនៃមនុស្សយន្តសិច ថានឹងកើតមានឡើងក្នុងរយៈពេល១ទសវត្សរ៍ទៀតនេះ ដែលវានឹងអាចដោះស្រាយបញ្ហាលើគ្រែរបស់លោកអ្នក ក្នុងកម្រិតមួយដែលមិនអាចនឹកស្មានដល់។
វាមិនដូចគ្នានឹងតុក្កតាសិចដែលបច្ចុប្បន្នវាត្រូវបានលក់យ៉ាងព្រោងព្រាត ជាពិសេសនៅក្នុងប្រទេសជប៉ុន និងបណ្តាប្រទេសជាច្រើនទៀតនៅអឺរ៉ុបនោះទេ មនុស្សយន្តសិចជំនាន់ក្រោយទាំងអស់នេះ ចេះដើរ ចេះនិយាយ និងអាចផ្តល់សេចក្តីសុខស្រួលបំផុតដល់លោកអ្នក ស្ទើរគ្រប់រស់ជាតិទាំងអស់នៅលើគ្រែ។
លោកស្រី បានធ្វើការសង្កត់ធ្ងន់ថា ថ្វីត្បិតែវាប្រៀបនឹងស្រីពេស្យាចារពិតមែន តែមនុស្សយន្តសិច នឹងពេញនិយមខ្លាំងនៅក្នុងចំណោមបុរស ហើយវាគឺជាហេតុផលមួយដែលសភាសហរដ្ឋអាមេរិកត្រៀមខ្លួនរួចរាល់ក្នុងការយល់ព្រមលើច្បាប់អនុញ្ញាតឲ្យក្រុមគ្រូពេទ្យចេញវេជ្ជបញ្ជាផ្តល់មនុស្សយន្តសិចទាំងអស់នេះ ដល់អ្នកជំងឺ។
លោកស្រីនិយាយថា នៅពេលដែលការធានារ៉ាប់រងសុខភាពរបស់ពួកគេ ត្រូវចំណាយលើមនុស្សយន្តសិចហើយនោះ មនុស្សប្រុសនៅទូទាំងសហរដ្ឋអាមេរិក ច្បាស់ណាស់ថា ចង់ដាក់ពាក្យទិញការធានារ៉ាប់រងទាំងនេះ។
ប្រសិនបើដៃគូលើគ្រែរបស់ពួកគេមួយនេះ ដែលល្អឥតខ្ចោះ ទាក់ទាញខ្លាំង ចេះបត់បែនតាមកាលៈទេសៈ ហើយនិងមិនចេះត្អូញត្អែ ត្រូវបានធ្វើចរាចរណ៍នៅលើទីផ្សារហើយនោះ មនុស្សស្រីពិតប្រាកដ នឹងភ័យខ្លួនរឿងខ្វះដៃគូលើគ្រែ។
លោកស្រីវេជ្ជបណ្ឌិត Brandon បានបញ្ជាក់ទៀតថា ដល់ពេលនោះ បរិមាណនៃទំនាក់ទំនងពិតប្រាកដរបស់មនុស្សនឹងធ្លាក់ចុះ ហើយបុរសៗនឹងលែងចង់បានប្រពន្ធ ឬមិត្តស្រី ទៀតហើយ ពីព្រោះដោយសារតែពួកគេមិនចង់មានបញ្ហាច្រើន។
ជាងនេះទៅទៀត បុរសលើលោក នឹងបោះបង់ចោលស្ត្រីទាំងអស់តែម្តង ដោយសុខចិត្តងាកមកចំណាយពេលជាមួយដៃគូដ៏សុខស្រួលរបស់ពួកគេ គឺជាដៃគូមួយដែលមិនចេះចាស់ មិនចេះបដិសេធន៍ មិនចេះត្អូញត្អែរឿងរួមភេទ ហើយនិងមិនចេះធ្វើឲ្យឈឺក្បាលទៀត៕
Home ព្រឹត្តិការណ៍ថ្មីៗ អ្នកវិទ្យាសាស្ត្រ៖ ការផលិតមនុស្សយន្តសិច ដើម្បីប្រការពេលអ្នកជំងឺដែលមានបញ្ហាផ្លូវភេទជាមួយដៃគូ និងការមិនចុះសម្រុងគ្នា