សហរដ្ឋអាមេរិក បានឯកភាពឲ្យមានការវាយប្រហារតាមច្រកអាកាសមកលើគោលដៅជាច្រើនរបស់អ៊ីរ៉ង់ ដើម្បីសងសឹកនឹងការបាញ់ទម្លាក់ដ្រូនយោធាសហរដ្ឋអាមេរិករបស់ទីក្រុងតេអេរ៉ង់ ប៉ុន្តែការសម្រេចចិត្តផ្អាកវិញ ត្រូវបានធ្វើឡើងភ្លាមៗ ក្រោយលោកប្រធានាធិបតីដូណាល់ ត្រាំ ជួបជាមួយក្រុមមេដឹកនាំសភា បើពុំដូច្នោះទេ ច្បាស់ណាស់ថា សង្គ្រាមទ្រង់ទ្រាយធំរវាងអាមេរិក និងអ៊ីរ៉ង់នឹងផ្ទុះឡើងជាក់ជាពុំខាននោះទេ។
សារព័ត៌មានអាមេរិកជាច្រើន បានរាយការណ៍នៅថ្ងៃសុក្រនេះថា លោកត្រាំ បានយល់ព្រមឲ្យមានការវាយប្រហារតាមច្រកអាកាសមកលើគោលដៅអ៊ីរ៉ង់ ហើយបន្ទាប់មកក៏លប់ចោលវិញភ្លាមៗ។
ប្រតិបត្តិការយោធាដែលណែនាំដោយមន្ទីរបច្ចកោណនេះដែរ ត្រូវបានគេជឿថា ដើម្បីឆ្លើយតបនឹងការបាញ់ទម្លាក់ដ្រូនឈ្លបកាណ៍រយៈកម្ពស់ខ្ពស់របស់សហរដ្ឋអាមេរិក ដោយអ៊ីរ៉ង់ នៅលើច្រកសមុទ្រហ័រមូស។
កាលពីព្រឹកថ្ងៃសុក្រនេះ លោកត្រាំក៏បានសម្រេចចិត្តមិនប្រកាសឲ្យដឹងពីវិធីដែលសហរដ្ឋអាមេរិកត្រូវឆ្លើយតបចំពោះការបាញ់ទម្លាក់ដ្រូនរបស់ខ្លួន តែផ្ទុយទៅវិញ លោកបាននិយាយប្រាប់ក្រុមអ្នកសារព័ត៌មានថា “អ្នកនឹងដឹង”។
យន្តហោះសហរដ្ឋអាមេរិកត្រូវបានគេរាយការណ៍ថានៅលើដែនអាកាស ហើយនាវាចម្បាំងក៏ស្ថិតនៅគោលដៅរបស់ពួកគេ ប៉ុន្តែមិនដឹងជាហេតុផលអ្វីនោះទេទេ បានជាគ្មានមីស៊ីលណាមួយបាញ់ចេញទៅវិញ។ យោងតាមមន្ត្រីមួយរូប បានឲ្យដឹងថា គោលដៅនៃការវាយប្រហារតាមច្រកអាកាសនោះ រួមទាំងប្រព័ន្ធចាប់រ៉ាដា និងជើងទម្របាញ់មីស៊ីលរបស់អ៊ីរ៉ង់។
អ៊ីរ៉ង់ បាននិយាយនៅថ្ងៃសុក្រនេះថា ពួកគេមានភស្តុតាងឥតជម្លោះថា ដ្រូនឈ្លបការណ៍សហរដ្ឋអាមេរិក ដែលអ៊ីរ៉ង់បាញ់ទម្លាក់ និងមានតម្លៃប្រហែល១៣០លានដុល្លារនោះ បានបំពានលើដែនអាកាសរបស់ខ្លួន។
លោកអាប់បាស់អារ៉ាក់ឈី គឺជាអនុរដ្ឋមន្ត្រីការបរទេសអ៊ីរ៉ង់ បាននិយាយថា សូម្បីតែបំណែកមួយចំនួនរបស់ដ្រូនមួយគ្រឿងនេះ ត្រូវបានស្រង់ចេញពីដែនសមុទ្ររបស់អ៊ីរ៉ង់ដែរ។
ក្រសួងការបរទេសអ៊ីរ៉ង់ បានបន្តថា បណ្តឹងផ្លូវការមួយ ត្រូវបានដាក់ជូនក្រុមប្រឹក្សាសន្តិសុខអង្គការសហប្រជាជាតិរួចហើយ។
សូមបញ្ជាក់ថា ភាពតានតឹងរវាងអ៊ីរ៉ង់ និងសហរដ្ឋអាមរិក បានឡើងកម្តៅថ្មីកាលពីសប្តាហ៍មុន ក្រោយការបំផ្ទុះនាវាដឹកប្រេង២គ្រឿងនៅក្នុងតំបន់ឈូងសមុទ្រអូម៉ង់។
សេតវិមាន បានចោទប្រកាន់អ៊ីរ៉ង់ ថាបានជាប់ពាក់ព័ន្ធនឹងការវាយប្រហារនេះ ក្នុងនោះរដ្ឋមន្ត្រីការបរទេសសហរដ្ឋអាមេរិក លោកម៉ៃ ផមផ្យូ បានគំរាមប្រើវិធានការចាំបាច់ទាំងអស់ ដើម្បីការពារផលប្រយោជន៍របស់ពួកគេនៅក្នុងតំបន់៕អាមេរិក ឯកភាពវាយប្រហារអ៊ីរ៉ង់តែបែរជាប្រកាសផ្អាកវិញភ្លាមៗដោយគ្មានហេតុផលច្បាស់លាស់
សហរដ្ឋអាមេរិក បានឯកភាពឲ្យមានការវាយប្រហារតាមច្រកអាកាសមកលើគោលដៅជាច្រើនរបស់អ៊ីរ៉ង់ ដើម្បីសងសឹកនឹងការបាញ់ទម្លាក់ដ្រូនយោធាសហរដ្ឋអាមេរិករបស់ទីក្រុងតេអេរ៉ង់ ប៉ុន្តែការសម្រេចចិត្តផ្អាកវិញ ត្រូវបានធ្វើឡើងភ្លាមៗ ក្រោយលោកប្រធានាធិបតីដូណាល់ ត្រាំ ជួបជាមួយក្រុមមេដឹកនាំសភា បើពុំដូច្នោះទេ ច្បាស់ណាស់ថា សង្គ្រាមទ្រង់ទ្រាយធំរវាងអាមេរិក និងអ៊ីរ៉ង់នឹងផ្ទុះឡើងជាក់ជាពុំខាននោះទេ។
សារព័ត៌មានអាមេរិកជាច្រើន បានរាយការណ៍នៅថ្ងៃសុក្រនេះថា លោកត្រាំ បានយល់ព្រមឲ្យមានការវាយប្រហារតាមច្រកអាកាសមកលើគោលដៅអ៊ីរ៉ង់ ហើយបន្ទាប់មកក៏លប់ចោលវិញភ្លាមៗ។
ប្រតិបត្តិការយោធាដែលណែនាំដោយមន្ទីរបច្ចកោណនេះដែរ ត្រូវបានគេជឿថា ដើម្បីឆ្លើយតបនឹងការបាញ់ទម្លាក់ដ្រូនឈ្លបកាណ៍រយៈកម្ពស់ខ្ពស់របស់សហរដ្ឋអាមេរិក ដោយអ៊ីរ៉ង់ នៅលើច្រកសមុទ្រហ័រមូស។
កាលពីព្រឹកថ្ងៃសុក្រនេះ លោកត្រាំក៏បានសម្រេចចិត្តមិនប្រកាសឲ្យដឹងពីវិធីដែលសហរដ្ឋអាមេរិកត្រូវឆ្លើយតបចំពោះការបាញ់ទម្លាក់ដ្រូនរបស់ខ្លួន តែផ្ទុយទៅវិញ លោកបាននិយាយប្រាប់ក្រុមអ្នកសារព័ត៌មានថា “អ្នកនឹងដឹង”។
យន្តហោះសហរដ្ឋអាមេរិកត្រូវបានគេរាយការណ៍ថានៅលើដែនអាកាស ហើយនាវាចម្បាំងក៏ស្ថិតនៅគោលដៅរបស់ពួកគេ ប៉ុន្តែមិនដឹងជាហេតុផលអ្វីនោះទេទេ បានជាគ្មានមីស៊ីលណាមួយបាញ់ចេញទៅវិញ។ យោងតាមមន្ត្រីមួយរូប បានឲ្យដឹងថា គោលដៅនៃការវាយប្រហារតាមច្រកអាកាសនោះ រួមទាំងប្រព័ន្ធចាប់រ៉ាដា និងជើងទម្របាញ់មីស៊ីលរបស់អ៊ីរ៉ង់។
អ៊ីរ៉ង់ បាននិយាយនៅថ្ងៃសុក្រនេះថា ពួកគេមានភស្តុតាងឥតជម្លោះថា ដ្រូនឈ្លបការណ៍សហរដ្ឋអាមេរិក ដែលអ៊ីរ៉ង់បាញ់ទម្លាក់ និងមានតម្លៃប្រហែល១៣០លានដុល្លារនោះ បានបំពានលើដែនអាកាសរបស់ខ្លួន។
លោកអាប់បាស់អារ៉ាក់ឈី គឺជាអនុរដ្ឋមន្ត្រីការបរទេសអ៊ីរ៉ង់ បាននិយាយថា សូម្បីតែបំណែកមួយចំនួនរបស់ដ្រូនមួយគ្រឿងនេះ ត្រូវបានស្រង់ចេញពីដែនសមុទ្ររបស់អ៊ីរ៉ង់ដែរ។
ក្រសួងការបរទេសអ៊ីរ៉ង់ បានបន្តថា បណ្តឹងផ្លូវការមួយ ត្រូវបានដាក់ជូនក្រុមប្រឹក្សាសន្តិសុខអង្គការសហប្រជាជាតិរួចហើយ។
សូមបញ្ជាក់ថា ភាពតានតឹងរវាងអ៊ីរ៉ង់ និងសហរដ្ឋអាមរិក បានឡើងកម្តៅថ្មីកាលពីសប្តាហ៍មុន ក្រោយការបំផ្ទុះនាវាដឹកប្រេង២គ្រឿងនៅក្នុងតំបន់ឈូងសមុទ្រអូម៉ង់។
សេតវិមាន បានចោទប្រកាន់អ៊ីរ៉ង់ ថាបានជាប់ពាក់ព័ន្ធនឹងការវាយប្រហារនេះ ក្នុងនោះរដ្ឋមន្ត្រីការបរទេសសហរដ្ឋអាមេរិក លោកម៉ៃ ផមផ្យូ បានគំរាមប្រើវិធានការចាំបាច់ទាំងអស់ ដើម្បីការពារផលប្រយោជន៍របស់ពួកគេនៅក្នុងតំបន់៕
