ម្ចាសបទចម្រៀង “Gangnam Style” លោក PSY ត្រូវបានក្រុមនគរបាលកូរ៉េខាងត្បូងកោះហៅទៅសួរចម្លើយ ពាក់ព័ន្ធនឹងការចោទប្រកាន់ពីសេវាកម្មពេស្យាចារ បង្កើតឡើងដោយស្ថាបនិកបង្កើតក្រុមហ៊ុនផលិតកម្ម YG Entertainment លោកYang Hyun Suk។
កាលពីថ្ងៃទី២៣ ខែមិថុនា មុននេះ ក្រុមនគរបាលបានបញ្ជាក់ថា ពួកគេបានកោះហៅលោក PSY ដើម្បីសួរចម្លើយ ពាក់ព័ន្ធនឹងការចោទប្រកាន់ថា លោក Yang Hyun Suk បានផ្តល់សេវាកម្មពេស្យាចារដល់អ្នកជំនួញម៉ាឡេស៊ី Jho Low ។
លោក PSY ត្រូវបានគេសួរចម្លើយរហូតដល់ម៉ោង៣ និង៣០នាទីព្រឹកទាបភ្លឺ កាលពីថ្ងៃទី១៧ ខែមិថុនាកន្លងទៅ។
កាលពីខែឧសភាកន្លងទៅ ទូរទស្សន៍ MBC បានរាយការណ៍ថា ករណីចោទប្រកាន់ថា លោក Yang Hyun Suk បានផ្តល់សេវាកម្មផ្លូវភេទដល់វិនិយោគិនអាស៊ីអាគ្នេយ៍២នាក់ កាលពីខែកក្កដា ឆ្នាំ២០១៤។ នៅក្នុងចំណោមអ្នកទាំង២នោះ គឺជាអ្នកជំនួញមកពីម៉ាឡេស៊ី គឺលោក Jho Low ។
សេចក្តីរាយការណ៍នោះ បានចោទប្រកាន់ទៀតថា លោក Yang Hyun Suk បានអញ្ជើញនារីស្អាតៗចំនួន២៥នាក់ ឲ្យចូលរួមកម្មវិធីទទួលទានអាហារពេលល្ងាច ក្នុងនោះនារី១០នាក់ ត្រូវបាននាំយកទៅដោយស្ត្រីម្នាក់ ឈ្មោះ Madam Jung ។
លោកស្រី Madam Jung ត្រូវបានក្រុមនគរបាលកោះហៅមកសួរចម្លើយផងដែរកាលពីថ្ងៃទី១៨ ខែមិថុនាកន្លងទៅ ហើយលោកស្រី បានបញ្ជាក់ថា ថ្វីត្បិតតែការពិតថាស្ត្រីទាំងអស់នោះ បានចូលរួមពិធីទទួលទានអាហារពេលល្ងាចនៅពេលនោះក៏ដោយ ក៏គ្មានសេវាកម្មពេស្យាចារកើតឡើងនោះដែរ។
ពាក់ព័ន្ធនឹងការសួរចម្លើយនេះដែរ លោក PSYបានសរសេរតាម Instagramផ្ទាល់ខ្លួនរបស់លោកថា “ពេលដែលលោក Jho Low និងក្រុមការងាររបស់គាត់ បានបំពេញទស្សនកិច្ចនៅកូរ៉េខាងត្បូង លោក Yang Hyun Suk និងខ្ញុំ ត្រូវបានគេអញ្ជើញឲ្យទៅទទួលទានអាហារពេលល្ងាច។ ក្រោយពីការទទួលអាហារ និងផឹកស៊ីចប់ជាមួយអ្នកដ៏ទៃទៀតដែលបានចូលរួមកម្មវិធីនោះដែរ លោក Yang Hyun Suk និងខ្ញុំ បានចេញទៅមុន”។ ហេតុដូច្នេះហើយ លោកមិនដឹងរឿងរ៉ាវដែលបានកើតឡើងនោះទេ៕ម្ចាស់បទ Gangnam Style លោក PSY ត្រូវបានក្រុមនគរបាលកូរ៉េខាងត្បូងកោះហៅទៅសួរចម្លើយពាក់ព័ន្ធនឹងសេវាកម្មពេស្យាចារ
ម្ចាសបទចម្រៀង “Gangnam Style” លោក PSY ត្រូវបានក្រុមនគរបាលកូរ៉េខាងត្បូងកោះហៅទៅសួរចម្លើយ ពាក់ព័ន្ធនឹងការចោទប្រកាន់ពីសេវាកម្មពេស្យាចារ បង្កើតឡើងដោយស្ថាបនិកបង្កើតក្រុមហ៊ុនផលិតកម្ម YG Entertainment លោកYang Hyun Suk។
កាលពីថ្ងៃទី២៣ ខែមិថុនា មុននេះ ក្រុមនគរបាលបានបញ្ជាក់ថា ពួកគេបានកោះហៅលោក PSY ដើម្បីសួរចម្លើយ ពាក់ព័ន្ធនឹងការចោទប្រកាន់ថា លោក Yang Hyun Suk បានផ្តល់សេវាកម្មពេស្យាចារដល់អ្នកជំនួញម៉ាឡេស៊ី Jho Low ។
លោក PSY ត្រូវបានគេសួរចម្លើយរហូតដល់ម៉ោង៣ និង៣០នាទីព្រឹកទាបភ្លឺ កាលពីថ្ងៃទី១៧ ខែមិថុនាកន្លងទៅ។
កាលពីខែឧសភាកន្លងទៅ ទូរទស្សន៍ MBC បានរាយការណ៍ថា ករណីចោទប្រកាន់ថា លោក Yang Hyun Suk បានផ្តល់សេវាកម្មផ្លូវភេទដល់វិនិយោគិនអាស៊ីអាគ្នេយ៍២នាក់ កាលពីខែកក្កដា ឆ្នាំ២០១៤។ នៅក្នុងចំណោមអ្នកទាំង២នោះ គឺជាអ្នកជំនួញមកពីម៉ាឡេស៊ី គឺលោក Jho Low ។
សេចក្តីរាយការណ៍នោះ បានចោទប្រកាន់ទៀតថា លោក Yang Hyun Suk បានអញ្ជើញនារីស្អាតៗចំនួន២៥នាក់ ឲ្យចូលរួមកម្មវិធីទទួលទានអាហារពេលល្ងាច ក្នុងនោះនារី១០នាក់ ត្រូវបាននាំយកទៅដោយស្ត្រីម្នាក់ ឈ្មោះ Madam Jung ។
លោកស្រី Madam Jung ត្រូវបានក្រុមនគរបាលកោះហៅមកសួរចម្លើយផងដែរកាលពីថ្ងៃទី១៨ ខែមិថុនាកន្លងទៅ ហើយលោកស្រី បានបញ្ជាក់ថា ថ្វីត្បិតតែការពិតថាស្ត្រីទាំងអស់នោះ បានចូលរួមពិធីទទួលទានអាហារពេលល្ងាចនៅពេលនោះក៏ដោយ ក៏គ្មានសេវាកម្មពេស្យាចារកើតឡើងនោះដែរ។
ពាក់ព័ន្ធនឹងការសួរចម្លើយនេះដែរ លោក PSYបានសរសេរតាម Instagramផ្ទាល់ខ្លួនរបស់លោកថា “ពេលដែលលោក Jho Low និងក្រុមការងាររបស់គាត់ បានបំពេញទស្សនកិច្ចនៅកូរ៉េខាងត្បូង លោក Yang Hyun Suk និងខ្ញុំ ត្រូវបានគេអញ្ជើញឲ្យទៅទទួលទានអាហារពេលល្ងាច។ ក្រោយពីការទទួលអាហារ និងផឹកស៊ីចប់ជាមួយអ្នកដ៏ទៃទៀតដែលបានចូលរួមកម្មវិធីនោះដែរ លោក Yang Hyun Suk និងខ្ញុំ បានចេញទៅមុន”។ ហេតុដូច្នេះហើយ លោកមិនដឹងរឿងរ៉ាវដែលបានកើតឡើងនោះទេ៕
