ការសិក្សាស្រាវជ្រាវថ្មីរបស់ក្រុមអ្នកវិទ្យាសាស្ត្រ បានរកឃើញថា វីរុសនៅក្នុងមហាសមុទ្រ មានច្រើនជាងការគិតទៅទៀត។
ថ្វីត្បិតតែការពិតថា មហាសមុទ្រនៅលើពិភពលោកយើងនេះ មានវីរុសរាប់ពាន់លានប្រភេទយ៉ាងណាក្តី ក៏ក្រុមអ្នកវិទ្យាសាស្ត្រ នៅតែមិនអាចផ្តល់អត្តសញ្ញាណជិត៩០ភាគរយនៅក្នុងចំណោមវីរុសទាំងនេះ។
ការសិក្សាថ្មីមួយធ្វើឡើងដោយក្រុមអ្នកវិទ្យាសាស្ត្រនៅសាកលវិទ្យាស័យរដ្ឋអូហាយយ៉ូ បានកំណត់ថា ការពិតណាស់ថា មាននូវ១២ដងនៃវីរុសក្នុងមហាសមុទ្រច្រើនជាងការជឿជាក់កាលពីមុន ពោលគឺយ៉ាងហោចណាស់២សែនវីរុសក្នុងចំណោមពួកវាមាននៅក្នុងជម្រៅទឹក៤ពាន់ម៉ែត្រពីក្រោមផ្ទៃទឺកសមុទ្រ។
ការស្រាវជ្រាវនេះ ជាប់ពាក់ព័ន្ធនឹងការបញ្ចូលនូវផែនទីមួយនៃវីរុសសមុទ្រ ដោយផ្អែកលើគំរូពីទីតាំង៨០កន្លែងនៅជុំវិញពិភពលោក។ ប្រភេទវីរុសនិមួយ ត្រូវបានគេដាក់ចូលទៅក្នុងក្រុម១ក្នុងចំណោម៥ក្រុមដាច់ដោយឡែកពីគ្នា។
លោក Ann Gregory គឺជាអ្នកស្រាវជ្រាវមួយរូប បាននិយាយថា ពេលដែលយើងពិនិត្យហ្សែនរបស់វីរុសនៅក្នុងក្រុមនិមួយៗ យើងបានរកឃើញភស្តុតាងពីការបន្សាំហ្សែននៅតាមតំបន់តំបន់ផ្សេងៗនៃមហាសមុទ្រ។
ទោះបីជាយ៉ាងណាក៏ដោយ ក្រុមអ្នកហែលទឹក មិនត្រូវបានគេប្រកាសអាសន្នខ្លាំងនោះទេពីផលប៉ះពាល់ ដោយសារតែភាគច្រើននៃវីរុសទាំងនេះ មិនប៉ះពាល់ដល់មនុស្សលោកនោះទេ ថ្វីត្បិតតែមាននូវចំនួនដ៏ច្រើននៃពួកវា អាចប៉ះពាល់ដល់ជីវិតសត្វសមុទ្រជាច្រើនប្រភេទក៏ដោយ។
តាមរយៈការសិក្សាលើវីរុសទាំងនេះ ក្រុមអ្នកវិទ្យាសាស្ត្រ សង្ឃឹមថានឹងដឹងកាន់តែច្បាស់ពីផលប៉ះពាល់របស់ពួកគេច្រើនបែបណាដល់សុខភាព និងមុខងារមហាសមុទ្រ ក៏ដូចជាឥទ្ធិពលរបស់ពួកគេមកលើមីក្រុបសមុទ្រជាច្រើនប្រភេទទៀត ដូចជាបាក់តេរី និងពពួកផ្សិតជាដើម៕
Home ព្រឹត្តិការណ៍ថ្មីៗ ការសិក្សាស្រាវជ្រាវថ្មីបានរកឃើញវីរុសជាង២សែនប្រភេទមាននៅក្នុងមហាសមុទ្រ