ក្រុមវត្ថុបុរាណវិទូ បានរកឃើញឆ្អឹងហ្វូស៊ីលសត្វត្មាតយក្សទម្ងន់១២គ.កនៅភាគខាងត្បូងទីក្រុង San Pedro ប្រទេសអាហ្សង់ទីន។
សត្វបក្សីដ៏ធំនេះ ដែលត្រូវបានរកឃើញដោយក្រុមស្រាវជ្រាវមកពីសារមន្ទីរ Palaeontological Museum of San Pedro មានស្លាបប្រវែងកន្លះម៉ែត្រ ធំជាងសត្វត្មាតបច្ចុប្បន្ន ដែលស្ថិតនៅក្នុងចំណោមបក្សីធំជាងគេបំផុតនៅលើពិភពលោក។
លោកវេជ្ជបណ្ឌិត Federico Agnolin មកពីសារមន្ទីរ Argentine Museum of Natural Sciences (MACN)បាននិយាយថា វាគឺជារកឃើញដ៏អស្ចារ្យមួយ ចាប់តាំងពីពួកគេបានកត់ត្រាលើពពួសត្វថ្មីនៃបក្សីយក្ស ដែលបានហោះពីលើទីក្រុង Buenos Aires នៅដំណាច់យុគសម័យទឹកកក។
លោកបាននិយាយថា ឆ្អឹងកំភូនលើ និងឆ្អឹងកំភួនក្រោមនៃស្លាបស្តាំ ត្រូវបានរកឃើញនេះ គឺមានទំហំជាងសត្វត្មាតបច្ចុប្បន្ន ហេតុដូច្នេះហើយ យើងអាចវាយតម្លៃបានថា ដងខ្លួនរបស់វានឹងមានមាឌធំជាងនេះ បើទោះបីជាការសិក្សា ទើបតែចាប់ផ្តើមក៏ដោយ។
ពពួកបក្សីយក្សថ្មីនេះ បានរស់រានកាលពីរយៈពេលប្រហែល១ម៉ឺនឆ្នាំមុន ជាមួយនឹងបក្សីយក្សជាច្រើនប្រភេទទៀត ។
លោកវេជ្ជបណ្ឌិត Agnolin បានបញ្ជាក់ថា ការរកឃើញនេះ បញ្ជាក់ថា ពពួកសត្វត្មាតផុតពូជមួយប្រភេទនេះ អាចនឹងមានច្រើនប្រភេទទៀតនៅពេលនោះ ហើយពួកវា បានរស់នៅតំបន់ Pampean ស្ថិតនៅភាគខាងជើង ប្រទេសអាហ្សង់ទីន និងនៅខេត្ត Cordoba ជាដើម៕
