ក្រសួងធនធានទឹក និងឧតុនិយម បានចេញសេចក្តីជូនដំណឹងពី ស្ថានភាពអាកាសធាតុ នៅកម្ពុជាចាប់ពីថ្ងៃនេះ ដល់ថ្ងៃទី១៥ ខែកក្កដា ឆ្នាំ២០១៩ ដោយបញ្ជាក់ថា កម្ពុជាកំពុងទទួលរងនូវឥទ្ធិពលជ្រលងសម្ពាធទាប ជាមួយនឹងរបបខ្យល់មូសុងនិរតីកម្រិតមធ្យម ដែលលក្ខណៈបែបនេះធ្វើឲ្យ៖
១. បណ្តាខេត្តនៅតំបន់មាត់សមុទ្រ មានជាអាទិ៍ ខេត្តកោះកុង និងខេត្តព្រះសីហនុ នឹងអាចមានភ្លៀងធ្លាក់ ក្នុងកម្រិតបរិមាណពីតិចទៅមធ្យម។
២. បណ្តាខេត្ត-ក្រុងនៅតំបន់វាលទំនាបភាគកណ្តាល ភាគខាងជើង និងភាគពាយព្យ នឹងអាចមានភ្លៀងពីតិចទៅបង្គួរ ក្នុងនោះ ភាគខ្លះមានភ្លៀងធ្លាក់ខ្លាំង។
៣. បណ្តាខេត្ត និងរាជធានី នៅតំបន់វាលទំនាបភាគខាងក្រោម និងខេត្តនៅភាគខាងកើត ជាប់នឹងប្រទេសវៀតណាម នឹងអាចមានភ្លៀងពីតិចទៅមធ្យម និងភាគខ្លះមានភ្លៀងធ្លាក់ខ្លាំង។
៤. បាតុភូត ផ្គរ រន្ទះ និងខ្យល់កន្ត្រាក់ នៅតែបន្តកើតមាន ជាពិសេសនៅតំបន់វាលទំនាប៕
Home ព្រឹត្តិការណ៍ថ្មីៗ នៅកម្ពុជាចាប់ពីថ្ងៃនេះ ដល់ថ្ងៃទី១៥ ខែកក្កដា ឆ្នាំ២០១៩ កំពុងទទួលរងនូវឥទ្ធិពលជ្រលងសម្ពាធទាប ងាយនឹងមានភ្លៀងធ្លាក់ច្រើន បាតុភូតផ្គរ រន្ទះ និងខ្យល់កន្ត្រាក់