ក្រសួងរៀបចំដែនដី នគរូបនីយកម្ម និងសំណង់ ស្នើឲ្យអភិបាលនៃគណៈអភិបាលរាជធានីខេត្ត ចាត់វិធានការតាមផ្លូវច្បាប់ចំពោះក្រុមហ៊ុនសាងសង់ដែលមិនមានវិញ្ញាបនបត្របញ្ជាក់ការអនុញ្ញាតឱ្យប្រកបអាជីវកម្មសាងសង់ចេញដោយក្រសួង និងចំពោះម្ចាស់សំណង់ដែលដំណើរការការដ្ឋានសាងសង់ ដោយមិនមានលិខិតអនុញ្ញាតចេញដោយអាជ្ញាធរមានសមត្ថកិច្ច។ នេះបើតាមលិខិតជូនដំណឹងរបស់លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នាថ្ងៃទី២៣ ខែកក្កដា ឆ្នាំ២០១៩។
ការស្នើនេះ រដ្ឋមន្ត្រីក្រសួងរៀបចំដែនដី ពន្យល់ថា ដើម្បីធានាគុណភាព សុវត្តិភាពសំណង់ ការពារទ្រព្យសម្បិត្តិ សុខុមាភាពរបស់ម្ចាស់សំណង់អ្នកប្រើប្រាស់សំណង់ និង សាធារណជន និង ធានាគណនេយ្យភាព ប្រសិទ្ធភាពក្នុងការប្រកបវិជ្ជាជីវៈ ក្នុងវិស័យសាងសង់នៅកម្ពុជា។
