…ស្រវឹងស្រាដើរទៅផ្ទះអត់រួច ប្រះខ្នងដេកភីងលើផ្លូវរថភ្លើងច្រើនតែបានទៅបរលោកហើយ បើដេកនៅកន្លែងស្ងាត់អត់មានមនុស្សម្នាឆ្លងកាត់បានក្រឡេកឃើញ។ចំណែកបុរសម្នាក់នេះចាត់ទុកសំណាងហើយមកដេកលើផ្លូវយ៉ារំភើយតែជីវិតអត់អីព្រោះមានអ្នកដំណើរឯទៀតមានចិត្តបុណ្យ!..។ ថ្មីៗនេះ បុរសម្នាក់នៅឯខេត្ត Guangdong ប្រទេសចិន បានយកភួយទៅដាក់ដេកកណ្ដាលផ្លូវ ព្រោះតែស្រវឹងខ្លាំងពេក។
យោងតាមវីដេអូដែលថតដោយកាមេរ៉ាសុវត្ថិភាពបានបង្ហាញឲ្យឃើញថា បុរសរូបនោះ បានដើរទៅកណ្ដាលផ្លូវដែលកំពុងមាន រថយន្ដធ្វើដំណើរឆ្លងកាត់ រួចក្រាលភួយដេក។ មិនយូរប៉ុន្មាន មាននារីម្នាក់ បានដាក់កង់របស់ខ្លួនបាំងផ្លូវ ដើម្បីការពារសុវត្ថិភាពបុរសនោះ និងទូរស័ព្ទទៅប្ដឹងប៉ូលិស។ ឃើញដូច្នេះ ក៏មានបុរសម្នាក់ទៀតដែលជាអ្នកដំណើរ បានដាក់កង់របស់ខ្លួនបាំងផ្លូវផងដែរ។ នៅពេលដែលក្រុមប៉ូលិសចុះទៅដល់ទីតាំងផ្ទាល់ និងព្យាយាមដាស់ឲ្យក្រោក បុរសនោះបានបដិសេធមិនព្រមក្រោក ហើយដាក់ខ្លួនដេកទៅលើផ្លូវវិញម្ដងទៀត។
ប្រភពបានឲ្យដឹងដែរថា ក្រុមប៉ូលិសបានប្រើកម្លាំងខ្លាំងបន្ដិច ដើម្បីចាប់លើកបុរសនោះចេញពីលើផ្លូវ ។បុរសនោះត្រូវបានបញ្ជូនទៅកាន់ប៉ុស្ដិ៍ប៉ូលិស ដើម្បីធ្វើការសាកសួរ ៕