ដ្រូនបំពាក់ដោយអាវុធទំនើប ដែលបានរចនាឡើង ដើម្បីបាញ់ស្កាត់ និងបាញ់ទម្លាក់ដ្រូនរបស់គូសត្រូវនោះ ត្រូវបានអភិវឌ្ឍន៍ឡើងនៅក្នុងប្រទេសរុស្ស៊ី។
ដ្រូនដ៏គ្រោះថ្នាក់មួយនេះ ត្រូវបានផ្តល់សិទ្ធិប៉ាតង់ដោយក្រុមហ៊ុនចុះកុងត្រា ការពារជាតិ Almaz Antey របស់រុស្ស៊ី ហើយត្រូវបានតំឡើងដោយអ្នកជំនាញមួយក្រុមនៅឯវិទ្យាស្ថានអាកាសចរណ៍ក្រុងម៉ូស្កូ។
ដ្រូនមួយនេះ គឺជាផ្គុំឡើងពីដ្រូនដែលធ្លាប់ប្រើប្រាស់ដោយក្រុមហ៊ុនអណ្តូងរ៉ែសម្រាប់ការស្ទង់បំពង់បង្ហូរប្រេង ហើយវាមានសមត្ថភាពអាចហោះហើរបានប្រហែកប្រហែលនឹងយន្តហោះតូចដែរ បានរយៈពេល៤០នាទីម្តង។
អ្វីដែលខុសប្លែកពីដ្រូនធម្មតានោះ គឺវាត្រូវបានបំពាក់ដោយកាំភ្លើងខ្លីទំនើប Vepr-12 និងមានបង់១០គ្រាប់ ។
យោងតាមសេចក្តីរាយការណ៍បានឲ្យដឹងថា ដ្រូននេះ ត្រូវបានគ្រប់គ្រងដោយប្រតិបត្តិករដែលមានមួកពិសេសអាចមើលឃើញវីដេអឡាយនៅពីមុខដ្រូន។ ក្រុមអ្នករចនាវាឡើង បានសម្រេចចិត្តបំពាក់កាំភ្លើងខ្លីបែបនេះ គឺងាយស្រួលក្នុងការវាយចំគោលដៅរបស់គូសត្រូវ។
ថ្វីត្បិតតែដ្រូនបច្ចុប្បន្នមិនទាន់ដាក់ឲ្យប្រើប្រាស់យ៉ាងណាក្តី តែភាពស្រួចស្រាវរបស់វា បានបញ្ជាក់យ៉ាងច្បាស់ថា រុស្ស៊ី គិតគួរខ្លាំងពីការរក្សាសន្តិសុខដែនអាកាសរបស់ខ្លួន ប្រឆាំងនឹងដ្រូនគូសត្រូវឈ្លានមកលើពួកគេ៕
Home ព្រឹត្តិការណ៍ថ្មីៗ រុស្ស៊ីផលិតដ្រូនបំពាក់ដោយអាវុធទំនើបទុកសម្រាប់បាញ់ទម្លាក់ដ្រូនគូសត្រូវ