លោក Zhao Zhihong អាយុ៤៧ឆ្នាំ ត្រូវបានគេកាត់ទោសប្រហារជីវិត ក្រោយពីយុវជនម្នាក់ត្រូវបានគេកាត់ទោសប្រហារជីវិតដោយភាន់ច្រឡំ សម្រាប់ករណីឃាតកម្មរបស់គាត់។
ឃាតករមុខស្រស់ម្នាក់នេះ ដែលបានធ្វើឃាតមនុស្ស៦នាក់ និងចាប់រំលោភស្ត្រី១០នាក់ និងក្មេងស្រី២នាក់ ត្រូវបានតុលាការចិនកាត់ទោសប្រហារជីវិត។
លោក Zhao Zhihong ត្រូវបានតុលាការកាត់ទោសប្រហារជីវិត ក្រោយពេលក្រុមអាជ្ញាធរចិន ដំបូងឡើយបានកាត់ទោសប្រហារជីវិតខុសយុវជនម្នាក់សម្រាប់ឧក្រិដ្ឋកម្មរបស់លោក។
លោក Zhao បានសារភាពថា លោកចាប់ចាប់រំលោភស្ត្រី និងក្មេងស្រី និងសម្លាប់ពួកគេ ចម្លោះឆ្នាំ១៩៩៦ និងឆ្នាំ២០០៥ ហើយលោកត្រូវបានរកឃើញថាមានទោសកាលពីឆ្នាំ២០១៥។
លោកត្រូវបានគេចាត់ទុកថាជាឃាតករមុខស្រស់ ដោយសារព័ត៌មានក្នុងស្រុកចិន ដោយសារតែទឹកមុខរបស់គាត់ចូលចិត្តញញឹមពព្រាយមិនចេះកើតទុក្ខ។
ពេលប្រកាសការប្រហារជីវិតនេះ តុលាការប្រជាជនកំពូលចិន បាននិយាយថា ធាតុពិតនៃឧក្រិដ្ឋកម្មរបស់គាត់ ពិតជាគួរឲ្យស្អប់ខ្ពើមខ្លាំងណាស់។
តុលាការបញ្ជាក់ថា គាត់បដិសេធន៍មិនជួបគ្រួសាររបស់គាត់នោះទេ មុនពេលដែលគាត់ត្រូវបានគេប្រហារជីវិត។
ការសម្លាប់របស់លោក Zhao បានដល់ទីបញ្ចប់ ពេលដែលគាត់ត្រូវបានចាប់ខ្លួនកាលពីឆ្នាំ២០០៥ ហើយលោកបានសារភាពចំពោះបទឧក្រិដ្ឋដ៏ឃោឃៅជាច្រើន។
នៅក្នុងចំណោមឧក្រិដ្ឋកម្មទាំងអស់នោះ គឺករណីចាប់រំលោភ និងសម្លាប់ស្ត្រីម្នាក់កាលពីឆ្នាំ១៩៩៦ នៅទីក្រុង Hohhot ស្ថិតនៅតំបន់ស្វយ័តម៉ុងហ្គោលីខាងក្នុង គឺជាករណីមួយដែលនាំឲ្យមានការកាត់ទោសភាន់ច្រឡំប្រហារជីវិតក្មេងប្រេសុអាយុ១៨ឆ្នាំម្នាក់ ឈ្មោះ Huugjilt ៕
