កាលពីប៉ុន្មានឆ្នាំមុន យុគសម័យទូរស័ព្ទក្បាលឆកមានការពេញនិយមយ៉ាងខ្លាំង ដោយក្រុមហ៊ុនផលិតស្មាតហ្វូនជាច្រើនបានបញ្ចេញស្មាតហ្វូនរបស់ខ្លួនជាមួយនឹងម៉ូដសក់ក្បាលឆក់សឹងតែគ្រប់ក្រុមហ៊ុន ហើយនៅក្នុងឆ្នាំនេះវិញ គេនាំគ្នាប្តូរមកពេញនិយមជាមួយកាមេរ៉ា បង្កាប់ខ្លួនដែលមានអេក្រង់ធំ លាតសន្ធឹងយ៉ាងធំ ដែលម៉ូដថ្មីនេះបានឆក់យកបេះដូងអ្នកប្រើប្រាស់យ៉ាងខ្លាំងក្លា ។
តើអ្នកចង់បានអីទៀត? នេះជាឃា្លមួយដែល OPPO តែងតែសួរអ្នកគាំទ្ររបស់ខ្លួន និង បំពេញនូវអ្វីដែលពួកគេចង់បាន! អីឡូវចំណុចទាំងពីរនេះ OPPO ធ្វើបានហើយ ព្រោះកាលពីថ្ងៃទី ២៩ ខែកក្កដា កន្លងទៅថ្មីៗនេះ ក្រុមហ៊ុន OPPO បានបង្ហាញទូរស័ព្ទដែលមានអេក្រង់មានរាងកោងនៅសងខាងគែម ដែលកោងរហូតដល់ 88 ដឺក្រេ និងមិនមានប៊ូតុងនៅសងខាងឡើយ ដើម្បីបង្ហាញពីភាពជឿនលឿនរបស់ពួកគេ ទៅកាន់មហាជន ចំពោះការស្វែងរកនូវទម្រង់ថ្មីមួយទៀតនៃស្មាតហ្វូនដ៏អស្ចារ្យនាពេលអនាគត។
លោកនេះ Oppo លេងម៉ូដអេក្រង់ស្ទើរតែពេញគែម 100% តែម្តង(៩៣,៨%) ថែមទាំងមានកាមេរ៉ាបង្កប់ក្រោមអេក្រង់ដូចកាលបានបង្អួតក្នុងព្រឹត្តិការណ៍ MWC នៅទីក្រុងសៀងហៃដូច្នោះដែរ ។ អេក្រង់កោងដ៏ស្រស់ស្អាតនេះត្រូវបានក្រុមហ៊ុនឲ្យឈ្មោះថា Waterfall Screen ដោយមានគែមលើ និងគែមក្រោមស្ទើតែបាត់តែម្តង មិនធ្លាប់មាន។ លោក Brian Shen ជាអនុប្រធានក្រុមហ៊ុន Oppo បានបង្ហោះរូបភាពប៉ុន្មានសន្លឹកនេះនៅលើបណ្តាញសង្គម Weibo ដោយបញ្ជាក់ថាអេក្រង់ថ្មីនេះ ប្រើបន្ទះអេក្រង់តូចជាងបន្ទះ អេក្រង់របស់ស៊េរី Oppo Find X ទៅទៀត ប៉ុន្តែគួរឲ្យស្តាយយើងមិនបានឃើញខ្នងខាងក្រោយរបស់ស្មាតហ្វូននោះឡើយ ប្រហែលជា OPPO ទុក Surprise ទៀតហើយ។
លោកបានឲ្យដឹងទៀតថា ស្មាតហ្វូនដែលបំពាក់អេក្រង់ Waterfall នេះ នឹងបង្ហាញខ្លួននៅឆ្នាំក្រោយ ហើយវាកាន់តែធ្វើឲ្យពិភពលោកមានការភ្ញាក់ផ្អើលជាថ្មីម្តងទៀត បន្ទាប់ពីបច្ចេកវិទ្យាកាមេរ៉ាបង្កប់ក្រោមអេក្រង់ បានរៀបចំជោគជ័យ។ សូមបញ្ជាក់ថា OPPO គឺជាក្រុមហ៊ុនដែលធ្លាប់មានបទពិសោធន៍ក្នុងការស្រាវជ្រាវ ការបង្កើតថ្មីសម្រាប់គំនិតច្នៃប្រឌិតគ្មានដែនកំណត់ ចាប់តាំងពីម៉ូឌែល X903 ដែលជាស្មាតហ្វូនដំណើរការដោយប្រព័ន្ធ Android ដំបូងគេបង្អស់ចាប់តាំងពីឆ្នាំ2011មកម្ល៉េះ ហើយទស្សនៈក្នុងការស្វែងរកទិសដៅអនាគតរបស់ស្មាតហ្វូន ត្រូវបានក្លាយជាគោលដៅចុងក្រោយសម្រាប់ក្រុមផលិតករOPPO៕
Home បច្ចេកវិទ្យា កាន់ពិសេសជាមួយ OPPO កាមេរ៉ាបង្កប់ក្នុងអេក្រង់ ផ្ទៃលាតពេញយ៉ាងត្រជាក់ភ្នែក ! តើអ្នកចង់បានអីទៀត ?