ក្រុមអវកាសចរដែលរងការបំភាយកម្រិតទាបនៃវិទ្យុសកម្មពេលធ្វើដំណើរទៅកាន់ភពព្រះអង្គារ ប្រឈមខ្លាំងនឹងជំងឺខួរក្បាល ការបាត់បង់ការចងចាំនិងការថប់បារម្ភ។
ការសិក្សាមួយដែលបានចុះផ្សាយកាលពីថ្ងៃទី៥ ខែសីហានៅលើកាសែត eNeuro បានលើកឡើងពីតម្រូវការការពារឲ្យបានល្អប្រសើរជាងនេះ នៅទីអវកាស។
បច្ចុប្បន្នអង្គការ NASAកំពុងស្ថិតនៅក្នុងដំណាក់កាលអភិវឌ្ឍន៍ Mars 2020 ដែលជាបេសកកម្មគ្មានមនុស្ស ដើម្បីបញ្ជូនរូបយន្តទៅកាន់ភពដីក្រហមមួយនេះ ប៉ុន្តែទីភ្នាក់ងារអវកាស NASA កំពុងពិនិត្យមើលបេសកកម្មមានមនុស្សឲ្យធ្វើដំណើររយៈពេល៧ខែទៅកាន់ភពព្រះអង្គារផងដែរ។
ដោយសារតែហានិភ័យនេះហើយ ទើបសាស្ត្រាចារ្យ Charles Limoli មកពីសាកលវិទ្យាល័យ California និងសហការីរបស់លោក បានពិនិត្យមើលផលប៉ះពាល់ដោយសារវិទ្យុសកម្មមកលើសត្វកណ្តុ។
ក្រុមអ្នកជំនាញខាងសរសៃប្រសាទមួយនេះ បានរាយការណ៍ពីសកម្មភាពខួរក្បាលរអាក់រអួល និងអាកប្បកិរិយាមិនស្រួលនៅក្នុងការធ្វើតេស្តលើសត្វកណ្តុ ជាមួយនឹងការចុះខ្សោយធ្ងន់ធ្ងរលើការចងចាំ។
ការបញ្ចេញនូវចំហាយវិទ្យុសកម្មនីត្រុងកម្រិតទាបនេះ នឹងបង្កឲ្យកើតមានអាកប្បកិរិយាធុញថប់ ដែលក្រុមអ្នកជំនាញមានជំនឿថា វានឹងធ្វើឲ្យប៉ះពាល់ដល់ក្រុមអវកាសចរ។
ជាលទ្ធផលនៃការសិក្សានេះ ក្រុមអ្នកស្រាវជ្រាវ បានធ្វើការព្យាករណ៍ថា អវកាសចរម្នាក់ក្នុងចំណោម៥នាក់ នៅបេសកកម្មទៅលើទីអវវកាសជ្រៅៗ នឹងទទួលរងការថប់ដង្ហើម។
ដោយឡែក អវកាសចរម្នាក់ក្នុងចំណោម៣នាក់ ទំនងជាត្រូវបាត់ការចងចង់ បញ្ហាខួរក្បាល ហើយក្រុមអវកាសចរ អាចប្រឈមការលំបាកក្នុងការសម្រេចចិត្តផងដែរ។
ក្រុមអ្នកស្រាវជ្រាវបានសរសេរនៅក្នុងការសិក្សារបស់ពួកគេថា ស្របពេលដែលអង្គារ NASAរៀបចំបេសកកម្មទៅកាន់ភពព្រះអង្គារបែបនេះ ក្តីកង្វល់ពាក់ព័ន្ធនឹងហានិភ័យចំពោះសុខភាពដោយសារតែការបំភាយចំហាយវិទ្យុសកម្មនៅទីអវកាសជ្រៅៗ បានកើតមានឡើង៕
Home ព្រឹត្តិការណ៍ថ្មីៗ រុមអ្នកជំនាញ៖ ក្រុមអវកាសចរធ្វើដំណើរទៅកាន់ភពព្រះអង្គារនឹងកើតជំងឺខួរក្បាល បាត់ការចងចាំ និងថប់ដង្ហើម