ទ្វារឋាននរគ ឬ Kola Superdeep Borehole គឺចំណុចសិប្បនិម្មិតជ្រៅបំផុតរបស់ភពផែនដីយើងស្ថិតនៅក្នុងជម្រៅដី១២.២៦២ម៉ែត្រ ដោយក្រុមអ្នកវិទ្យាសាស្ត្របានប្រើពេល២៦ឆ្នាំ ដើម្បីសិក្សាស្រទាប់ និងស្នូលផែនដី ពោលគឺស្មើរយៈពេលដូចគ្នាដែលពួកគេប្រើយានអវកាសចេញទៅស្រាវជ្រាវនៅក្រៅប្រព័ន្ធព្រះអាទិត្យអញ្ចឹងដែរ។
ទ្វារឋាននរគនេះ ស្ថិតនៅស្រុក Pechengsky នៃតំបន់ឧបទ្វីប Kolaប្រទេសរុស្ស៊ី ដែលវាជាផ្នែកមួយនៃគម្រោងវិទ្យាសាស្ត្រខួងដល់ស្នូលផែនដីរបស់អតីតសហភាពសូវៀត។
នៅទីបំផុត អ្នកវិទ្យាសាស្ត្របានជីករូង ទ្វារឋាននរគ ដែលមានជំរៅជាង១២គ.ម ។ នៅឆ្នាំ១៩៨៩ ទ្វារឋាននរគ ត្រូវបានជីកដោយជោគជ័យក្នុងជម្រៅដី ១២២៦២ម៉ែត្រហើយវាត្រូវបានគេចាត់ទុកថា ជារូងសប្បនិមិត្តដែលជ្រៅបំផុតនៅលើភពផែនដីយើងនេះ។
ទ្វារឋាននរគ គឺវាមានជំរៅជ្រៅជាងសមុទ្រដែលជ្រៅបំផុតនៅលើផែនដី(១១គីឡូម៉ែត្រ)ទៅទៀត។
ក្រោយ២៦ឆ្នាំ ក្រុមអ្នកវិទ្យាសាស្ត្រ បានរកឃើញទឹកជាច្រើននៅក្នុងរូងនោះគឺមានសារធាតុរ៉ែជាច្រើនប្រភេទគ្រប់ផ្លូវទាំងអស់នៃរូងនេះ សារធាតុរ៉ែទាំងនោះមានដូចជាៈ ហ្គាស់, អេល្យ៉ូម អ៊ីដ្រូសែន, កាបូនឌីអុកស៊ីត និងនីដ្រូសែន។ប៉ុន្តែអ្វីដែលអ្នកជំនាញមានការភ្ញាក់ផ្អើលនោះគឺនៅជំរៅជាង៩០០០ម៉ែត្រគឺវាមិនមានពពួកថ្មបាសាល់នោះទេ។
លើសពីនេះទៅទៀតអ្នកវិទ្យាសាស្ត្របានរកឃើញផូស៊ីលនៃថ្មក្រានីតនៅជំរៅជាង៦៥០០ម៉ែត្រ ហើយអ្នកជំនាញបានពិនិត្យឃើញពីសីតុណ្ហភាពនៃបាតអណ្តូងនេះគឺមានសំពាធដល់ទៅ ១៨០អង្សាសេ។
ទ្វារឋាននរគនេះដែរ អាចធ្វើឲ្យអ្នកជំនាញអាចធ្វើការប៉ានស្មានបានថាស្នូលនៃភពផែនដីមានជំរៅប្រហែល៦៤០០គ.មទៅ៦៥០០គ.ម។
ក្រៅពីការរកឃើញនៅក្នុងរូងនោះ អ្នកជំនាញបានរកឃើញផូស៊ីលតូចល្អិតមួយចំនួនមានអាយុកាលជាង២០០០លានឆ្នាំនៅជំរៅជិត៦.៥គ.ម ហើយការរកឃើញ ហ្វូស៊ីលតូចៗចំនួន២៤ប្រភេទនៃសត្វបុរាណ អាចនឹងនាមឲ្យក្រុមអ្នកជំនាញសិក្សារកាន់តែស៊ីជំរៅពីសរីរាង្គ និងសីតុណ្ហភាពនៅទីជ្រៅរបស់ផែនដី៕
