ខណៈពេលដែលគូប្រជែងមកពីអាហ្វ្រិកខាងត្បូងវិលត្រឡប់ទៅផ្ទះវិញជាមួយនឹងម្កុដបវរកញ្ញាចក្រវាឡកាលពីថ្ងៃអាទិត្យនោះ បវរកញ្ញាឯកមីយ៉ាន់ម៉ា បានសារភាពថា នាងគឺជាមនុស្សភេទទី៣ស្រីស្រលាញ់ស្រីដូចគ្នា មិនធ្លាប់ដែលមានពីមុនមក ចូលរួមប្រកួតបវរកញ្ញាឯករាជនិសម្រស់មួយនេះ។
នាង Swe Zin Htet អាយុ២១ឆ្នាំ បានប្រកាសឲ្យដឹងជាសាធារណៈបែបនេះ រយៈពេលតែប៉ុន្មានថ្ងៃប៉ុណ្ណោះ មុនពេលឡើងលើវេទិការក្នុងស្ទីបយោ Tyler Perry ស្ថិតនៅក្នុងទីក្រុង Atlanta ប្រទេសហ្សកហ្ស៊ី កាលពីថ្ងៃទី៨ ខែធ្នូកន្លងទៅ។
បច្ចុប្បន្ននាង Sweប្រើប្រាស់សមាសភាពពិតរបស់នាងដើម្បីជួយដល់សហគមន៍មនុស្សស្រលាញ់ភេទដូចគ្នា ជាពិសេសនៅក្នុងប្រទេសកំណើតមីយ៉ាន់ម៉ារបស់នាង ជាកន្លែងដែលការធ្វើជាមនុស្សភេទទី៣ នៅតែខុសច្បាប់នោះ។
នាង Swe ដែលបានឈ្នះបវរកញ្ញាឯកមីយ៉ាន់ម៉ា កាលពីថ្ងៃទី៣១ ខែឧសភាកន្លងទៅនោះ បានទម្លាយឲ្យដឹងថានាងគឺជាស្រីប្រតិព័ទ្ធស្រីដូចគ្នា អំឡុងបទសម្ភាសន៍ជាមួយវែបសាយ Missosologyរយៈពេល១សប្តាហ៍ មុនការប្រកួតវគ្គផ្តាច់ព្រ័ត្របវរកញ្ញាចក្រវាឡ។
នាងបាននិយាយថា បានបានយល់ច្បាស់ពីទំនាក់ទំនងផ្លូវភេទរបស់នាងជាយូរមកហើយ។ នាងដឹងច្បាស់ថាខ្លួនស្ថិតនៅក្នុងចំណោមមនុស្សភេទទី៣ស្រីស្រលាញ់ស្រីដូចគ្នា តាំងពីឆ្នាំ២០១៥មកម្ល៉េះ។
នាងបន្តថា ការទម្លាយការពិតជាសាធារណៈ វាមិនមែនជាការងាយស្រួលនោះទេ ប៉ុន្តែនាងចង់ប្រើប្រាស់វេទិការរបស់នាងដើម្បីជួយដល់មនុស្សស្រលាញ់ភេទដូចគ្នា នៅក្នុងប្រទេសមីយ៉ាន់ម៉ា បើទោះបីជាវាខុសច្បាប់ក៏ដោយ។
នាងបញ្ជាក់ទៀតថា ជាការពិតណាស់ថា វាពិបាកសម្រាប់រូបនាង ប៉ុន្តែនាងយល់ឃើញថា នាងមានទឹកមាត់ប្រៃជាង និងស្ថិតនៅលើទីតាំងល្អបមផុតក្នុងការលើកកម្ពស់បញ្ហាមួយនេះ។ ក្រុមអ្នកគាំទ្រស្រលាញ់ភេទដូចគ្នាមួយចំនួន បានដឹងពីរឿងនេះហើយពួកគេនៅតែគាំទ្រនាង ប៉ុន្តែនេះគឺជាលើកដំបូងហើយដែលនាងនិយាយពីវាជាសាធារណៈ បើទោះជាដឹងថា នៅក្នុងប្រទេសរបស់នាងខុសច្បាប់ក៏ដោយ។
នាង Swe បាននិយាយថា នាងជឿជាក់ថា មិនមានប្រទេសទាំងអស់នោះទេដែលអនុញ្ញាតឲ្យមានអាពាហ៍ពិពាហ៍ភេទដូចគ្នា ។ នាងចង់ឲ្យពិភពលោកទទួលស្គាល់សហគមន៍មនុស្សស្រលាញ់ភេទដូចគ្នា ហើយនិងសិទ្ធិរបស់ពួកគេ ក្នុងការជ្រើសរើសផ្លូវដើររបស់ពួកគេ និងតាមប្រម៉ាញសុភមង្គលរបស់ពួកគេ។ សេចក្តីស្រលាញ់ គឺជារឿងអស្ចារ្យបំផុត ហើយមនុស្សស្រលាញ់គ្នា គឺជាមួយមនុស្ស មិនមែនជាមួយភេទនោះទេ៕
