....រឿងរ៉ាវរបស់អ្នកសុំទានដែលប្រៀបបានជាស្មូមយាចកចុះពីឋានព្រះឥដ្ឋប្រើមន្តអាគមសារិកាលិនថោងសុំទានបានប្រាក់គួរឲ្យប៉ះសក់នោះពុំមែនជាដំណើររឿងប្រឌិតសំរាប់សើចលេងកំសាន្តនោះទេ...គឺជារឿងពិតជាក់ស្តែង។ចំពោះស្មូមយាចកដែលលើកដៃសំពះសុំទានបានប្រាក់ធ្វើឲ្យអ្នកពាក់ក្រវាត់ក អង្គុយធ្វើការក្នុងម៉ាស៊ីនត្រជាក់សុំខ្មាស់នោះត្រូវបានជាងថតម្នាក់ បានលួចថតទិដ្ឋភាព ពីជីវិតដ៏អស្ចារ្យ របស់គ្រួសារសុំទានមួយ ដែលអាច ធ្វើឲ្យអ្នក មិននឹក ស្មានដល់។
តាមសេចក្តីរាយការណ៍ពី គេហទំព័រ Asia One បានឲ្យដឹងថា គ្រួសារមួយនេះ បានធ្វើជាអ្នកសុំទាន តាមផ្លូវ ពីព្រោះពួកគេ បានគិតថា វាជាវិធី មួយ ក្នុងការរក ប្រាក់ចំណូល បានខ្ពស់។ បន្ថែមពីនេះទៅទៀត គ្រួសារមួយនេះ នៅពេលព្រឹក ពួកគេបរិភោគសុទ្ធតែ ហាំបឺហ្គឺ នៅក្នុង ភោជនីយ ដ្ឋាន ចំនែកនៅ ពេលថ្ងៃវិញ បរិភោគ សាច់គោ និងផឹកស្រា។ជាពិសេសនៅពេលល្ងាច ពួកគេ បានចូលក្នុងភោជនីយដ្ឋាន និងស្នាក់នៅក្នុង សណ្ឋាគារលំដាប់ ផ្កាយ៥ ថែមទៀតផង។ មិនតែប៉ុណ្ណោះ ពួកគេ បាន ដើរចូលទិញឥវ៉ាន់ នៅក្នុងហាង ទំនើបល្បីៗមួយចំនួន ដូចជា ហាង Cartier ជាដើម។
គួរបញ្ជាក់ផងដែរថា ពួកគេបានធ្វើពុតជាឈឺ ហើយធ្វើដេកនៅលើដី ខណៈមានមនុស្សម្នាក់ បានលើក ដៃសំពះ សុំលុយ អ្នកធ្វើដំណើរ។ អ្វីដែល អស្ចារ្យនោះ គឺក្នុងមួយថ្ងៃៗ ពួកគេ អាចរកចំណូល ពីការសុំទាននេះបាន ចន្លោះពី ៤១២ដុល្លារ ទៅ៤៨៨ដុល្លារ ឯណោះ៕
Home សង្គមប្លែកៗ ស្មូមយាចកចុះពីឋានព្រះឥន្ទ សុំទានមួយថ្ងៃបាន ជាង៤០០ដុល្លារ បរិភោគអាហារ និងស្នាក់នៅសុទ្ធតែ សណ្ឋាគារលំដាប់ ផ្កាយ៥