[wai id="5"]
[wai id="7"]
…អ្នកបួសប្រៀបបានជាដើមឈើចោលម្លប់យ៉ាងត្រឈឺងត្រឈៃជាទីជ្រកបាំងកំដៅថ្ងៃពីអ្នកធ្វើដំណើរឆ្លងកាត់។ យ៉ាងណាម៉ិញ ព្រះសង្ឃជនជាតិថៃមួយអង្គ បានធ្វើឲ្យសាធារណជនជាច្រើនកោតសរសើរពីទឹកចិត្ដដ៏ធំធេងរបស់តេជគុណ តាមរយៈការជួយសង្គ្រោះជីវិតក្មេងពិកា និងកំព្រា ដែលត្រូវឪពុកម្ដាយបោះបង់ចោលជាង ១០០នាក់ក្នុងរយៈពេល ២០ឆ្នាំមកនេះ។
ពាណិជ្ជកម្ម
សង្ឃចិត្តធម៌ មានព្រះនាម ឡុង ផូ គង់ក្នុងវត្ដមួយនៃប្រទេសថៃ បានលះបង់ទាំងពេលវេលា រួមនឹងថវិកា ដើម្បីទទួលចិញ្ចឹមក្មេងៗ ដែលគ្មានទីពឹង ឬផ្ទះសម្បែងឲ្យមកស្នាក់នៅ និងផ្ដល់ការអប់រំដល់ពួកគេ ឲ្យក្លាយជាមនុស្សមានចំណេះដឹងក្នុងសង្គម។ ព្រះសង្ឃអង្គនេះបានសាងសង់កុដមួយកន្លែងលើផ្ទៃដីប្រមាណ ២,៧ ហិចតា ដែលជាអំណោយពីម្ដាយរបស់តេជគុណផ្ទាល់តែម្ដង។ រម្លឹកដល់វ័យកុមារភាពគ្រួសាររបស់ព្រះសង្ឃរូបនេះ ពុំសូវមានជីវភាពធូរធារនោះទេ ប៉ុន្ដែព្រះតេជគុណរួមនឹងបងប្អូនបង្កើតហាក់ទទួលបានការថែរក្សាបីបាច់យ៉ាងល្អពីម្ដាយ ហើយរឿងមួយទៀតដែលព្រះតេជគុណមិនអាចភ្លេចបាននោះគឺ ការចែករំលែកពងទាចៀនសម្រាប់គ្នាបួននាក់ បរិភោគនៅសាលា។ ព្រះតេជគុណឡុងជូបានប្រាប់ថា អ្វីដែលបានជំរុញចិត្ដតេជគុណឲ្យបន្ដជួយសង្គ្រោះកុមារជាង ២០ ឆ្នាំមកនេះ គឺមុនដំបូងឡើយ ព្រះតេជគុណ បានជួបក្មេងម្នាក់អាយុប្រហែល ៤ ទៅ ៥ឆ្នាំ ដែលគ្មានឪពុកម្ដាយ និងមានជំងឺផ្លូវចិត្ដ។
រឿងរ៉ាវទាំងអស់នេះ បានធ្វើឲ្យតេជគុណដឹងថាជីវិតគឺលំបាកណាស់ ដែលជាហេតុធ្វើឲ្យព្រះតេជគុណមិនអាចបង្វែរភ្នែកពីក្មេងដែលគេបោះបង់ចោលនោះទេ។ ដូច្នេះអស់រយៈពេល ២០ឆ្នាំមកនេះព្រះ តេជគុណបានសង្គ្រោះក្មេងកំព្រាជាង ១០០នាក់ ដោយសង្ឃឹមថាពួកគេនឹងមានអនាគតល្អ៕
[wai id="6"]