រូបភាពដ៏គួរភ្ញាក់ផ្អើលរបស់កុលសម្ព័ន្ធស៊ីសាច់មនុស្ស ដែលបានធ្វើការសម្លាប់ និងស៊ីសាច់ទាយាទគ្រួសារ Rockefeller កាលពីរយៈពេលជិត៦០ឆ្នាំមុន ត្រូវបានបង្ហោះតាមអនឡាញ។ រូបភាពទាំងនេះ ឃើញមនុស្សប្រុស មនុស្សស្រី និងកូនៗរបស់ក្រុមកុលសម្ព័ន្ធស៊ីសាច់មនុស្ស Asmat ដែលគេស្គាល់ច្បាស់ពីប្រពៃណី និងការបូជាយញ្ញដ៏ឃោឃៅរបស់ពួកគេ។
លោក Gianluca Chiodini អាយុ៤១ឆ្នាំ គឺជាអ្នកថតរូបមួយរូប មានសេចក្តីក្លាហានបានទៅលេងក្រុមកុលសម្ព័ន្ធមួយនេះ ស្ថិតនៅក្នុងកោះញូវហ្គីណេ ដែលបច្ចុប្បន្នគឺជាផ្នែកមួយនៃប្រទេសឥណ្ឌូនេស៊ី ថ្វីត្បិតតែមានពាក្យចចាមអារាមថាពួកគេបានស៊ីសាកសពលោក Michael Rockefeller កាលពីឆ្នាំ១៩៦១ក៏ដោយ។លោក Carl Hoffman គឺជាអ្នកនិពន្ធមួយរូប មានជំនឿថា លោកដឹងរឿងរ៉ាវច្រើនជាងគេបំផុតចំពោះអ្វីដែលបានកើតឡើមកលើលោក Michael ហើយរឿងរ៉ាវលំអិតទាំងនេះ ត្រូវបានចងក្រងឡើងនៅក្នុងសៀវភៅ “Savage Harvest”របស់លោក។លោក Michael Rockefeller ដែលនៅពេលនោះមានអាយុ២៣ឆ្នាំ ហើយនិងស្ថិតនៅក្នុងចំណោមកូនប្រុសអ្នកមានជាងគេបំផុតរបស់អាមេរិកនោះ បានជួបបញ្ហាយ៉ាងធ្ងន់ធ្ងរ ពេលដែលទូកក្តោងរបស់លោកបានក្រឡាប់នៅតាមបណ្តោយឆ្នេរភាគអាគ្នេយ៍កោះញូវ ហ្គីណេ។ លោកបានរុករកកោះញូវ ហ្គីណេ ដើម្បីស្វែងរករតនៈសម្បត្តិដើម្បីនាំទៅផ្ទះវិញ និងបង្ហាញនៅក្នុងទីក្រុងកំណើតញូវយ៉ក។នៅក្នុងសៀវភៅរបស់គាត់ លោក Hoffman បានសរសេរថា លោក Rockefeller បានហែលឆ្លងសមុទ្រជាង១០ម៉ៃល៍ ហើយចុងក្រោយក៏បានអណ្តែតមកទើរលើឆ្នេរសមុទ្រ ជាកន្លែងដែលលោក ត្រូវបានគេប្រើលំពែងទម្លុះឆ្អឹងជំនីដោយកុលសម្ព័ន្ធម្នាក់។ កូនប្រុសរបស់អភិបាលក្រុងញូវយ៉ក និងជាអនាគតអនុប្រធានាធិបតីសហរដ្ឋអាមេរិកម្នាក់នេះ ត្រូវបានគេវាយពីក្រោយក្បាល និងបានស្លាប់ ហើយបន្ទាប់មក ក្រុមកុលសម្ព័ន្ធមួយនេះ បានចាប់ផ្តើមធ្វើពិធីបែបប្រពៃណីបូជាយញ្ញរបស់ពួកគេ។មិនដូចគ្នានៅព្រៃអាម៉ាហ្សូននោះទេ ដីរបស់ពួកគេមិនផ្តល់ធនធានធម្មជាតិច្រើនប៉ុន្មានលើយ ជាហេតុធ្វើឲ្យលោកខាងលិចបោះបង់ពួកគេចោល។ទោះបីជាយ៉ាងណាក៏ដោយ អំឡុងពេលនោះ ប្រទេសហូឡង់ ដែលគ្រប់គ្រងដីកោះមួយនេះពីក្រុមហ៊ុន United East India Company កាលពីឆ្នាំ១៨០០ បានបង្ហាញចំណាប់អារម្មណ៍របស់ពួកគេលើការធ្វើអាណានិគម។លោក Max Lapre ដែលគេស្គាល់ច្បាស់ពីការដឹកនាំផ្តាច់ការរបស់គាត់តាមការបង្គាប់ពីរដ្ឋាភិបាលហូឡង់នោះ បានបញ្ជាឲ្យបាញ់សម្លាប់ក្រុមកុលសម្ព័ន្ធ Asmat៥នាក់ ជាហេតុធ្វើឲ្យមានកំហឹងយ៉ាងខ្លាំងនៅក្នុងចំណោមពួកគេ ហើយ ជារៀងរាល់ថ្ងៃ ក្រុមកុលសម្ព័ន្ធមួយនេះ បានព្យាយាមសងសឹកពួកស្បែក.ស។ មូលហេតុនេះហើយ ទើបពួកគេសម្លាប់លោក Michael ពេលដែលលោកបានហែលមកដល់ឆ្នេរនៅថ្ងៃទី១៩ ខែវិច្ឆិកា ឆ្នាំ១៩៦១។
យោងតាមឯកសារស្រាវជ្រាវពីទំនៀមទម្លាប់ប្រម៉ាញ់ក្បាលសត្រូវកុលសម្ព័ន្ធ Asmat ពួកគេបានកាត់ក្បាលលោក Michael មុន ហើយបន្ទាប់មកវះសាកសពគាត់ពី.កចុះមកដល់ខ្នងរបស់គាត់។ ជើង និងដៃរបស់គាត់ បានដាក់ឆ្អើរលើភ្លើង ខណៈពេលដែលក្រុមកុលសម្ព័ន្ធមួយនេះស្រែកច្រៀង ហើយសាកសពរបស់គាត់ ត្រូវបានហុចឲ្យអ្នករាល់គ្នានៅជុំវិញភ្នក់ភ្លើង ភ្លក់រសជាតិ។ ចំណែកឯ ឈាមរបស់គាត់ ត្រូវបានយកមកលាបលើខ្លួនប្រាណរបស់ពួកគេ ហើយពេលដែលក្បាលរបស់គាត់ឆ្អិនហើយនោះ ពួកគេនឹងឆ្កៀលវា រួចយកខួរមកស៊ីតែម្តង៕
