…រស់នៅក្រោមដំបូលម្ចាស់ផ្ទះដែលជាអ្នកមាន សុខនខ្លះដែលមនុស្សច្រើនហៅដោយក្តីគ្រឺតខ្នាញ់ថាជាអាភក្តីៗនោះមានសំណាងរស់នៅមានស៊ីមានចុកគ្រប់គ្រាន់ រហូតពេលដែលស្លាប់ទៅត្រូវម្ចាស់ធ្វើពិធីបុណ្យឲ្យទៀតផង។ជាការពិតសត្វចិញ្ចឹម ដែលមនុស្សយើងគ្រប់គ្នាតែងតែនិយមចិញ្ចឹមនៅក្នុងផ្ទះច្រើនជាងគេនោះ គឺសត្វសុនខ ព្រោះតែវាមានលក្ខណសម្បត្តិជាច្រើនគួរឲ្យចាប់អារម្មណ៍។
មូលហេតុដែលគេចូលចិត្តចិញ្ចឹមសត្វសុនខ គឺដោយសារវាជាសត្វអាចការពារផ្ទះសម្បែងរបស់ម្ចាស់វា ពេលដែលមានមនុស្សមិនស្គាល់មុខ ឬជាចោរលបលួចចូលផ្ទះ វាតែងតែបង្ហាញសកម្មភាពព្រុស ឲ្យម្ចាស់វាបានដឹង ឬដេញខាំជនទាំងនោះជាដើម។ មិនតែប៉ុណ្ណោះ វាក៏ជាសត្វម្យ៉ាងមានភាពឆ្លាតវៃ ស្គាល់ម្ចាស់ ស្លូតបូត គួរឲ្យស្រលាញ់ និងដឹងគុណម្ចាស់ជាងសត្វដទៃទៀតដែរ។ដោយសារតែបែបនេះហើយ បើកាលណាមានការបាត់បង់សុនខរបស់ខ្លួន អ្នកតែងតែមានការសោកស្តាយជាក់ជាមិនខាន ដោយសារវាបានបន្សល់នូវអនុស្សាវរីយ៍ដែលអ្នកធ្លាប់ប្រលែងលេងជាមួយ ពេលវានៅរស់ និងភាពឆ្លាតវៃរបស់វាធ្វើឲ្យម្ចាស់សប្បាយរីករាយ រំសាយអស់ភាពហ្មងសៅ។ ដូចជាបើយើងក្រឡេកមកមើលគ្រួសារមួយនេះរស់នៅក្នុងប្រទេសហ្វីលីពីន គឺពួកគេមានការសោកស្តាយយ៉ាងខ្លាំងពីការបាត់បង់សុនខជាទីស្រលាញ់របស់ខ្លួន និងបានធ្វើពិធីបុណ្យសពមួយយ៉ាងធំ អមដោយផ្កាស្រស់យ៉ាងច្រើនប្រៀបដូចជាពិធីបុណ្យសពរបស់មនុស្សម្នាក់អីចឹងដែរ។ការបញ្ចុះសព និងរៀបចំពិធីនេះឡើង ដោយសារតែមនុស្សក្នុងគ្រួសារនេះគិតថា សុនខមួយក្បាលនេះពួកគេមិនបានចាត់ទុកថាជាសត្វនោះទេ គឺ បានចាត់ទុកជាសមាជិកគ្រួសាររបស់គាត់ម្នាក់ទៅហើយ។ បុរសជាម្ចាស់បាននិយាយថា បានផ្តល់ក្តីស្រលាញ់ឲ្យទៅវា ហើយនិយាយទាំងស្រែកយំថា «វាជាផ្នែកមួយនៃជីវិតរបស់ខ្ញុំ វាជាមិត្តដ៏ល្អរបស់ខ្ញុំ ជាមិត្តពេលដែលខ្ញុំពិបាកចិត្ត និងពេលខ្ញុំទៅណាមកណាបានវាជាគ្នា»។ ហើយរឿងដែលពិបាកសម្រាប់គាត់នៅពេលនេះ គឺនិយាយពាក្យលាទាំងទឹកភ្នែកហូរសោកស្ដាយបំផុត។
គាត់និយាយបន្តទាំងក្តុកក្តួលក្នុងចិត្តថា គាត់នៅតែពិបាកក្នុងការបំភ្លេចវា ដោយសារតែរាល់ពេលដែលគាត់ត្រឡប់ពីធ្វើការ ហើយមកផ្ទះវិញគឺតែងតែឃើញមុខរបស់វាឈរចាំទទួលខ្ញុំនៅមុខផ្ទះរាល់ថ្ងៃ។ ឆ្នាំនេះ គឺជាឆ្នាំទី ៦ហើយ ដែលគាត់ធ្វើខួបកំណើតឲ្យវា៕
