….កូនកម្លោះចិត្តឆេវឆាវម្នាក់នេះប្រសិនបើកូនក្រមុំនៅតែទទួលយកធ្វើជាប្តីប្រាកដជាមានអ្នករិះគន់ហុយដីហើយថា នាងខ្លាចរកប្តីអត់បានទើបនៅតែទទួលយកមនុស្សប្រុសច្រឡោងបែបនេះ។មង្គលការប្ដីប្រពន្ធមួយគូបានប្រែក្លាយពីថ្ងៃរីករាយបំផុតមួយនៃជីវិតទៅជាថ្ងៃមួយដែលមិនគួរកើតមានឡើងសោះ ដោយសារកូនកំលោះ ប្រព្រឹត្តទង្វើដែលមិនគួរគម្បីនៅក្នុងពីធីមង្គលការ។
មុនដំបូងប្ដីប្រពន្ធទាំងពីរបានកាន់កាំបិតកាត់នំតែហាក់ដូចជាកាន់មិនស្និតក៏ធ្លាក់ចុះក្រោមជាលើកទីមួយ និងលើកទីពីរកាត់បានសម្រេចហើយបុរសដែលជាកូនកំលោះទំលាក់កាំបិតនោះចុះទៅក្រោមនិងបន្ទាប់មកទៀតកូនកំលោះបានបញ្ចុកនំខេកទៅភរិយាស្រាប់តែក្រោយមកបន្តិចកូនកំលោះក៏ចាប់ទាញយកដបស្រាសំប៉ាញពីភ្ញៀវដែលចូលរួមនៅក្បែនោះបោកតែម្ដង រួមទាំងធាក់នំខេកមួយជើងឲ្យដួលថែមទៀត។ទង្វើនេះបានធ្វើឲ្យភ្ញៀវដែលបានចូលរួមមានការភិតភ័យយ៉ាងខ្លាំងជាពិសេសក្មេងនៅក្បែរនោះក៏បានខលទូរស័ព្ទហៅឪពុកមា្ដយរបស់ពួកគេឲ្យមកយកផងដែរ។
ចំពោះឃ្លីបវីដេអូដែលបានបង្ហោះនោះ ក៏មានអ្នកទស្សនាច្រើនជាង ៣.៤លានដងនិងអ្នកComment រិះគន់ជាច្រើន ។ ទទឹមនឹងនេះ អ្នកទស្សនាក៏បានលើកឡើងថាប្ដីប្រពន្ធមួយគូនេះគួរលែងលះគ្នាទៅ បើរស់នៅជាមួយគ្នាមិនចុះសម្រុងទេនោះ៕
