….ស្ត្រីជាម្តាយម្នាក់នេះសមតែទទួលបាននូវប័ណ្ណសរសើរហើយពីព្រោះថ្វីបើនាងមានកូនដល់ទៅជិត២០នាក់ក្តីតែអ្នកជិតខាងពុំដែលឮនាងថ្ងូរថាពិបាកម្តងណានោះឡើយទឹកមុខនាងញញឹមប៉ប្រឹមជានិច្ចបង្ហាញថាកូនច្រើនប៉ុណ្ណឹងនាងចិញ្ចឹមយ៉ាងធូរល្ហុយ។ ប្រិយមិត្តទាំងឡាយប្រាកដជាធ្លាប់ឮពាក្យចាស់មួយឃ្លាពោលថា “ម្ដាយម្នាក់ចិញ្ចឹមកូន ១០ នាក់រស់ តែកូន ១០ នាក់ចិញ្ចឹមម្ដាយម្នាក់មិនរស់”។ ពាក្យនេះពិតជាត្រឹមត្រូវណាស់ ព្រោះអ្នកម្ដាយ ស៊ូលះបង់អ្វីៗគ្រប់យ៉ាងដើម្បីកូន ស៊ូអត់មាត់ខ្លួនឯង ឱ្យតែកូនៗបានឆ្អែត ផ្តោតសំខាន់ទៅលើកូន ឬអាចនិយាយបានម្យ៉ាងទៀតថា អ្នកម្ដាយពូកែចាត់ចែងការចាយវាយក្នុងគ្រួសារ។
តួយ៉ាង អ្នកស្រី ជេនី បូណែល (Jeni Bonnell) ដែលមានកូនរហូតដល់ទៅ ១៦នាក់ក្នុងគ្រួសារ មានសមាជិកច្រើនបំផុតនៅប្រទេសអូស្ត្រាលី ចិញ្ចឹមកូនៗបានយ៉ាងល្អនោះបានបង្ហោះសារពីរូបមន្តរបស់គាត់ក្នុងការចិញ្ចឹមកូនៗដ៏មានចំនួនយ៉ាងច្រើនបែបនេះ។នៅក្នុង YouTube Channel របស់គាត់ ស្ត្រីដែលមកពីទីក្រុងធូវូមបារដ្ឋឃ្វីនស៍ លែន រូបនេះបានចែករំលែកគន្លឹះ សំខាន់ៗនៅក្នុងការចាត់ចែងគ្រួសារដ៏ធំបែប នេះបានយ៉ាងល្អ។ អ្នកស្រីនិយាយថា ក្នុងនាមជាអ្នកម្ដាយពូកែ យើងត្រូវចេះគ្រប់គ្រងការចំណាយដូចជា ទី១ ត្រូវដឹងច្បាស់ពីទំហំប្រាក់សម្រាប់ដោះស្រាយជីវភាពប្រចាំថ្ងៃ ទី២ ត្រូវធ្វើបញ្ជីតាមដានរាល់ការ ចំណាយឱ្យបានច្បាស់លាស់ ហើយទី៣ ប្រសិនបើពិនិត្យឃើញថា ការចំណាយលើសខ្ទង់ ត្រូវប្រញាប់បញ្ឈប់ការចំណាយបែបនោះជាបន្ទាន់។ គាត់បានគូសបញ្ជាក់ថាប្រសិនបើអ្នក ម្ដាយគ្រប់រូបអនុវត្តចំណុចទាំង ៣ នេះបានខ្ជាប់ខ្ជួនគ្រួសាររបស់អ្នកនឹងមានរបស់ហូប ចុកគ្រប់គ្រាន់ និងមានលុយសម្រាប់អបអរពិធី បុណ្យជុំគ្នាគ្រួសារដូចជាបុណ្យណូអែល ជាដើម។
សូមបញ្ជាក់ថា ក្នុងចំណោមកូនទាំង ១៦ នាក់របស់គាត់ មានប្រុស ៩ និងស្រី ៧ ដែលមាន អាយុចាប់ពី ៤ ឆ្នាំដល់ ២៩ ឆ្នាំ៕