…នៅស្រុកគេតែអណ្តាតភ្លើងស្នេហ៍ឆេះកញ្ជ្រោលដូចបាយពុះត្រាក់ៗហើយនោះ..ខាងស្រីពុំដែលមានចិត្តខ្មាស់អៀនបន្តិចណាឡើយក្នុងការពោលពាក្យសម្តី សុំមិត្តប្រុសរៀបការព្រោះមិនចង់ទុកយូរនាំតែជូរផ្អូម។ នេះជារឿងធម្មតាទៅហើយសមដូចពាក្យសិទ្ធិមនុស្សលើកឡើងថា ស្ត្រីនឹងបុរសមានសិទ្ធិស្មើគ្នា។
កាលពីថ្ងៃទី១៦ ខែធ្នូ នារីវ័យ២៤ឆ្នាំម្នាក់ បានធ្វើឲ្យមិត្តប្រុសមានការភ្ញាក់ផ្អើលយ៉ាងខ្លាំង ដោយយកសំបុត្រប្លង់ផ្ទះ និងសោររថយន្ដម៉ាក BMW មួយគ្រឿងដាក់ក្នុងបាច់ផ្កាជូនទៅកាន់មិត្តប្រុស។ នាង Xiao Jing គឺជាកូនស្រីអ្នកមានទ្រព្យនៅក្នុងខេត្ត Henanបានរៀបចំអំណោយនិងសុំមិត្តប្រុសរៀបការនៅកន្លែងដែលពួកគេទាំងពីរបានជួបគ្នាជាលើកដំបូង និងជាថ្ងៃគំរប់ខួប១ឆ្នាំផងដែរ។ លុះពេលដែលមិត្តប្រុសបានមកដល់ទីតាំង នាងបានស្លៀកឈុតកូនក្រមុំហើយនិយាយទៅកាន់មិត្តប្រុសថា៖ «ពួកយើងទាក់ទងគ្នាបាន១ឆ្នាំហើយ អូនសង្ឃឹមថាបងនឹងនៅជាមួយអូនទៅថ្ងៃអនាគត។ នេះជាអ្វីដែលអូនបានរៀបចំ រថយន្ដមួយគ្រឿង និងផ្ទះមួយខ្នង។ តើបងព្រមរៀបការជាមួយអូនទេ?» មិត្តប្រុសរបស់នាងមានអារម្មណ៍ថាគ្រប់យ៉ាងដូចជាសុបិន ក៏ស្ទុះទៅឱបនាងហើយឆ្លើយតបទៅវិញថា៖ «បងព្រម!»
បើទោះបីជាការសុំមិត្តប្រុសរៀបការមើលទៅខុសឆ្គងយ៉ាងណាក៏ដោយ ក៏នាង Xiao Jing មិនខ្វល់ឡើយ សំខាន់ពួកគេទាំងពីរនាក់ស្រលាញ់គ្នា៕
Home សង្គមប្លែកៗ ស្ត្រីមានសិទ្ធិស្មើនឹងបុរសមែន…ប្រមូលអស់ទ្រព្យសម្បត្តិធ្វើជាដង្វាយសុំមិត្តប្រុសរៀបការ