ពិតជាទ្រព្យព្រេងសំណាងបានចូលមកដល់មែនខណៈពេលកំពុងបោះជំហានត្រុកត្រុក នៅឆ្នេរសមុទ្រក៏ប្រទៈឃើញដុំអ្វីមួយយ៉ាងចំឡែក ក៏រើសយកមកទុកពេលកៀនជញ្ចាំង លុះបានជាង១ខែក្រោយមកទើបអរពេកកញ្ឆែងដ្បិតដុំដ៏ចំឡែកមួយនេះជាកំអួតត្រីបាឡែនប្រៀបដូចជាដុំមាសយ៉ាងអញ្ចឹង។
បើយោងតាមប្រភពសារព័ត៌មានក្នុងស្រុកបានឲ្យដឹងថា បុរសមានសំណាងរូបនេះ ឈ្មោះថា លោក Boonyos Tala-upara អាយុ ៤៤ឆ្នាំជាអ្នកបំរើក្នុងហាងបារ បានប្រទះឃើញដុំលឿងៗចម្លែកទម្ងន់ ១០គីឡូក្រាមនេះ តាំងតែពីកំឡុងខែមិថុនា ឆ្នាំមុនមកម្ល៉េះ នៅគ្រាដែលរូបលោកបានដើរតាមមាត់ឆ្នេរលើកោះ Koh Samui ប្រទេសថៃ។ដោយសារតែ ឃើញសភាពហាក់រាងចម្លែករបស់វា និងគួរឲ្យចាប់អារម្មណ៍ផងនោះ លោក Boonyos ក៏បានរើសយកដុំនោះមកទុកនៅហាងបា។ ក្រោយមក លោកក៏មិនសូវជាបានយកចិត្តទុកដាក់នឹងវានោះទេ គឺទុកចោល ក៏ព្រោះតែគិតថា វាគ្រាន់តែជារបស់ឥតតម្លៃមួយតែប៉ុណ្ណោះ។ទើបតែថ្មីៗនេះប៉ុណ្ណោះ ដែលធ្វើឲ្យលោក Boonyos ចង់សភ្នែកពេលបានដឹងការពិតពីវា។ ពោលគឺកាលពីខែមុននេះ មិត្តភក្តិរបស់លោកបានមកលេងនៅហាងបា នៅលើកោះ Samui នេះ និងបានឃើញដុំលឿងៗចម្លែកនេះ ទាំងភ្ញាក់ផ្អើលតែម្តង។មិត្តភក្តិរបស់លោកបានប្រាប់ទៅម្ចាស់ហាងបាថា របស់ចម្លែកនេះវាអាចជាកំទេចកំទី ឬកម្អួតត្រីបាឡែន ដែលជាសារធាតុមួយត្រូវបានគេយកទៅផ្សំធ្វើជាទឹកអប់ និងលក់បានក្នុងតម្លៃថ្លៃកប់ពពកឯណោះ។លោក Boonyos បាននិយាយថា លោកពិតជាភ្ញាក់ផ្អើល ហើយក៏មិនដឹងថា វាជារបស់ដ៏មានតម្លៃបែបនេះសោះ។ ដុំដ៏ធំនេះវាមានពណ៌លឿង ឬពណ៌មាស ដូចជាក្រមួនទន់ៗ ស្រដៀងនឹងទៀនដែរ។ ប៉ុន្តែនៅពេលដែលយកដៃចុចវា សាច់វាទន់ជាង មិនដូចជាទៀននោះទេ (ទៀនរឹង)។លោកក៏បានសាកល្បងយកដែកកេះទៅដុតលើដុំនេះ វាក៏បានរលាយទៅជាប្រេង រួចក្រោយមកក៏ស្រាប់តែប្រែទៅជារឹងវិញ (ពេលត្រជាក់)។
លោកថា លោកពិតជាពុំដែលឃើញបែបនេះពីមុនមកឡើយ។បើយោងតាមតម្លៃដែលគេធ្លាប់លក់ពីមុនៗមក គេដឹងថាទម្ងន់0.45Kgអាចលក់បានតម្លៃជិត២ម៉ឺនដុល្លារហេតុនេះហើយទម្ងន់១០គីឡូក្រាមអាចលក់ចេញបានប្រហែលជាងម៉ឺនដុល្លារឯណោះ។អ្វីដែលជាពិសេស និងគុណប្រយោជន៍របស់កំអួតត្រីបាឡែននោះ គឺត្រូវបានគេយកទៅប្រើប្រាស់ ឬផ្សំផលិតជាទឹកអប់ឲ្យមានក្លិនក្រអូប ក្នុងចំណីអាហារ និងគ្រឿងសម្អាងជាដើម។ វាត្រូវបានគេយកទៅប្រើប្រាស់ឬផលិត តាំងតែពីក្នុងកំឡុងសតវត្សរ៍ទី១៣ មកម្ល៉េះ៕
Home សង្គមប្លែកៗ សំណាងណាស់ដើរលេងលើឆ្នេរសមុទ្ររើសបានកំអួតត្រីបាឡែន១ដុំតម្លៃជាង៥០ម៉ឺនដុល្លារ