[wai id="5"]
[wai id="7"]
…ធម្មជាតិបង្កើនមនុស្សមក ថ្វីបើពេលខ្លះដូចខ្វះក្តីមេត្តាតាក់តែងរូបកាយឲ្យមានភាពពិការដោយអន្លើតែក៏នៅមានក្តីអាសូរខ្លះដែរ…ជួយបំពេញបំណងឲ្យសម្រេចបានតាមបំណងប្រាថ្នាដែរ។ ដូចជាកញ្ញាម្នាក់នេះ តាំងពីតូចក្រូចឆ្មារមកនាងពិការដៃទាំងសងខាង តែនាងមានក្តីប្រាថ្នាមួយខ្ពស់កប់ពពកតែម្តងគឺចង់ក្លាយជាអ្នកបើកយន្តហោះ។ កាលពីនាងនៅក្មេងបំណងប្រាថ្នានេះត្រូវអ្នកផងសើចចំអកឲ្យតែដល់នាងពេញក្រមុំម្នាក់ៗបាត់មាត់ដូចគេចុក…ដ្បិតអីបំណងប្រាថ្នារបស់នាងបានសម្រេចហើយ!។ អ្នកនាង Jessica Cox អាយុ ៣៤ឆ្នាំ គឺជាជនពិការគំរូម្នាក់ ដែលអាចបញ្ជាក់បានថា ពិការភាពមិនអាចបំផ្លាញក្តីស្រមៃរបស់យើងបានទេ បើសិនជាយើងប្រឹងប្រែងឲ្យអស់ពីសមត្ថភាព។
ដោយសារបញ្ហាហ្សែនពីកំណើត នារីកូនកាត់ហ្វីលីពីន-អាមេរិក រូបនេះ ត្រូវរស់នៅពេញមួយជីវិត ដោយគ្មានដៃទាំងសងខាង។ ជាការពិត ដំបូងឡើយ វាពិតជាលំបាកខ្លាំងណាស់សម្រាប់នាង ប៉ុន្តែឥឡូវនេះ នាងមានជំនាញក្នុងការធ្វើកិច្ចការប្រចាំថ្ងៃជាច្រើនដូចជា បើកឡាន ចងខ្សែរស្បែកជើង កក់សក់ ពាក់Contact Lenses និងផាត់មុខថែមទៀតផង។កាន់តែមិនគួរឲ្យជឿទៀតនោះគឺ នាងជាមនុស្សម្នាក់ដែលស្រឡាញ់កីឡាមុជទឹក និងកីឡាជិះសេះ ហើយថ្មីៗនេះ នាងបានក្លាយជាអ្នកបើកយន្តហោះពិការដៃដំបូងគេ និង ទទួលបានខ្សែក្រវ៉ាត់ខ្មៅពីសមាគមតៃក្វាន់ដូអាមេរិកថែមទៀត ។ដំបូងឡើយ នាងភ័យខ្លាចក្នុងការបើកយន្តហោះខ្លាំងណាស់។ នាងបានចាប់ផ្តើមពីការបើកយន្តហោះខ្នាតតូចដែលមិនប្រើហ្គ៊ែរនៅនឹងជើង ទើបនាងអាចប្រើជើងឆ្វេងរបស់នាងដើម្បីដាក់លេខ និងជើងស្តាំដើម្បីកាន់ចង្កូត។ជាទូទៅ សម្រាប់ការរៀនបើកបរយន្តហោះប្រភេទនេះ ត្រូវចំណាយពេល ៦ខែ ប៉ុណ្ណោះ ប៉ុន្តែសម្រាប់ Jessica វិញ នាងបានចំណាយពេលដល់ទៅ ៣ឆ្នាំ និងសិក្សាជាមួយគ្រូដល់ទៅ៣នាក់ឯណោះ។អ្នកនាង Jessica បាននិយាយ ថា៖“លើកដំបូងដែលគ្រូរបស់ខ្ញុំអនុញ្ញាតឲ្យខ្ញុំហោះហើរនោះ ខ្ញុំនៅចាំបានថា វាពិតជាគួរឲ្យខ្លាចខ្លាំងណាស់ ប៉ុន្តែខ្ញុំអាចហោះហើរបានដោយជោគជ័យ ហើយវាជាអារម្មណ៍មួយដែលអស្ចារ្យបំផុត។ ” ខ្ញុំអាចហោះហើរបានដោយជោគជ័យ វាជាអារម្មណ៍មួយដែលអស្ចារ្យបំផុត គ្រូៗទាំងនោះបាននិយាយថា បើសិនជា Jessica អាចហោះហើរបានដោយសុវត្ថិភាព អាចប្រលងជាប់ និងបំពេញតាមការលក្ខខណ្ឌរបស់ពួកគេ គ្មានហេតុផលណាដែលពួកគេមិនអាចផ្តល់សិទ្ធិឲ្យនាងបើកបរដោយស្របច្បាប់នោះទេ។បាននិយាយថា៖ “ខ្ញុំមានជើង ប៉ុន្តែខ្ញុំគ្មានដៃ និងប្រអប់ដៃទេ ដូច្នេះ តាំងពីតូចមក គឺខ្ញុំរៀនចាប់កាន់របស់ផ្សេងៗដោយប្រើជើង។ ជើងរបស់ខ្ញុំប្រៀបដូចជាដៃរបស់ខ្ញុំយ៉ាងអ៊ីចឹង”។
ពាណិជ្ជកម្ម
បន្ទាប់មក នាងក៏បានព្យាយាមសិក្សាជំនាញផ្សេងៗទៀត ដើម្បីសាកល្បងពីសមត្ថភាពរបស់ខ្លួន។ នៅពេលដែលនាងមានអាយុ១០ឆ្នាំ នាងបានចាប់ផ្តើមចូលហាត់តៃក្វាន់ដូ ហើយ៤ឆ្នាំក្រោយមក នាងក៏ទទួលបានខ្សែក្រវ៉ាត់ខ្មៅ។ ចាប់ពីពេលនោះមក នាងក៏ឈប់ប្រើដៃសិប្បនិម្មិតផងដែរ។នាង Jessica បានបញ្ជាក់ទៀតថា អ្នកដែលតែងតែគាំទ្រនាងខ្លាំងជាងគេ គឺឪពុកម្តាយរបស់នាង។ ពួកគាត់បានមើលថែរក្សានាងដោយក្តីស្រឡាញ់ និងការថ្នាក់ថ្នម។ ពួកគាត់មិនដែលធ្វើឲ្យនាងមានអារម្មណ៍ថា នាងគឺជាមនុស្សម្នាក់ដែលខុសពីមនុស្សទូទៅនោះទេ។នៅក្នុងឆ្នាំ ២០១២ នាងបានរៀបការជាមួយលោក Patrick ដែលជាអតីតគ្រូតៃក្វាន់ដូរបស់នាង៕
រូបភាពកាលនាងនៅពីក្មេង
[wai id="6"]