…បុរសម្នាក់នេះធ្លាប់តែមានជីវភាពធម្មតាៗប៉ុណ្ណោះ…ប៉ុន្តែនៅថ្ងៃមួយស្រាប់តែមានលុយដុល្លារទាំងដុំៗថតសម្ញែងបង្ហោះបានធ្វើឲ្យអ្នកដែលបានស្គាល់ទាំងប៉ុន្តែនៅថ្ងៃមួយស្រាប់តែមានលុយដុល្លារទាំងដុំៗថតសម្ញែងបង្ហោះបានធ្វើឲ្យអ្នកដែលបានស្គាល់ទាំងប៉ុន្មានកើតក្តីរឿងឆ្ងល់ដណ្តឹងសួរគ្នាទៅវិញក្លាយជាក្អែកមួយជាក្អែកដប់..ស្រាប់តែផ្ទុះចេញត្រីកំភ្លាញងាប់ព្រោះមាត់..។
លោក Arlando Henderson ត្រូវបានចាប់ខ្លួនដោយ FBIហើយរឿងរ៉ាវរបស់ បុរសអាមេរិក រូបនេះក្លាយជាឧទាហរណ៍បញ្ជាក់ប្រាប់ យ៉ាងច្បាស់ថា ការសម្ញែងទ្រព្យសម្បត្តិគគ្រឹកគគ្រេងនៅលើបណ្តាញសង្គមគឺមិនមែនជាគំនិតដ៏ល្អនោះទេ បន្ទាប់ពីគាត់យកលុយដែលខ្លួនលួចបានទៅសម្ញែងលើបណ្តាញសង្គមយ៉ាងហំហួន ហើយត្រូវប៉ូលិសចាប់ខ្លួននៅពេលបន្ទាប់។លោក Henderson ដែលជាអតីតបុគ្គលិកធានាគារ Charlotte, N.C. ត្រូវបានចាប់ខ្លួនពីបទលួចលុយជាង ៨៨.០០០ដុល្លារពីធនាគារដែលគាត់ធ្វើការ។ នេះបើយោងតាមសេចក្តីថ្លែងការណ៍មួយ ដែលបានចេញផ្សាយកាលពីថ្ងៃសុក្រសប្តាហ៍មុន ដោយការិ យាល័យមេធាវី រដ្ឋ North Carolina។យោងតាមការចោទប្រកាន់ដែលមាននៅក្នុងដីកាបណ្តោះអាសន្ន របស់តុលាការសហព័ន្ធ បុរសវ័យ ២៩នាក់ឆ្នាំរូបនេះ បានលួចលុយពីទូប្រាក់បញ្ញើផ្ញើដោយអតិថិជនធនាគារពីទូដែកយ៉ាងហោចណាស់១៨លើកក្នុងឆ្នាំ២០១៩ ហើយបន្ទាប់មកបានដាក់ផ្ញើប្រាក់មួយចំនួននៅក្នុងទូ ATM នៅជិតនោះ។
យោងតាមសេចក្តីថ្លែងការណ៍លោក Hen derson ត្រូវបានចោទប្រកាន់ពីបទឆបោកស្ថា ប័នហិ រញ្ញវត្ថុចំនួនពីរ ចោរកម្ម ១៩លើក កិបកេង និងបន្លំទ្រព្យសម្បត្តិក៏ដូចជាបទបន្លំចូលស្ថាប័ន១២ផ្សេងទៀតផងដែរ ដែលនឹងត្រូវអនុវត្តទោសអតិបរមា ៣០ឆ្នាំក្នុងពន្ធនាគារ និងពិន័យ ១លានដុល្លារក្នុងមួយករណី។ គាត់ក៏ត្រូវបានចោទប្រកាន់ពីបទលាងលុយកខ្វក់មួយករណីទៀតដែរ ដែលនឹងធ្វើឱ្យជាប់ពន្ធនាគារថែម ១០ឆ្នាំទៀត និង ពិន័យជាប្រាក់ ២៥០.០០០ដុល្លារសម្រាប់១ករណីនេះ៕
